Ejikele 11:17 - Bibilia Buk na Ŋun nagon koti luŋu a

¹⁷ Nyenagon kulyani adi, MATAT ŊUN lo kulya adi, Nan mo tutunun se kaŋo i gweyajin ti ŋutu, nan mo momorun se kaŋo i jurön logon se a toreki kata kulu, a nan mo tiŋdi se jur lo Yisaraele.

Ejikele 11:17 Iomraidhean Croise

Saumajin 107:3

ko aje tutundya lepeŋat kaŋo i jurön ka ’de ka ’de, i swöt lo ’yure ko i swöt lo tokotyaŋ, i swöt lo lobot ko i swöt lo loki.

Yisaya 60:21

A ŋutu kulök liŋ koti mo gwe a lo rigwo; a se i riŋ morgi jur ŋupi, kilo logon a kene ria wilun nagon nan a ’yutukin kak, ko a kita na könisi kwe, anyen nan böŋö bubula.

Yeremia 24:5

Nan MATAT ŋun lo Yisa­raele lo kulya adi, Nan met ŋutu ti Yuda logon nan a sonyoro kapo i na pirit tojo i jur lo ŋutu ti Kaledea anyen gwon a ’dupi kulo, adi se a lo ’but gwoso kilo ki ’biet lo ’but kilo.

Yeremia 24:6

A nan mo meddi lepeŋat i konakiŋdya na se ’bura, a nan mo nyökuŋdye se i lo jur. A nan mo gweuŋdye se ki, a tine dukakin se kak; iŋkoi, nan mo ’yu ’yut se a tine gwunyun se kapo.

Yeremia 24:7

A nan mo tiŋdi se töilyet anyen se deden adi nan a MATAT; a se mo gwe a ŋutu kwe, a nan mo gwe a ŋun lose, kogwon se mo yiyitwe köyö ni ko töilyet kase liŋ.

Yeremia 29:10

Kogwon nan MATAT lo kulya adi, I mukök nagon kiŋajin merya buryo aje ’baka Babela nu, a nan mo ’yö ’yi ta, a nan mo konakiŋdye ta milye lio, a mo nyökuŋdye ta bot i na pirit.

Yeremia 3:12

Iti ko laiki kine kulya i swöt lo lobot adi, Nan MATAT lo kulya adi, Do Yisaraele nagon tu kaŋo köyö na, yitwene köyö ni. Nan MATAT lo kulya adi, Nan mo ti met do ko woran, kogwon nan wowon konyen ko do. Nan mo ti yeŋon woran ŋupi.

Yeremia 3:18

A i kilu perok a kötumit na Yuda molu morakiŋdye i kötumit na Yisaraele, a lepeŋat liŋ mo poŋdi kaŋo i jur lo lobot tojo i jur logon nan aje tikin merenyejin kasu a lomore lo.

Yeremia 30:18

Nan MATAT lo kulya adi, Mete, nan mo nyönyökökin kötu­mit na Yakobo kadijik kase, iŋkoi, nan mo wowon konyen ko piritön kase si ’daesi, a köjinö mo nyököni ’dukö kase i sudiet, iŋkoi, kadijik temejik mo nyökö ’dukö kase i piritön ti köju kunu.

Yeremia 31:16

MATAT lo kulya adi, Kö ’yi lulujö, seji ŋolitan kaŋo konut i konyen; kogwon kita inot mo roropa, a ŋwajik kulök mo poŋdi kaŋo i jur lo merok, ŋilo a MATAT lo jambu.

Ejikele 20:34

Nan mo riöddu könin lio iŋgo kaŋo i joŋdya na ta kaŋo i jurön logon ta köju a tore aji kata kulu.

Ejikele 20:41

A i diŋit na joŋdi nan ta kaŋo i kiden na gweyajin ti ŋutu, a tutunuŋdye ta kaŋo i jurön logon ta a tore aji kata kulu nu, a nan mo wuji ta gwoso rubaŋga lo mon paleleŋ; a nan mo kweji mugun a loke kogwon kulya kasu a ŋutu ti jurön memeddya.

Ejikele 20:42

A ta mo dene den adi nan a MATAT na joŋdi nan ta i jur lo Yisaraele nu, kweja adi ŋilo a jur logon nan koju a milyekin tiŋdu merenyejin kasu lu.

Ejikele 28:25

Nan MATAT ŊUN lo kulya adi, I diŋit na pepenuŋdye nan kötumit na Yisaraele i gweyajin ti ŋutu logon lepeŋat a tore aji kata kulu nu, a nan mo kwekiŋdye kelan nio kase kiden a ŋutu ti jurön memeddya, a kirut lepeŋat mo si ’dani i jur lose logon nan köju a tikin köliŋönit lio Yakobo lu.

Ejikele 34:11

Kogwon nan MATAT ŊUN lo kulya adi, Mete, nan ko mugun nio mo kekeŋ mukök na köbilu kwe, iŋkoi, nan mo gagalara se.

Ejikele 34:13

A nan mo joŋdi lepeŋat kaŋo i gweyajin ti ŋutu, a nan mo pepenuŋdye lepeŋat i jurön, a nan mo toyituŋdye lepeŋat i lukata na jur lose; a nan mo tunyeji lepeŋat i loki na merya ti Yisaraele nyona ko karya ko i piritön liŋ ti jur nagon sisi ’darikin kune.

Ejikele 36:24

a nan mo joŋdi ta kaŋo i jurön, a pepenuŋdye ta kaŋo i jurön liŋ, a nyökuŋdye ta kasu i jur.

Jakaria 8:7

A nan MATAT lo kurumi kulyani sona adi, Mete, nan mo lwölwökun ŋutu kwe kaŋo i jur lo swöt lo ’yure ko i jur lo swöt lo tokotyaŋ;

Nyökit 30:3

a kirut MATAT Ŋun losu mo nyö-kuŋdye ta bot, a mo won konyen ko ta, a mo pepenuŋdye ta köti i gweyajin ti ŋutu liŋ, logon MATAT Ŋun losu aje torekin ta nyin kulu.