Ejikele 12:3 - Bibilia Buk na Ŋun nagon koti luŋu a

³ kogwon se a kötumit na ŋutu karerenyak. Nyenagon ŋuro lo ŋuto, toŋi tito kunök anyen do wökön i jur lo pajo, toŋi se i diŋit na tuparan a lepeŋat memeddya, a kirut do iti tu. Ko lepeŋat a met do i wuddya konut i pirit a iti i jur lo pajo, kode se ŋona mo kukurun adi se a kötumit na ŋutu karerenyak.

Ejikele 12:3 Iomraidhean Croise

Saumajin 81:13

A ŋon, ko ködyö ŋutu kwe Yisaraele yiyiŋ nan, nyena se ködyö wöwörö i kikolin kwe!

Yeremia 10:17

Ta ŋutu logon tuma ko merok, tuŋdye ta tito kasu anyen tawöwökön.

Yeremia 26:3

Kode ŋona lepeŋat mo yiyiŋga, a se liŋ geleŋ geleŋ mo lopukuŋdye kaŋo i kikolin kase lorok, anyen nan bögö lölöpuggö i ŋo naron nagon nan a yeyeju konakiŋdya lepeŋat na, kogwon konesi kase narok kune.

Yeremia 27:2

MATAT lo kulya ko nan adi, Tetenakiŋdye mugun patala ko gwulupi, ko toraki konut i murut.

Yeremia 36:3

Kode ŋona kötumit na Yuda mo yiyiŋ po narok liŋ nagon nan ’dek konakiŋdya lepeŋat kune, anyen ŋutu liŋ geleŋ geleŋ böŋö lölöpuggö i kikolin kase lorok, anyen nan böŋö pipitökin lyapesi kase se ko toronjin kase.

Yeremia 36:7

Kode ŋona momolesi kase ’du ’dur ko MATAT i komor, a ŋutu liŋ geleŋ geleŋ böŋö löpuŋge löpuggö i kikolin kase lorok, kogwon woran, iŋkoi, ŋoma nagon MATAT aje kenakin kilo ŋutu adi mo kokonaki se na a duma parik.

Yeremia 7:26

ama a lepeŋat tine ’bön tiŋdu swö kase i yiŋga na nan, ama a se wu ’duŋge murutö kase. Lepeŋat a lorok parik lwöŋgu merenyejin kase.

Ejikele 12:7

A nan iŋge koŋdya gwoso na saraki ’e nan na. A nan yekuŋdye tito kwe kaŋo i diŋit na tuparan a tora gwoso tito ti ŋuto logon wökön i lele jur. A i diŋit na koriri i ’doro na kolor a nan tu ’ye gorom ko könin lio. A i sömukö a nan iti kaŋo ’doggu tito kwe köyö i kwe a lepeŋat memeddya.

Ejikele 3:26

A nan mo tiŋdi ŋedep ilot i ’depakiŋdya konut i ’dako, anyen do gwon ti bulö jambu; a do mo tine bulo kunyaŋu lepeŋat, kogwon se a kötumit na karerenyak.

Ejikele 3:27

Ama ko nan a jambu ko do, a nan mo paji kutuk inot a do mo takiŋdye se adi, Kulo a kulyaesi ti MATAT ŊUN. Ko ŋuto logon yiyiŋ a ti nye yiŋge, ko logon rerenya yiŋga, a ti nye renyani; kogwon se a kötumit na karerenyak.

Ejikele 33:11

Kulyani ko lepeŋat adi, MATAT ŊUN lo kulya adi, ’Diri ’diri gwoso na gwoŋdi nan na, nan ’bak lyöŋön i twan na ŋuto loron, ama nan ’de ’dekan adi ti ŋuto loron löpuŋge löpuggö i kiko lonyit, ko ti rune ru. Nyena löpukwene ta bot, iŋkoi, wöripuŋdye ta kaŋo i kikolin kasu lorok kilo. Ta ŋutu ti kötumit na Yisaraele, ko nyo ta ’de ’dekan twatwa?

Ejikele 43:11

A ko kusik kase aje yu ko ŋo liŋ na kon se kune, nyönyököki lepeŋat kulya liŋ ti ŋina kadi, ko gweya nanyit, ko kötumitön na lupörikin kaŋo se ko lukata, ko miret nanyit ko saresi ’dukesi. Nyönyököki lepeŋat kine ŋo liŋ ko wuröki se kak a lepeŋat memeddya, anyen se ködyö yeye kine ŋo ko kökon se.

Luka 13:34

A, Yerusalema, Yerusalema, ŋutu kulök a katatuak ti nebijin, a gugubuje ŋutu logon a sunyuki do kilo ko ŋurupö! Diŋitan muda nagon nan ’de ’dekan sukuŋdyö ŋwajik kulök köyo ni i pirit na geleŋ, gwoso sukuri nagon sukokiŋdyö torela kanyit i köpukön na, ama a ta tine ’bon!

Luka 20:13

a kirut monye lukobi na binyo pije mugun adi, Nan koŋdya nyo? Nan de soson pilili liŋ lo ŋuro lo nyanyara, kode ŋona lepeŋat de twotwö lepeŋ.

Nyökit 32:29

Ko se ködyö a lokoŋ a se ködyö kuru kurun ŋina ŋo, a se ködyö timuŋdye ’dutet nase!

Nyökit 5:29

Ködyö a na ’but ko se gwon ko yeyeet gwoso ŋina temba i perok liŋ i kugga na nan ko i ’debba na saresi kwe liŋ, anyen kulya kase ködyö tu ’bura se ko ŋwajik kase ŋupi!

2 Timoteo 2:25

lepeŋ ködyö yuyuggö ŋutu lo renya lepeŋ kilo ko tokoyokan. Kode a Ŋun ŋona mo tiŋdi se i löpuggö na töilyet, anyen se ŋo i deŋdya na kulya ti to ’diri,