Ejikele 12:16 - Bibilia Buk na Ŋun nagon koti luŋu a

¹⁶ Ama nan mo pipitökin ŋutu ku ’dik i rwösöddu kaŋo i baŋdu, ko i dyaŋ, se ko i twanti iŋgo, anyen se tukökiŋdyö ŋo kase liŋ na mamana kine i kiden na gweyajin ti ŋutu logon se a tu kata kulu, a se mo dene den adi nan logon a MATAT.

Ejikele 12:16 Iomraidhean Croise

Suluet 13:16

A nan mo tiŋdi nyakwariat kulok i gwon jore gwoso ŋutu na kak; anyen ko Ŋutu bubulö keŋdya ŋutu na kak, a nyakwariat kulök koti mo kenani kena.

Saumajin 59:12

Ti se mokani moka i bu ’ya nase na kusik, kogwon toron na kutusen kase ko kulyaesi lorok logon se jajam kulo, iŋkoi, kogwon momoröju ko kulya ’burönöesi nagon se jajam kune!

Yisaya 1:9

Ko ködyö MATAT lo kurumi a ko kolokin yi a pitönö ku ’dik, a yi ködyö gwe gwoso Sodoma, a yi worani gwoso Gomora.

Yisaya 10:19

A pitönö ti kaden ti rudu lonyit mo gwe ku ’dik parik gwoso nagon ŋuro lo ’dit jujukin wuirokiŋdyö kak na.

Yisaya 10:22

Kogwon ma ’di nagon ŋutu kulok ti Yisaraele gwon gwoso sese na tor duma na ’balaŋ, tin a pitono ti lepeŋat ka ’de mo yiyitwe. Saret logon a saraki adi se ködyö tutukara lo a baraŋdu ko loti lo rigwo.

Yisaya 24:13

A mo konakine sona i kiden na kak, i kiden na jurön, gwoso na gwutöri ludweki ti ködini lo jeitun na, gwoso kwök Wötö na ludweki ti binyo logon a pituŋdyö.

Yisaya 6:13

Ma ’di topuökit na ŋutu a pituŋdyö i lo jur, a se mo tukarani tukara koti, gwoso ködini logon a ri kode gwoso kite, logon kumut nanyit nyuŋ gwogwo ’dan na toköji ’e lepeŋ kak nu; nyena a kumut nanyit gwe a nyomot loke.

Yeremia 30:11

Kogwon nan MATAT lo kulya adi, Nan gwon ko ta a mo lwöggi ta. Nan mo togirökiŋdyö jurön liŋ logon nan aje toreaddu ta kata kulu, ama a nan mo tine togirökiŋdyö ta. Nan mo ti kölörö ta i tu kana ’bak riŋa, ama nan mo ririŋ ta ko temet na gwon jojo.

Yeremia 4:27

Nan MATAT lo kulya adi, Jur ’bukuluŋ mo gwon a murwo ama nan mo ti kor lepeŋ asut.

Ejikele 12:15

A kirut se mo dene den adi nan logon a MATAT, i diŋit nagon nan mo toreaddi se i kiden na gweyajin ti ŋutu, iŋkoi, na ratakiŋdye nan se i kiden na jurön nu.

Ejikele 12:17

A kulyaet lo MATAT nyöggi pokin köyö kulya adi,

Ejikele 14:21

Nan MATAT ŊUN lo kulya adi, A naron bia parik ko nan a sunyukin Yerusalema kine riŋesi iŋwan narok parik nagon nan riŋge ŋutu, kweja adi. baŋdu, ko dyaŋ, ko kijakwa ti mu ’diŋ, se ko twanti iŋgo anyen tukaŋu ŋutu se ko toro ’bo!

Ejikele 36:20

Ama i diŋit nagon lepeŋat aje ’durökin i juron liŋ logon lepeŋat tu kata kulu nu, a lepeŋat koŋi karin kwe nake na rurwan, a ŋutu jambi kulya kase adi, Kulo a ŋutu ti MATAT, ama lepeŋat agu ködyo kökolökin jur lonyit.

Ejikele 36:31

A kirut ta mo yiyiuŋdye kikolin kasu lorok se ko konesi kasu nagon köju ’bayin a na ’but kune, a ta mo maŋdi ’börik kogwon kulya ti toronjin kasu se ko konesi kasu na mamana kune.

Ejikele 7:15

Baŋdujin tukaresi kata kaŋo, a twanti iŋgo se ko dyaŋ gwe i lukata; iŋkoi, ŋutu lo gwon mu ’diŋ mo tatua ko baŋdujin, a se lo gwon köji kulo mo twatwane ko dyaŋ se ko twanti iŋgo.

Matayo 24:22

a ko ködyö kilu perok a ko nyökwe kak, a ŋuto ködyö gwe ’bayin lo lwölwökö, ama kilu perok nyökwe kak kogwon kulya ti ŋutu kanyit lo wulwe.

Matayo 7:14

Kogwon kötumit a nagusu ko kiko a Iŋgo logon tirikin i ru, a ŋutu gwe ku ’dik lo ryeju nye.

Roma 9:27

A Yisaya köju iŋge laŋa i kulya ti Yisaraele adi, Ma ’di ködyö ŋutu ti Yisaraele gwon jore gwoso sese na tör duma na ’balaŋ, tuŋ a pitönö ti lepeŋat ka ’de mo lo lwököni;