Ejikele 12:23 - Bibilia Buk na Ŋun nagon koti luŋu a

²³ Taki lepeŋat adi, MATAT ŊUN lo kulya sona adi, Nan aje tiŋdu ’dutet i ŋina tolupet, a nye mo köti tine yiŋa i jama i Yisaraele köti kwöŋ. Ama taki lepeŋat adi, Diŋit gwe nyona nagon ŋo na memeta na met nebi kanyit i töili kune mo wora a gwak.

Ejikele 12:23 Iomraidhean Croise

Saumajin 37:13

MATAT a kweni ’e lepeŋ, kogwon nye aje met lor lonyit i ŋo.

Yisaya 28:22

Soŋinana an ta ko gwon a ka ’döyök, an rerekesi kasu ko toraki go; kogwon nan a yiŋ ko MATAT Ŋun lo kurumi kulya ti tukaret nagon a saraki i kak ’bukuluŋ.

Ejikele 12:25

Kogwon nan MATAT mo jajambu ŋo nagon nan ’de ’dekan, a kulya nagon nan mo jajam kune mo konani kona, a kine kulya mo tine jaran i kona. Ta kötumit na karerenyak, nan mo jajambu kulyaet a nan mo kitari kitari ŋilo kulyaet i perok kasu. Ŋilo a kulyaet lio lo MATAT ŊUN.

Ejikele 16:44

Mete, a ŋutu liŋ logon jambu tolupe-si kulo mo jambi lele tolupet i kulya kunök adi, Ŋuro nakwan a kelaji ko ŋote.

Ejikele 18:3

Nan MATAT ŊUN lo kulya adi, ’Diri ’diri gwoso na gwoŋdi nan na, ta mo köti ti jambu ŋilo tolupet kwöŋ i Yisaraele.

Ejikele 7:2

Do ŋuro lo ŋuto, nan MATAT ŊUN lo kulya ko jur lo Yisaraele adi, Ŋina gwe a ’dutet, ’dutet ŋina popo i swötön iŋwan ti jur.

Yoele 2:1

Kute ta toriot Siona yu; kute ta toriot sorosi i loki na mere lio loke lo rurwan; ti ŋutu liŋ ti jur boŋdi böŋdu kogwon lor lo MATAT popo,

Jepania 1:14

Lor duma lo MATAT gwe nyona, iŋkoi, lepeŋ gwe nyona ko rurumuŋdya ’de ’de; woŋon na lor lo MATAT totomijo toilyet ti ŋutu, a ŋutu walan luluje parik nyu.

Malaki 4:1

Nan MATAT lo kurumi lo kulya adi, Mete ta, ŋilu lor mo popo logon ’yu ’yuŋa gwoso pirit namet, logon kabulak ti kusik se ko katoronyak liŋ mo gwe gwoso kuku; a ŋilu lor lo popo lu mo ’yuraddi se kaŋo, a mo tine kolokin se nene kokorite kode kene.

Matayo 24:34

’Diri nan takiŋdya ta adi, ŋutu ti na toberon mo ti ’duddyö tojo ko kine ŋo liŋ mo a kona.