Ejikele 11:5 - Bibilia Buk na Ŋun nagon koti luŋu a

⁵ A mulökötyo lo MATAT poki köyö, a kulyani ko nan adi, Tambi adi, MATAT lo kulya sona adi, Ta kötumit na Yisaraele, kilo a kulyaesi kasu. Nan deden ’bura ŋo nagon a pokin kasu i kusik kine.

Ejikele 11:5 Iomraidhean Croise

1 Dekat 28:9

Nyenagon do Solomona ŋuro lio, dene den Ŋun lo munyi, ko kitakiŋdye lepeŋ ko ’dekesi ti töili ilot liŋ; kogwon MATAT ŋga ’yu töilyet ti ŋutu liŋ ko deden kikolin yeyeesi kase liŋ. Ko do ga ’yu lepeŋ, lepeŋ de kwekwekin mugun konut; ama ko do a kölökin lepeŋ nye mo papa do asut.

Saumajin 50:21

Kine kulya do a kon, a nan yiŋani taliŋ; do yeyeju adi nan jojo gwoso do liŋ. Ama soŋinana nan ririŋ do, a nan petakindye kulya na kon do kine konut i komor.

Saumajin 7:9

A ti tukwölöŋ na ŋutu lorok ’bakani ’baka, ama togwo ’yi ŋutu lo rigwo, kogwon do Ŋun lo rigwo tetemba yeyeesi na gwon ko ŋutu i töilyet kune.

Yisaya 28:15

Kogwon ta lo kulya adi, Yi a teteŋdya tomoret ko twan, iŋkoi yi a toruk ko pirit na mulökö; a ko kurubat lo baranyaddu a tolöddi kayaŋ kiden a mo tine ’dur kayaŋ ni; kogwon yi koŋdya mumulukesi a yi ’danani kata, a yi aje ’de ’ya ’börik i ’burönö mukök.

Yisaya 58:1

Wogoro ki parik; an do ko dara, ti gworo ilot woge gwoso tore, tukökiŋdye ŋutu kwe tukwölöŋesi kase, takiŋdye kötumit na Yakobo toronjin kase.

Yeremia 11:20

Pon MATAT lo kurumi, do logon a ka ’duŋönit lo rigwo, do tetemba töilyet ti ŋutu se ko yeyeesi kase. Nan aje joŋdya putet lio konut i komor, ti nan meddi do i ropakiŋdya na lepeŋat toron nase.

Yeremia 16:17

Kogwon nan memet kikolin kase liŋ; konesi kase a ko ’dela köyö, ma ’di toronjin kase a ko mukö köyö i konyen.

Yeremia 17:10

Nan MATAT gaga ’yu yeyeesi ti ŋuto, iŋkoi, nan tetem töili lonyit, anyen nan ropakiŋdya ŋutu liŋ gwoso i kikolin kase, ko gwoso i konesi naŋon se a kon kune.

Ejikele 2:2

A nagon nye jambu ko nan nu, a mulökötyo lo po ko ŋun lupökine köyö i mugun, a ’biluŋdye nan ki i gwo ’dan; a nan yiŋge lepeŋ jajambu ko nan.

Ejikele 2:7

A do ködyö takiŋdye lepeŋat kulyaesi kwe kode se yiyiŋ kode se ti ’bön yiŋga, kogwon se a kötumit na karerenyak.

Ejikele 20:32

Ŋo nagon ta yeye kasu i töilyet adi, Ti yi gwe gwoso ŋutu ti gweyajin ti jurön logon kwakwaddu kaden se ko ŋurupö, ŋina ŋo mo ti kona kwöŋ.

Ejikele 28:2

ŋuro lo ŋuto, taki kasa-ranit lo Turo adi, MATAT ŊUN lo kulya adi, Kogwon do a ka ’du ’dupanit konut i töili, do aje kulya adi do a ŋun, köti adi do si ’da i si ’daet na tumatyan na ŋun i kiden na tör duma na ’balaŋ, ama kölumbö do a ŋuto, do ’bayin a ŋun, ma ’di ködyö do a yeyeju mugun a lokoŋ gwoso pun.

