Ejikele 12:22 - Bibilia Buk na Ŋun nagon koti luŋu a

²² Ŋuro lo ŋuto, tolupet nagon ŋutu jajam i jur losu lo Yisaraele na kweja nyo nagon ta kulya adi, Perok ’yaladdu ŋerot a ŋo na memeta na met nebi kanyit i töili kune worani a ŋo kana?

Ejikele 12:22 Iomraidhean Croise

Yisaya 5:19

kulya adi, Ti MATAT rume rum, ti nye nyoggi kita nanyit, anyen yi memet; ti go na yeye Ŋilo Loke lo Yisaraele kune, ti konani kona anyen yi memet!

Ejikele 11:3

Lepeŋat kulya adi, Diŋit ’duket na kadijik nyuŋ pajo. Köti adi, Na köji a sape a yi gwe a lokore nagon ’dela ’bura i lukata nanyit.

Ejikele 12:21

A kulyaet lo MATAT poki köyö pija adi,

Ejikele 12:27

Ŋuro lo ŋuto, mete, ŋutu ti kötumit na Yisaraele kulya adi ŋo na memeta nagon a kweki do konut i töili na a na kiŋajin jore lo popo, adi do keju kulya ti diŋitan nagon nyuŋ pajo parik.

Ejikele 16:44

Mete, a ŋutu liŋ logon jambu tolupe-si kulo mo jambi lele tolupet i kulya kunök adi, Ŋuro nakwan a kelaji ko ŋote.

Ejikele 7:26

Kulya narok jore mo rurutuŋdya, a liŋio lorok jore mo rurutuŋdye rurutuŋdya; a se mo ga ’yi nebi anyen metakiŋdya se kulya ti Ŋun kanyit i töili, ama a tökoŋu na saresi iŋge likin ko koanejin i töilyet, a ŋutu temejik mo gwe ’bak jujuwesi na ’but.

Amosa 6:3

Ta logon tomijoddu lor loron pajo, a rurumuŋdye ’de ’de diŋit nagon ŋutu loron mo tumatyan ko ta.

Abakuk 1:5

Diŋe ta i kiden na Juron, meddi ta, ko soŋi ta soŋu ko rigwökö. Kogwon nan ŋun a koŋdya kita i perok kasu, ŋina kita ta ti yuŋ ko kodyo a taki ta.