Ejikele 12:10 - Bibilia Buk na Ŋun nagon koti luŋu a

¹⁰ Taki lepeŋat adi, MATAT ŊUN lo kulya sona adi, Ŋilo ’dolet ’dolorikin kulya ti kasaranit lo gwon Yerusalema kata se ko ŋutu liŋ ti Yisaraele lo gwon i lukata nanyit kulo.

Ejikele 12:10 Iomraidhean Croise

2 Moran 9:25

A Yeu kulyani ko Bidikar yumi lonyit adi, ’Duku lepeŋ ki ko gubaki lepeŋ i melesen na Nabota Yejereletyo; ti do yeyeji nu diŋit na tiri yi ko do murek ko kusanjin ko Aba monye lonyit i mukök nu, a MATAT köju riŋge lepeŋ ko ŋina ’dolet adi,

Yisaya 13:1

’Dolet na wu Yisaya ŋuro lo Amosa i ŋo na met nye i kulya ti Babela adi,

Yisaya 14:28

A i kiŋa lo twaji mor Akaja lu, a ŋilo ’dolet lo puku adi.

Yeremia 21:7

A nan MATAT kulyani adi, I mukok nan mo jojoŋ Sedekia mor lo Yuda, ko koliŋonok kanyit, se ko ŋutu ti ŋina köji loron a pituŋdyö i twanti iŋgo, ko i baŋdu, ko i dyag kulo, a nan mo wukiŋdye se i konisi ti Nebukadaresar mor lo Babela, kweja adi i konisi ti merok kase loron ga ’yu tatuja se kulo. A lepeŋ mo tukukiŋdye se kak ko baŋdu, a nye mo tine kolokin se, kode pitokiŋdyo se, a nye mo tine won konyen ko se kwoŋ.

Yeremia 24:8

Ama nan MATAT lo kulya adi, Nan mo kokonakin Sedekia mor lo Yuda, ko ŋutu temejik ti miri nanyit, ko pitönö ti ŋutu ti Yerusalema logon a pitöki i lo jur kulo, se ko ŋutu lo wökön i jur lo Ejipeto anyen si ’da yu kulo, gwoso kilo ki ’biet lorok logon a lorok parik ti bulö nyei kulo.

Yeremia 38:18

Ama ko do a ko wukiŋdya mugun ko temejik ti miri na mor lo Babela i könisi, nyena na köji mo wuwuki i könisi ti ŋutu ti Kaledea, a se mo ’yuŋe lepeŋ ko kimaŋ, a do mo tine rwösöddu kase i könisi.

Ejikele 12:3

kogwon se a kötumit na ŋutu karerenyak. Nyenagon ŋuro lo ŋuto, toŋi tito kunök anyen do wökön i jur lo pajo, toŋi se i diŋit na tuparan a lepeŋat memeddya, a kirut do iti tu. Ko lepeŋat a met do i wuddya konut i pirit a iti i jur lo pajo, kode se ŋona mo kukurun adi se a kötumit na ŋutu karerenyak.

Ejikele 21:30

Sijoro baŋdu bot kanyit i soko ’bo. Nan mo ’du ’dupökin ta putet i pirit nagon ta yuŋwe kata, iŋkoi, i jur logon ta pipiluŋdya kata lu.

Ejikele 7:27

Mor molu dedelya, a ŋuto lo kukwön mo jorene ko kujönö a duma, a könisi ti ŋutu ti jur mo böŋdi böŋdu kogwon kujönö. A nan mo konakiŋdye lepeŋat gwoso nagon jujukin i konesi kase na, a nan mo ’duŋökiŋdye lepeŋat putesi gwoso na ’duŋge se putesi na; a se mo dene den adi nan logon a MATAT.

Malaki 1:1

Ŋina a ’dolet na kulyaet lo MATAT i Yisaraele ko Malaki i kutuk.