Ejikele 11:21 - Bibilia Buk na Ŋun nagon koti luŋu a

²¹ Ama ŋutu logon töilyet kase kebbu ŋo kase lut ko ŋo kase na mamana kulo, nan mo roropakin konesi kase kase i kusik. Kilo a kulyaesi kwe ti MATAT ŊUN.

Ejikele 11:21 Iomraidhean Croise

Katokuönit 11:9

Do ŋuto titinti, lyoŋi lyoŋon konut i toteton, ti toili ilot tulyoŋgi do i perok ti toteton inot; woroni gwoso i ’dekesi ti toili ilot ko i metet na konyen kulok; ama dene den adi ŋun mo ’du ’duŋokin do ŋutet i kine ŋo liŋ.

Yeremia 1:16

A nan mo ’duŋökiŋdye putesi kwe i ŋutu kwe, kogwon toronjin liŋ nagon se a kon i kölokiŋdyö na nan kune; lepeŋat aje ’yurakiŋdya kulye ŋunyen bökur a kwakwaddi kita na könisi kase.

Yeremia 16:11

A do mo waddi lepeŋat adi, Nan MATAT lo kulya adi, Kine ŋo a pokin kasu loki kogwon merenyejin kasu aje kolokiŋdyo nan, a kepoddi kulye gunyen, a kitakiŋdye se, a kwakwaddi se, iŋkoi, lepeŋat a kolokiŋdyo nan, a gwe a ko ’debba saresi kwe.

Yeremia 16:18

A nan mo kiyaŋ riŋge lepeŋat daŋin murek kogwon konesi kase narok se ko toronjin kase, kogwon se aje toluddya jur lio lomore ko nyömuejin kase loron köŋu keri a iŋge tojore lepeŋ ko kitajin kase na mamana.

Yeremia 17:9

Töili lo ŋuto a kamumulu kanit lwölwöŋ ŋo liŋ ko a gilö parik. Ŋa loron kukurun lepeŋ?

Yeremia 2:20

Köju ’beron do a ’beleŋgu gwuluŋi ilota gigiŋdye nekenejin nagon torarikin do kune; a do kulyani adi, Nan ti ’bön kita. Iŋkoi, a do dulakiŋdye mugun kak i ko ’dulan ti merya liŋ, ko i mukökö ti kaden liŋ lo rurwan. a do biryeri mugun gwoso kalupe i twöju na kulye ŋunyen.

Ejikele 11:18

Nyena ko se mo aje yitö nyu, a se mo wuddye ŋo liŋ nagon a lut se ko ŋo liŋ na mamana;

Ejikele 14:3

Ŋuro lo ŋuto, kilo ŋutu aje tiŋdu nyömuejin kase logon a ŋunyen kase i töilyet, a tiŋdi ŋo narok kase i komor nagon tiŋdu se i ’doro kune. Nan ŋona bubulö rukökiŋdyö ŋutu gwoso kilo i pija na nan le?

Ejikele 16:43

Do a ko yeyeju perok ti tolupu-dien inot a kölumbö towoŋi nan ko konesi kunök liŋ; nyenagon mete, nan mo roropakin konesi kunök liŋ konut i kwe. Ŋilo a kulyaet lio lo MATAT ŊUN. Ti gwon sona adi do a koŋdya towutön wat po kunök liŋ na mamana le?

Ejikele 20:16

kogwon se a renya jujuwesi kwe a tine wörö i saresi kwe lo wurö, a koŋi sabatajin kwe, kogwon töilyet kase kepoddu nyomuejin kase logon a ŋunyen kulo.

Ejikele 20:31

Na wukiŋdye ta ’dokesi se ko rubaŋgajin, a ’yuŋe ŋwajik kasu a rubaŋgajin nu, ta toluddya ’börik ko nyomuejin kasu liŋ logon a ŋunyen tojo ko lo lor. A kirut nan mo rukökiŋdye ta kötumit na Yisaraele i piyuŋdya na nan ada? Nan MATAT ŊUN lo kulya adi, ’Diri ’diri gwoso na gwoŋdi nan na, nan ti ’dekan ta i piyuŋdya na nan kwöŋ.

Ejikele 20:38

A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Ejikele 22:31

Nyenagon nan aje ’bukökin woran nio kase loki, a iŋge totum lepeŋat ko kimaŋ na woran nio na pape. Nyena nan aje ropakin konesi kase kase i kusik. Ŋilo a kulyaet lio lo MATAT ŊUN.

Ejikele 7:3

’Dutet ŋina popo kasu ki soŋinana, a nan mo kölöddi woran nio kasu loki, a nan mo ’duŋökiŋdye ta putesi gwoso i konesi kasu, a nan mo ropakiŋdye ta konesi kasu liŋ na mamana kine.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Ejikele 7:8

Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Ejikele 9:10

Ama nan mo ti won konyen ko se kode pitökiŋdyö lepeŋat; ama nan mo roropakin konesi kase kase i kusik.

Ebere 10:38

Ama ŋuto lio lo löti lo rigwo lo mo gwon jörun ko nye a yubbö, ama ko nye a kukutörö bot a nan mo tine lyöŋgi lepeŋ.

Yuda 1:19

Kilo a ŋutu logon joŋdya kulya ti kökoroja. Lepeŋat gwolor a ti mugun a gwe ’bak Mulokotyo Loke.