Ejikele 11:12 - Bibilia Buk na Ŋun nagon koti luŋu a

¹² a ta mo kirut dene den adi nan a MATAT; kogwon ta a ko wörö i saresi kwe lo wurö a gwe a ko ’depakiŋdya i jujuwesi kwe, ama kölu-mbö a ta koŋdi gwoso i jujuwesi ti ŋutu ti jurön logon kasu i mara kilo.

Ejikele 11:12 Iomraidhean Croise

1 Moran 11:33

kogwon nye aje paju nan, a kwakwaddi Asatoret ŋun na ŋutu ti Sidona, ko Kemosa ŋun lo ŋutu ti Moaba, ko Milikom ŋun lo ŋutu ti Amon, a tine wörö i kikolin kwe, i koŋdya na go nagon a na ’but köyö i metet, ko i ’debba na saresi kwe lo wurö ko kulya na ’duŋ nan kune. gwoso na koŋdi Dawidi monye lonyit nu.

2 Moran 16:3

ama a nye wöröni i kiko lo moran ti Yisaraele. Lepeŋ köti a ’yuŋa ŋuro lonyit a rubaŋga gwoso konesi manat ti jurön logon MATAT köju a rikörö kaŋo ko ŋutu ti Yisaraele i komor kulu.

2 Moran 18:12

kogwon se a ko yiŋ gworo lo MATAT Ŋun lose a laŋgi tomoret nanyit, ma ’di saresi liŋ logon Mose köliŋönit lo MATAT köju a saŋi kulu; a se tine yiŋga kode koŋdya.

2 Moran 21:2

A nye koŋdi ŋo nagon a naron ko MATAT i metet, gwoso konesi manat ti jurön logon MATAT köju a rikörö kaŋo ko ŋutu ti Yisaraele i komor kulu.

2 Moran 21:22

a nye kö ’yi MATAT Ŋun lo merenyejin kanyit, a tine wörö i kiko lo MATAT.

2 Moran 21:9

Ama se ti yiŋga, a Manase togiraddi se i koŋdya na konesi narok lwölwöŋ na koŋdi kulu jurön logon MATAT köju a tukar ko ŋutu ti Yisaraele i komor kulu.

2 Dekat 13:9

Ta ŋona a ko rikoddu koanejin ti MATAT kaŋo logon a nyakwariat ti Arona se ko Lewijin, a ta ’borokiŋdye koanejin kasu gwoso keri lo ŋutu ti kulye juron le? A ko lele ŋuto a joŋdya dwot lo ’dit ko köbilu lopijoki buryo anyen gelakiŋdya mugun a koane, a ta rukökiŋdye lepeŋ i gwon a koane iŋgo kana logon ’bayin a ŋun.

2 Dekat 28:3

a nye ’yuŋe bökur i pirit na ’dir na ŋuro lo Inoma, a ’yuŋe ŋwajik kanyit a rubaŋgajin, gwoso konesi manat ti juron logon MATAT köju a rikörö kaŋo ko ŋutu ti Yisaraele i komor kulu.

2 Dekat 36:14

A ma ’di koanejin temejik liŋ se ko ŋutu köti iŋge toroŋdya parik i mirakiŋdya na manat liŋ ti kulye juron; a se toluddye kadi na MATAT nagon nye a kon a nake na rurwan Yerusalema yu nu.

Ejira 9:7

Suluja i perok ti merenyejin kaŋ tojo ko lo lor yi gwon i koŋdya na lyapesi Jore; nyena kogwon toronjin kaŋ yi ko moran kaŋ, se ko koanejin kaŋ a paki i könisi ti moran ti Jurön anyen tatatua, anyen momoka a ’dupi, anyen toro ’bo kaŋ ryaryaka, anyen wuju yu na kwe gwoso i lo lor na.

Nemaya 9:33

Ama do gwon rigwo i ŋo liŋ nagon a ’durökin kayaŋ loki kune, do a koŋdya ko to ’diri ama yi a koŋdya arabat.

Nemaya 9:34

Moran kaŋ, ko temejik kaŋ, ko koanejin kaŋ, se ko merenyejin kaŋ a ko ’debba saresi kulök ko a ko yio jujuwesi kunök ko kunyaresi kunök nagon do a kukuji lepeŋat kune.

Saumajin 78:10

A se gwe a ko ’deŋ tomoret na Ŋun, ama a se renyani kebbu saret lonyit.

