Ejikele 12:15 - Bibilia Buk na Ŋun nagon koti luŋu a

¹⁵ A kirut se mo dene den adi nan logon a MATAT, i diŋit nagon nan mo toreaddi se i kiden na gweyajin ti ŋutu, iŋkoi, na ratakiŋdye nan se i kiden na jurön nu.

Ejikele 12:15 Iomraidhean Croise

Saumajin 9:16

MATAT a tindu mugun i dena, a nye ’duŋge ŋutet; ŋutu lorok a loka ko kita na kon se ko könisi kase.

Yeremia 29:18

A nan mo tiŋdi merok logon ko baŋdujin, ko dyap se ko twanti iŋgo i riköddu na se, a nan mo koŋdi se a po torigwökit i tumatyanjin liŋ ti kak, anyen gwon a lömit, ko a kujönöet, ko a ’diuket, ko a lawet i kiden na jurön liŋ logon nan aje riköddu se kata kulu.

Yeremia 49:32

A kamilojin kase mo momokani momoka, a teŋon ti toro ’bo kase mo ryakani ryaka, a nan mo totorekiŋdye ŋutu logon ’duŋgö kupir ti komorsikan kase kulo 1 swöton liŋ lo wukuŋdye köbuŋötoŋ kulo, a nan mo jakiŋdye lepeŋat sasa-nyet duma i swötön kase liŋ. Ŋilo a nan MATAT lo jambu.

Ejikele 11:10

Ta mo totoko kak ko baŋdujin na ’duŋökiŋdye nan ta putesi i lokökorit lo Yisaraele nu; a kirut ta mo dene den adi nan a MATAT.

Ejikele 12:16

Ama nan mo pipitökin ŋutu ku ’dik i rwösöddu kaŋo i baŋdu, ko i dyaŋ, se ko i twanti iŋgo, anyen se tukökiŋdyö ŋo kase liŋ na mamana kine i kiden na gweyajin ti ŋutu logon se a tu kata kulu, a se mo dene den adi nan logon a MATAT.

Ejikele 12:20

A köjinö nagon ŋutu nyuŋ si ’da kata kune mo köröni körö a jur mo konani a murwö. Nyena a ta mo dene den adi nan logon a MATAT.

Ejikele 14:18

nan MATAT ŊUN lo kulya adi, ’Diri ’diri gwoso na gwoŋdi nan na, ma ’di kilo ŋutu musala ködyö gwolor nyu, lepeŋat ka ’de mo lo lwökö, a se ködyö tine lwökuŋdyö ŋwajik kase lulyan kode nawate.

Ejikele 24:27

A i ŋilu lor a ŋedep ilot mo laggi laggu, a do mo jambi ko ŋuto lo rwösuŋdyö lo, a do mo tine gwon a mumut köti. Nyena a do mo gwe a kweyet kase, a se mo dene den adi nan logon a MATAT.

Ejikele 25:11

a nan mo ’duŋökiŋdye ŋutu ti Moaba putet. A kirut lepeŋat mo dene den adi nan logon a MATAT.

Ejikele 26:6

a ŋwajik kunök na gwon i jur kaŋo kune mo totokoni kak ko baŋdujin, a ŋutu liŋ mo dene den adi nan logon a MATAT.

Ejikele 28:26

A lepeŋat mo gwolore nyu ’bura ’bak kujönö, a mo ’duŋge kadijik, a mo ’yuddi lukö-biöt ti kaden ti binyo. A lepeŋat mo gwolore ’bura ’bak kujönö i diŋit na ’duŋökiŋdye nan maratejin kase putesi nu, kweja adi kilo a maratejin logon a ’do ’doju se. A kirut lepeŋat mo dene den adi nan a MATAT ŊUN lose.

Ejikele 33:33

A i diŋit nagon kine ŋo mo popori nu, iŋkoi, se ’diri mo popo, a kirut lepeŋat mo deŋdi adi nebi aje gwon kase kiden.

Ejikele 39:28

A lepeŋat mo deŋdi adi nan logon a MATAT ŊUN lose, kogwon nan köju a son lepeŋat i to ’dupien i kiden na jurön, a nan mo nyökuŋdye se bot i pirit na geleŋ kase i jur lomore. A nan mo tine pitökin lele lose bot kwöŋ i kiden na jurön.

Ejikele 5:10

Nyenagon i kiden na köji nasu a komonye mo nyesi ŋwajik kase, a ŋwajik mo nyesi komonye kase, a nan mo ’duŋökiŋdye ta putesi, a nan mo ratakiŋdye pitönö ti ŋutu kasu lo pituŋdyö kulo i köbu-ŋötön liŋ ti kak anyen wuwuköji.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Ejikele 6:14

A nan mo riöddi könin lio kase loki, a mo koŋdi jur lose a murwö i piritön liŋ nagon se sisi ’dari kune, iŋkoi, a naron parik lwölwöŋ yöbu na sese na gwon nyona ko Ribila. A kirut lepeŋat mo dene den adi nan logon a MATAT.

Ejikele 6:7

A ŋutu lo tatua mo ’do ’done kasu kiden, a ta mo dene den adi nan a MATAT.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Lewi 26:33

a nan mo toreaddi ta i kiden na jurön, a nan mo ’dutuŋdye baŋdu kaŋo i riköddu na ta, a jur losu mo gwe a ruba, a köjinö kasu mo gwe a murwöki.