Ejikele 11:9 - Bibilia Buk na Ŋun nagon koti luŋu a

⁹ A nan mo joŋgi ta kaŋo i ŋina köji, a ŋutukiŋdye ta i könisi ti Lwaka, a nan mo ’duŋökiŋdye ta putesi.

Ejikele 11:9 Iomraidhean Croise

2 Moran 24:4

ko köti kogwon rima na ko dumalak kanyit ti kadi, ko ŋutu temejik ti jur, a nye wusaddi se kaŋo Yerusalema tojo ko Babela i gwon a ’dupi.mamaŋa nagon nye a ’buköddu; kogwon nye a tojoreju Yerusalema ko rima na mamaŋa, a MATAT tine pitö-kiŋdyö.

Ejira 9:7

Suluja i perok ti merenyejin kaŋ tojo ko lo lor yi gwon i koŋdya na lyapesi Jore; nyena kogwon toronjin kaŋ yi ko moran kaŋ, se ko koanejin kaŋ a paki i könisi ti moran ti Jurön anyen tatatua, anyen momoka a ’dupi, anyen toro ’bo kaŋ ryaryaka, anyen wuju yu na kwe gwoso i lo lor na.

Saumajin 106:30

A kirut Pinasa ŋine ki, a tatuje katoronyak, a ŋilu twanti loron aje goko.

Saumajin 106:41

A nye pakindye se i könisi ti ŋutu ti jurön; nyena a merok kase tumatyane ko se.

Katokuönit 8:11

Töilyet ti ŋutu ti kujönö i kondya na toronjin, kogwon konesi narok a ko ’duŋöki ŋutet ’de ’de.

Yeremia 29:20

Nyenagon ta ŋutu liŋ logon nan a soŋdu kaŋo Yerusalema tojo ko Babela yu a ’dupi kulu, yiŋge ta kulyaet lio lo MATAT.

Yeremia 39:6

A mor lo Babela iŋge tatu ŋwajik ti Sedekia Ribila yu ko lepeŋ i komor. A mor lo Babela koti iŋge tatu ŋutu liŋ lokukwön ti Yuda.

Ejikele 11:7

Nyenagon MATAT ŊUN lo kulya sona adi, Opuö nagon ta a toper i ŋina köji kata kine lepeŋat a lokore a ŋina köji gwe a sape, ama nan mo jojoŋ ta kaŋo i kiden nanyit.

Ejikele 16:38

A nan mo ’duŋö-kiŋdye do gwoso i putet lo ŋutu wate nagon a diniki toluŋ ko i ’buköddu na rima, a nan mo ropakiŋdye do i yinö nio ko woran.

Ejikele 16:41

A se mo ’yuŋe kadijik kunök, a se mo ’duŋökiŋdye do putesi a ŋutu wate memeddya. A nan mo to ’duddye towutön inot, a do mo köti tine gwöruŋdyö kanyarak kulök kwöŋ.

Ejikele 21:31

Nan mo ’bu ’bukökin woran nio kasu loki, a nan mo kutakiŋdye woran nio na pape kasu loki, a nan mo ŋutukiŋdye ta i könisi ti ŋutu kipajin logon a diniki tukaŋu.

Ejikele 30:19

A nan mo ’duŋökiŋdye ŋutu ti Ejipeto putesi sona, a kirut lepeŋat mo deŋdi adi nan logon a MATAT.

Ejikele 5:10

Nyenagon i kiden na köji nasu a komonye mo nyesi ŋwajik kase, a ŋwajik mo nyesi komonye kase, a nan mo ’duŋökiŋdye ta putesi, a nan mo ratakiŋdye pitönö ti ŋutu kasu lo pituŋdyö kulo i köbu-ŋötön liŋ ti kak anyen wuwuköji.

Ejikele 5:15

A na ’duŋökiŋdye nan ŋutu kulök putesi, i riŋga na se ko woran nio duma na pape nu, a do mo gwe a ŋo na ’dö ’döyö ko a na lalawe, ko a kweyet tokujönöet, ko a ŋo nagon tusöŋu ŋutu ti jurön liŋ logon lorga do kulo. Nan MATAT aje jambu.

Ejikele 5:8

nyenagon nan MATAT ŊUN lo kulya sona adi, Mete, nan, iŋkoi nan lepeŋ a miriku losu; nan mo ’du ’duŋökin ta putesi i kiden na köji nasu a ŋutu ti jurön memeddya.

Yoane 5:27

Nyenagon nye aje tikin nan kido ’duŋet na putesi, kogwon nan a Ŋuro lo ŋuto.

Roma 13:4

kogwon lepeŋ a kakitanit lo Ŋun i kitakiŋdya na do ŋo nagon a na ’but konut. Ama ko do a koŋdya toron a do kujönöni kujönö lepeŋ, kogwon morga nanyit na baŋdu ’bayin a ŋö kana. Lepeŋ a kakitanit lo Ŋun i ’duŋökiŋdyö na woran na ŋuni ŋutu lo koŋdya arabat kilo.

Nyökit 28:36

A MATAT mo joŋgi ta se ko mor logon ta a tin kasu ŋerot lo, tojo i jur logon ta a ko nyuŋ den kode merenyejin kasu köti; a ta mo kitakiŋdye kulye Ŋunyen yu, logon a kaden ko a ŋurupö.

Yuda 1:15

Nye po i joŋdya na ŋutu liŋ i putet, ko i ’duŋokiŋdyo na ŋutu liŋ logon ti twoju lepeŋ kilo, kogwon konesi liŋ nagon ’bayin a twoyesi nagon se a kon kune, se ko kulyaesi laesi logon kilo ŋutu katoronyak logon ti two lepeŋ kilo a jam arabat i kulya kanyit kulo.