Ejikele 29:3

Tambi jambu, ko taki lepeŋ adi, MATAT ŊUN lo kulya adi, Do Paro mor lo Ejipeto, do kinyop duma logon piriki i kiden na kinasi ti Supiri, mete, nan a miriku ilot. Do kulya adi, Supiri ilot a ilot lomore, do lo teteŋdya lepeŋ.

Ejikele 3:11

Iti ko ŋutu kasu lo gwon i to ’dupien yu kulu, ko jambi ko lepeŋat kulo ma ’di ko se ŋona yiyiŋ kode se ti ’bön yiŋga. Taki lepeŋat adi, Kulo a kulyaesi ti MATAT Ŋun.

Ejikele 3:24

a kirut mulökötyo lo po ko Ŋun lupökine köyö i mugun a ’bilikiŋdye nan ki i gwo ’dan; a lepeŋ jambi ko nan a kulyani adi, Iti, kinuddi mugun konut kadi.

Ejikele 3:27

Ama ko nan a jambu ko do, a nan mo paji kutuk inot a do mo takiŋdye se adi, Kulo a kulyaesi ti MATAT ŊUN. Ko ŋuto logon yiyiŋ a ti nye yiŋge, ko logon rerenya yiŋga, a ti nye renyani; kogwon se a kötumit na karerenyak.

Ejikele 8:1

A ko gwe sona i kiŋa tobuker, i perok mukanat ti yapa tobuker, na si ’dari nan köyö midi se ko temejik ti Yuda i pirit na geleŋ nu, a riŋit na MATAT ŊUN poki köyö i mugun.

Marako 2:8

’De ’de a Yesu iŋge den kanyit i töili adi lepeŋat a pipija kase i töilyet, a nye pije lepeŋat adi, Ko nyo ta pipija sona kasu i töilyet?

Yoane 21:17

a Yesu köti pije lepeŋ daŋ tomusala adi, Simona ŋuro lo Yöaŋe, do nyanyar nan? A Petero gwe ko delya kogwon Yesu a pija nye daŋ tomusala adi, Do nyanyar nan? A nye waddi lepeŋ adi, MATAT, do deden ŋo liŋ; do a den adi nan nyanyar do. A Yesu takiŋdye lepeŋ adi, A ti do tunyöni yidin kwe.

Konesi 10:44

A nagon Petero nyuŋ jajambu nu, a Mulökötyo Loke ’duki i ŋutu liŋ lo yiŋga ŋilo kulyaet kulo.

Konesi 11:15

A na suluje nan jambu ko se nu, a Mulökötyo Loke ’duki kase loki gwoso na ’dukiŋdye nye kayaŋ loki i suluet nu.

Ebere 4:13

Nene ŋo ’bayin i ŋo liŋ nagon Ŋun a gwe kune nagon bubulö ’de ’ya mugun kanyit i komor. Kogwon ŋo liŋ a limu kana ko a banyaki köke i meta ko lepeŋ. Nye lepeŋ logon yi ködyö kwekwekin lepeŋ kulya kaŋ lo.

Yakobo 3:6

Nyena ŋedep gwon gwoso kimaŋ, lepeŋ gwoso kak naron. Lepeŋ gwon ko ŋutu i mugun a koŋi mugun liŋ. Lepeŋ ’yu ’yur ru ’bukuluŋ na ŋutu ko kimaŋ na po i Geena!

Kweyatti 2:23

Nan mo tutukar ŋwajik kanyit asut. A kanisajin liŋ mo dene den adi nan a nye lo ga ’yu yeyeesi na gwon ko ŋutu i töilyet lo, a nan mo ropakiŋdye ta liŋ geleŋ geleŋ gwoso i konesi kasu.

1 Samuele 10:10

A se ko ’dure Gibea, mete, a teŋ na nebijin rume ko nye; a Mulökötyo lo Ŋun ’duki ko lepeŋ loki ko riŋit a duma, a nye keŋ keju kase kiden.

1 Samuele 10:6

A kirut Mulökötyo lo MATAT de ’duki konut ko riŋit a duma, a do de morakiŋdye i keju ko se, a de worani ka ’de.