Yeremia 10:2

MATAT lo kulya adi. An ta ko mirakiŋdya ta gwiliŋisi ti jurön, an ta ko kujönö ta ŋo na met ta i ’dikolo kune, kogwon jurön kukujönö ŋo gwoso kine,

Yeremia 6:16

MATAT lo kulya sona adi, Gwo ’de ta i keresi ti kikolin, meddi ta kikolin ti ’beron, ko pije ta adi, Liya kiko logon joŋga yi i kulya nagon a na ’but? A kirut kepoddi ta ŋilu kiko, a ta mo gwe ko yukan. A lepeŋat kölumbö waddi adi, Yi ti ’bön kepoddu ŋilo kiko.

Ejikele 11:21

Ama ŋutu logon töilyet kase kebbu ŋo kase lut ko ŋo kase na mamana kulo, nan mo roropakin konesi kase kase i kusik. Kilo a kulyaesi kwe ti MATAT ŊUN.

Ejikele 18:8

Lepeŋ ti luŋgu ’yalet i ŋo na kuröji kanyit kode tiŋdu lepeŋ i robba ko wöli. Lepeŋ ti ’bulukiŋdyö könin lonyit i ŋo naron, a ’duŋge putet gwogwo i kiden na ŋuto ko ŋuto,

Ejikele 18:9

a wöröni i saresi kwe lo wurö, a tiji jujuwesi kwe. Ŋuto gwoso ŋilo a lo rigwo; lepeŋ ’diri mo gwon jörun. Ŋilo a kulyaet lio lo MATAT ŊUN.

Ejikele 20:16

kogwon se a renya jujuwesi kwe a tine wörö i saresi kwe lo wurö, a koŋi sabatajin kwe, kogwon töilyet kase kepoddu nyomuejin kase logon a ŋunyen kulo.

Ejikele 20:21

Ama a ŋwajik kase renyani nan; a se gwe a ko wörö i saresi kwe lo wurö, a se gwe a ko ’debba jujuwesi kwe logon ko ŋuto a ’debba se kulo a rune ru; lepeŋat a kör sabatajin kwe. A nan köti iŋge yeyeju ’bukökiŋdyö woran nio kase loki, a yeyeji ŋoma ko se asut i yöbu yu.

Ejikele 20:24

kogwon lepeŋat a ko koŋdya ŋo na yökije nan se na, a kölumbö renyani saresi kwe lo wurö, a köŋi sabatajin kwe, a konyen kase ’depakiŋdye i nyömue-jin logon a ŋunyen ti merenyejin kase.

Ejikele 5:6

Ŋutu kanyit a lorok i renya na jujuwesi kwe, se ko saresi kwe lo wurö lwölwöŋ kulu gweyajin ti ŋutu se ko jurön; kogwon ŋutu kanyit aje renya jujuwesi kwe a lepeŋat tine ’bön wörö gwoso i saresi kwe lo wurö.

Ejikele 8:10

Nyena a nan lupöni lukata, a nan iŋge meddya ŋojino ti gweyajin liŋ ti ŋo lo gwogwo-ŋtu, ko ti kijakwa lo mamana, se ko nyömuejin liŋ ti ŋunyen ti kötumit na Yisaraele a wuröki lorga gorom.

Ejikele 8:14

A kirut lepeŋ joŋgi nan i lupet na kötumit na lupörikin i kadi na MATAT na diraddu i swöt lo lobot na. A nan meddi ŋutu wate sisi ’da nyu gwigwien kogwon kulya ti Tamuja logon a ŋun kana.

Ejikele 8:16

A kirut lepeŋ joŋgi nan i ’baŋ lo lukata lo kadi na MATAT; a nan meddi ŋutu merya murek wot mukanat i kötumit na kadi na MATAT i kwake na baraŋöa se ko pirit ’yuret na rubaŋgajin. Kilö ŋutu gwon i twöju na kolor i nyerun nanyit, ki ’dirinö kase boŋaddu i kadi na MATAT a komorsikan meddi swöt lo ’yure.

Daniele 9:10

a yi gwe a ko yiŋ gworo ilot do MATAT Ŋun likaŋ i kebbu na saresi kulok logon do a kwekin yi ko nebijin köliŋönök kulök i kutusen.

Lewi 18:3

Ta ködyö ti koŋdya gwoso na koŋdi ŋutu ti jur lo Ejipeto na si ’dari ta nyu nu, a ta ködyö tine kon gwoso na koŋdi ŋutu ti jur lo Kanana na yeyekuŋdye nan ta kata nu. A ta tine kebbu saresi kase.

Lewi 26:40

Ama ko se a tuggö ŋonyan nase se ko ŋonyesi ti merenyejin kase i renya nase nagon se a renyari nan na, ko köti i wöröji nase a wok köyö,