Ejikele 12:28 - Bibilia Buk na Ŋun nagon koti luŋu a

²⁸ Nyenagon ti do taki lepeŋat adi, MATAT ŊUN lo kulya sona adi, Lele lo kulyaesi kwe ’bayin kwöŋ logon mo kakarakin; ama kulyaet logon nan a jam lo mo kokona. Ŋilo a kulyaet lio lo MATAT ŊUN.

Ejikele 12:28 Iomraidhean Croise

Yeremia 1:11

A kulyaet lo MATAT poki köyö ladi, Yeremia, do a meddya nyo? A nan waddi adi, Nan a meddya kene na ködini sakeda nagon möŋdu turö i suluki na kiŋa.

Yeremia 1:12

A kirut MATAT kulyani ko nan adi, Do a meddya ’bura, kogwon nan möŋdu koŋdya kulyaet lio.,

Yeremia 1:13

A kulyaet lo MATAT poki köyö daŋ tomurek adi, Do a meddya nyo? A nan waddi adi, Nan a meddya mu ’da deret logon yuyu logon kutuk nanyit metuŋdya i swöt lo lobot.

Yeremia 4:7

Komiru a lupe kaŋo i rudu kata, iŋkoi, katukaranit lo juron aje lupe kaŋo kanyit i pirit anyen po i koŋu na jur losu; a nye koŋdi köjino kasu a murwoki ’bak ŋutu kata.

Yeremia 44:28

a ŋutu ku ’dik logon a rwösöddu i baŋdujin kulo mo wöki kapo i jur lo Ejipeto a mo yitöni i jur lo Yu­da. Iŋkoi, pitönö liŋ ti kötumit na Yuda logon a po i jur lo Ejipeto i si ’da kulo mo deden ko kulyaet liŋ a lo gwo ’dan ŋo, kulyaet lio kode lose.

Ejikele 12:27

Ŋuro lo ŋuto, mete, ŋutu ti kötumit na Yisaraele kulya adi ŋo na memeta nagon a kweki do konut i töili na a na kiŋajin jore lo popo, adi do keju kulya ti diŋitan nagon nyuŋ pajo parik.

Ejikele 13:1

A kulyaet lo MATAT poki köyö adi,

Ejikele 7:13

Kogwon katugwörök mo ti yitö i ŋo na tugwör se kune a se nyuŋ gwon jörun. Kogwon woran gwon ko ŋutu kase jore loki, a ŋina woran mo tine löpukwe bot; a lele ŋuto mo tine ’debba ru nanyit kogwon toron nanyit.

Ejikele 7:7

Ta ŋutu ti jur ’bukuluŋ, sasanyesi kine popo, diŋit ŋina gwe nyona, lor lo woŋesi jore gwe nyona, ama ti gwon a woŋesi ti lyöŋön i merya loki.

Kweyatti 3:3

Yeyene yeye ŋo na wu do ko ŋo na yiŋ do kine; ’depe ’dep se ko löpuŋge töili. A ko do ti ’bön purwe, a nan mo poŋdi gwoso kolanit, a do mo tine den diŋit nagon nan mo ’durukin konut nu.