Ejikele 11:24 - Bibilia Buk na Ŋun nagon koti luŋu a

²⁴ A mulökötyo lo po ko ŊUN ’dukuŋdye nan ki a joŋgi nan Kaledea yu i ŋutu lo gwon i to ’dupien kulu. Kine ŋo liŋ a ŋo nagon mulökötyo lo po ko ŊUN a kwekin nan köyö i töili, a kirut kine ŋo na met nan kune wusaddi kaŋo köyö.

Ejikele 11:24 Iomraidhean Croise

Suluet 17:22

A Ŋun ko tutuŋge jambu ko lepeŋ, a nye kölökiŋdye Abarayama a ŋiörö ki.

Suluet 35:13

A Ŋun kölökiŋdye lepeŋ i pirit na jambi nye nu, a ŋiörö ki.

2 Moran 2:16

A se kulyani ko lepeŋ adi, Mete, yi köliŋönök kulök gwon ko ŋutu iŋgo merya mukanat ni; ti lepeŋat böŋö iti ga ’yu na duma ilot; kode Mulökötyo lo MATAT ŋona a ’depaddu lepeŋ ki a gubakiŋdye lepeŋ i lele mere kode i lele loro. A nye kulyani adi, Ta ti soŋdu.

Saumajin 137:1

I Jur lo Babela yu yi a si ’da kak nyona ko karya, a yi gwine gwien na yiyiundye yi Siona nu.

Yeremia 50:10

Jur lo Kaledea mo ryaryaka, iŋkoi, ŋutu liŋ lo ryaggu lepeŋ kulo mo ryaryaggu ŋo jore parik.Kilo a kulyaesi kwe ti MATAT.

Ejikele 1:1

I kiŋa tomerya musala, i perok mukanat ti yapa toiŋwan, na gwoŋdi nan koane Ejikele, ŋuro lo Busi i pirit na geleŋ ko ŋutu lo Joŋa i to ’dupien nyona ko kare Kebar nu, a ’dikolo iŋge ŋai, a nan iŋge meddya kulya ti Ŋun koyo i toili.

Ejikele 1:3

a kulyaet lo MATAT poki köyö i Jur lo Kaledea nyona ko kare Kebar; nyu a riŋit na MATAT poki köyö i mugun.

Ejikele 11:1

A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 3:12

A kirut mulökötyo lo po ko Ŋun ’dukuŋdye nan ki, a nan yiŋge woŋon duma nagon wuŋun ko riŋit köyö i ki ’diŋ, i diŋit nagon minyo lo MATAT a pukun kaŋo kanyit i pirit gwiliŋit nu.

Ejikele 3:15

A kirut nan ’duröki ko ŋutu lo joŋa i to ’dupien kulo Tel-abiba yu, logon si ’da nyona ko kare Kebar. A nan iŋge si ’da ko lepeŋat i pirit na geleŋ ko perok buryo wawanya ’bak jambu.

Ejikele 37:1

A riŋit na MATAT gwe köyö i mugun, a nye ’dokoddi nan kaŋo i riŋit na mulökötyo lonyit, a tiŋdi nan kak i kiden na pirit na ’dir nagon a jore ko kuyu.

Ejikele 43:5

A mulökötyo lo po ko ŊUN ’biluŋdye nan ki, a joŋgi nan i ’baŋ lo lukata, a minyo lo MATAT iŋge jore i lukata na kadi nanyit.

Ejikele 8:3

A lepeŋ riuŋdye lele ŋo gwoso könin a morgi nan i kupir ti kwe, a mulokötyo lo po ko Ŋun ’dokoddi nan i wöli na ki ko kak, a nan meddi kulya ti ŊUN köyö i töili meta gwoso nye a joŋ nan Yerusalema. A lepeŋ togwi ’dikiŋdye nan kak i lupet na kötumit na lupörikin i ’baŋ lo lukata lo kadi na ŊUN, lo diraddu i swot lo lobot, i pirit na gwo ’di ’e nyömue yinet logon totowoŋa lo.

Konesi 10:16

A kine kulya iŋge kona daŋin musala. A ’de ’de ŋina ŋo nyököjine ki yu i ’diko.

Konesi 8:39

a na poŋdi se kaŋo i pioŋ kata nu, a Mulokotyo lo Matat joŋgi Pilipo kaŋo ’de ’de, a ŋilo ŋuto tine met lepeŋ köti; a nye kölumbö iti i kiko lonyit ko lyöpön a duma.