Ejikele 11:19 - Bibilia Buk na Ŋun nagon koti luŋu a

¹⁹ a nan mo tiŋdi se töilyet logon ka ’de, a nan mo tiŋdi se yeyeesi ludukö kase i mugunya, a nan mo ’dumaddi kaŋo töilyet iŋgo gwoso ŋurupö kase i mugunya a tiŋdi se töilyet ti mugunya,

Ejikele 11:19 Iomraidhean Croise

2 Moran 22:19

Kogwon töili ilot lilik, a do tokoyoggi mugun ko MATAT i komor, na yiŋge do ŋo nagon nan aje jambu i kulya ti na pirit, ko i kulya ti ŋutu kanyit adi se kodyö mo gwon a tusörit ko a lomit, ko köti do a kekereŋdya boŋgwat kunok a gwine gwien köyö i komor, a nan köti iŋge yiŋ do, nan MATAT lo kulya sona.

2 Dekat 30:12

A Ŋun kitani kase i toilyet a tiŋdi ŋutu ti Yuda töili geleŋ i koŋdya na ŋo nagon mor se ko ŋutu kanyit lokukwon a takin se gwoso i saret lo MATAT.

Saumajin 51:10

Pon Ŋun, gwekindye toili loke köyo i mugun; tiki nan toili ludukotyo logon ti wiwiŋo i keŋoddu na do.

Yisaya 48:4

Kogwon nan a den adi do titiŋga, a murilö ti murut inot gwe gwosowitiöt a komor inot gwe a pago gwoso mölwö,

Yeremia 24:7

A nan mo tiŋdi se töilyet anyen se deden adi nan a MATAT; a se mo gwe a ŋutu kwe, a nan mo gwe a ŋun lose, kogwon se mo yiyitwe köyö ni ko töilyet kase liŋ.

Yeremia 31:33

Nan MATAT lo kulya adi, Na a tomoret nagon nan mo teten ko kötumit na Yisaraele i mukök na kilo perok, kweja adi, Nan mo titin saresi kwe ko lepeŋat lukata, iŋkoi, nan mo wuwurökin se kase i töilyet; a nan mo gwe a ŋun lose, a se mo gwe a ŋutu kwe.

Ejikele 18:31

Gubara ta lauŋdya nasu na saresi liŋ kaŋo nagon ta a toroŋdi nan kine. Galakiŋdye ta ’börik töilyet ludukö se ko yeyeesi ludu-kö! Ta kötumit na Yisaraele, ko nyo nagon ta ködyö twatwa?

Ejikele 37:14

A nan mo tiŋdi mulökötyo lio kasu i mugunya, a ta mo gwe jörun, a nan mo tiŋdi ta i jur losu; a kirut ta mo deŋdi adi nan MATAT aje jambu kine kulya a nan mo kone kon se. Kilo a kulyaesi kwe ti MATAT.

Jepania 3:9

A i ŋinu diŋit a nan mo tiŋdi gweyajin ti ŋutu kutusen nake, anyen se lio böŋo luluŋgu karin kwe ti MATAT, a kitakiŋdye nan ko töili geleŋ.

Jakaria 7:12

A se togo’yi toilyet kase gwoso ŋurupit iŋgo an se ko yiŋga saresi ko kulyaesi logon nan MATAT lo kurumi aje sunyun ko Mulo-kotyo lio i nebijin ti ’beron kulu. Nyenagon a woran duma poŋdi kaŋo koyo nan MATAT lo kurumi.

Luka 11:13

a ko ta logon a ŋutu lorok kulo deden tiŋdu ŋwajik kasu ŋo na ’but, a bia parik Monye losu lo gwon ki lu mo titin ŋutu logon a pija lepeŋ kulo Mulökotyo Loke!

Yoane 14:26

ama Kato golonit logon a Mulökötyo Loke, logon Baba mo susunyun köyö i karin lo, mo totodinikin ta ŋo liŋ, a mo toyiyikiŋdye ta ŋo liŋ nagon nan aje jamakin ta kine.

Konesi 4:32

A teŋ na kayupök gwe ko yeyeet geleŋ ko töili geleŋ, a lele gwe ’bayin logon kulya adi po kanyit a kanyit ka ’de, ama po liŋ papara.

Roma 11:2

Ŋun kwöŋ a ko paju ŋutu kanyit logon nye köju ’beron a den adi se a ŋutu kanyit kulo. Ta ŋona a ko den kulya na wurö i kulya ti Eliya ko nye tukokiŋdyö Ŋun ŋo narok nagon ŋutu ti Yisaraele a kon kunu le?

1 Korinto 1:10

Nyena luŋasirik, nan mo ’yu ta i karin ti Matat likaŋ Yesu Kristo, toruköki ta ko ’borik i ŋo na jam ta kine, anyen ta gwon ti koŋa ko ’borik. Gwe ta a ŋo geleŋ ko toili geleŋ ko yeyeet geleŋ.

2 Korinto 3:3

Kogwon meta köke adi ta a leta nagon po ko Kristo, a iŋge tiki yi anyen yeyek. Ŋina leta a ko wuro ko inka, ama wuro ko Mulökötyo lo Ŋun lo gwon jorun lo, a ko wuroki i ŋurupo na ’dayatak ama wuroki ko ŋutu i toilyet.

2 Korinto 5:17

Nyenagon ko lele ŋuto gwon ko Kristo i mugun, nye aje gweya a ludukötyo; kulya ti ’beron kune aje ’duddyö, mete, ŋo liŋ gwe a ludukö.

Galatia 6:15

Kogwon ko ŋuto a tawero kode a ko tawero ti gwon a nene ŋo; ama ŋo duma tuŋ gwon adi ŋuto ködyö gweya a ludukotyo.

Epeso 4:23

Töilyet kasu lo yeyeju kulya kilo ködyö totoludukö.

Nyökit 30:6

a MATAT Ŋun losu mo taweŋi ’böriköt na muggö töilyet kasu ko töilyet ti ŋwajik kasu, anyen ta böŋö mo nyaŋu MATAT Ŋun losu ko töilyet kasu liŋ se ko ködu dwölön kasu liŋ anyen ta böŋö gwon jörun.