Ejikele 11:13 - Bibilia Buk na Ŋun nagon koti luŋu a

¹³ A ko gwe sona nagon nan gwon i keju nu, a Peletia ŋuro lo Benaya twane twan adi dut. A kirut nan ’dorone kak rupu, a gwine gwien ko gworo lobot adi, Pon MATAT ŊUN, do ’diri tutuŋe tutuŋ pitönö ti ŋutu ti Yisaraele asut le?

Ejikele 11:13 Iomraidhean Croise

1 Moran 13:4

A mor ko yiŋge kulyaesi ti lu ŋuto lo Ŋuro, na woŋgi nye ko nu pirit ’yuret na rubaŋgajin na gwon Betele nu, a Yerobama riuŋdye könin lonyit kaŋo i nu pirit ’yuret na rubaŋgajin kulya adi, Moke ta lepeŋ. A könin lonyit logon nye a rikin lu ŋuto lu iŋge twan, a nye tine bulö nyököddu kanyit yu.

Saumajin 106:23

Nyenagon a Ŋun kulyani adi nye mo tatatu lepeŋat, ko ködyö Mose logon nye a wulun lo a ko rikija kiko, i nyököddu na woran nanyit bot an nye ko tatuja se.

Saumajin 119:120

Mugun nio böböndu kogwon nan kukujönö do, a nan kujönöni ŋo na ’duŋ do kune.

Tolupesi 6:15

Nyena a nene ŋo naron mo ’duki kanyit ki wulek; ’de ’de kijek a nye gwalakani gwalaka adi ’bwa!

Ejikele 11:1

A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 11:14

A kulyaet lo MATAT poki köyö adi,

Ejikele 20:17

Ma ’di sona konyen kwe a won se, a nan gwe a ko tukar se kode to ’duddyö se asut i yöbu kata.

Ejikele 37:7

Nyena a nan suluje keju gwoso na saraki ’e nan nu; a na keŋ nan nu, a nan yiŋge kuyu i woŋon adi kayak kayak, a se liŋ geleŋ geleŋ totomorakiŋdye ’börik i pirit na geleŋ.

Ejikele 7:2

Do ŋuro lo ŋuto, nan MATAT ŊUN lo kulya ko jur lo Yisaraele adi, Ŋina gwe a ’dutet, ’dutet ŋina popo i swötön iŋwan ti jur.

Ejikele 9:8

A gwe sona, nagon se nyuŋ gwon i tatuja na ŋutu nu, a nan kölökine geleŋ; a nan ’dorone kak rupu, a nan gwine gwien pija adi, Pon MATAT ŊUN, do aje ’bukökiŋdyö woran inot i Yerusalema; do ’diri mo tutukar pitönö liŋ ti ŋutu ti Yisaraele le?

Osea 6:5

Nyenagon nan aje totok ta ko tuluö logon a kutusen ti nebijin, nan aje tatuja ta ko kulyaesi ti kutuk nio, a ’duŋgö nio na putesi pararaaddi kaŋo.

Amosa 7:2

A nagon mayat gwe nyona ko tutuŋgo nyesu döru lo jur nu, a nan kulyani adi, Pon MATAT ŊUN, böŋö pitökiŋdye yi! Kötumit na Yakobo bubulö jorun ada? Lepeŋat ku ’dik parik.

Amosa 7:5

A nan kulyani adi, Pon MATAT ŊUN, böŋo kö ’yi koŋdya! Kötumit na Yakobö bubulö jörun ada? Lepeŋat ku ’dik parik.

Konesi 13:11

Mete, soŋinana konin lo Matat gwugwut do, a do de gwe a mo ’doke a tine bulo meddya kolor ko nene diŋit. ’De ’de a luru se ko mudwe poki kanyit i konyen, a lepeŋ wawaji wawaju ga ’yu ŋuto logon jiggö nye ko könin.

Konesi 5:10

’De ’de kijek a lepeŋ ’dorone kak ko Petero i mokosi a twane twan. A na lupe ’i kilo teton kadi nu, a ryeji lepeŋ aje twan, a lepeŋat ’dokoddi öpu nanyit kaŋo, a nukakiŋdye ko lalet i merete.

Konesi 5:5

A na yiŋge Anania kilo kulyaesi nu, a nye ’dorone kak a twane twan. A ŋutu liŋ lo yiŋga kine kulya kulo iŋge kujönö parik.

Nyökit 7:4

Kogwon se mo togiraddu ŋwajik kasu kaŋo i kepöddu na MATAT, a kitakiŋdye kulye Ŋunyen; nyena a woran na MATAT mo tuleki kasu loki a nye mo tukaŋi ta ’de ’de.