Ejikele 11:16 - Bibilia Buk na Ŋun nagon koti luŋu a

¹⁶ Nyenagon kulyani adi, MATAT ŊUN lo kulya adi, Ma ’di nan a son kulu ŋutu pajo i kiden na gweyajin ti ŋutu, ma ’di nan a torekin se i jurön, ama nan a gwon kase a pirit nake na rurwan ko diŋit a na ’dit i jurön logon se a joŋa kata kulu.

Ejikele 11:16 Iomraidhean Croise

Saumajin 31:20

Do ’de ’de ’ya se i ŋirit ruŋit konut i mugun kogwon mwön na ŋutu; do a tu ’danaju se i kemia lukata, kogwon kulya ti ŋutu logon jambu lodokon.

Saumajin 44:11

Do a tindu yi gwon gwoso köbilu na tatatua, do a torekindya yi kaŋo i jurön.

Saumajin 90:1

MATAT, do ’beron gwon a ŋirit ’danaet nikaŋ i nyakwariat liŋ.

Saumajin 91:1

Ŋuto lo sisi ’da i ŋirit na mumuk na Katopanit lo ki liŋ, lo rupu ko Kabulönit lo ŋo liŋ lo,

Tolupesi 18:10

Karin ti MATAT a bilili ’danaet nago nagon ŋuto lo rigwo a wökön nyin i lwökö.

Yisaya 4:5

A MATAT mo gwekiŋdye luru lo pupuriörö temba i tuparan, ko tomilyaŋ na kimaŋ na yuyulöŋtu temba i tukwaje, i loki na piritön si ’daesi liŋ ti mere Siona, ko i loki na piritön kanyit momoresi; a bulet nanyit mo muŋge go liŋ gwoso morogo.

Yisaya 8:14

A nye mo gwe gwoso pirit nake na rurwan, ko a ŋurupit köpuket ko a lurutat to ’dorowet a ti kötumitön murek liŋ ti Yisaraele, ko a ridiket ko a loket a ti ŋutu lo gwolor Yerusalema kulo.

Yeremia 26:11

A kirut koanejin ko nebijin kulyani ko temejik se ko ŋutu liŋ adi, Lo ŋuto jujukin ’duŋöki i tatua, kogwon lepeŋ a keju ŋo narok i kulya ti na köji, gwoso nagon ta a yiŋ ko swo kasu na.

Yeremia 26:7

A koanejin ko nebijin se ko ŋutu liŋ yiŋge Yeremia i jambu na kulo kulyaesi i kadi na MATAT.

Yeremia 29:11

Kogwon nan MATAT lo kulya adi, Nan a den ŋo nagon nan a yeye i kulya kasu kune; nan a yeyeju adi anyen ta gwolor ’bura ko taliŋ a tine konaki arabat, anyen tiŋdu ta i yeŋdu na ŋo ti ŋerot.

Yeremia 29:7

Ga ’yi ta kulya ti nu köji nagon nan aje tin ta i joga kata a ’dupi nu anyen ŋutu kanyit bögö gwolor ’bura ko taliŋ, ko kwa­kwaddi ta nan MATAT kogwon kulya kanyit, kogwon ko lepeŋat gwolor ’bura ko taliŋ a ta köti mo gwolore ’bura ko taliŋ.

Yeremia 30:11

Kogwon nan MATAT lo kulya adi, Nan gwon ko ta a mo lwöggi ta. Nan mo togirökiŋdyö jurön liŋ logon nan aje toreaddu ta kata kulu, ama a nan mo tine togirökiŋdyö ta. Nan mo ti kölörö ta i tu kana ’bak riŋa, ama nan mo ririŋ ta ko temet na gwon jojo.

Yeremia 31:10

Ta ŋutu ti jurön, yiŋge ta kulyaet lo MATAT, tokuörö ta ŋilo kulyaet i tikönyö lo gwon pajo kulu adi, Nye lo torekiŋdya kötumit na Yisaraele lo mo pepenun se, a mo yuggi se gwoso na yuggi kayukunit köbilu kanyit na.

Yeremia 42:11

Nan MATAT lo kulya adi, An ta ko kujönö ta mor lo Babela logon ta kuku­jönöri lo; ko kujönö ta lepeŋ, kogwon nan gwon ko ta i lwöggu nata, ko i riŋuŋdya na ta kaŋo kanyit i könisi.

Ejikele 20:23

Iŋkoi, a nan iŋge ’doggu könin lio ki i milyekiŋdyö na se i yöbu yu adi nan ködyö totorekin se i kiden na gweyajin ti ŋutu ti jurön,

Lewi 26:44

Ama ma ’di i kine kulya liŋ, na gwoŋdi lepeŋat i jur lo merok kase nu, a nan mo tine renya lepeŋat, köti a nan mo tine maŋdu se i tukaŋu na lepeŋat asut, ko i ’beleŋgu na tomoret nio ko se; kogwon nan logon a MATAT Ŋun lose;

Jakaria 2:6

MATAT lo kulya adi, Wo! Wo! Woki ta kaŋo i jur lo lobot; kogwon nan a toreara ta kaŋo gwoso köbuŋötön iŋwan ti kak, nan MATAT lo kulya.

Nyökit 4:27

a MATAT mo torekiŋdye ta i kiden na gweyajin ti ŋutu, a ta mo kölökine ku ’dik i kiden na jurön logon MATAT mo nyömöddi ta nyu kulu.