Ejikele 11:1 - Bibilia Buk na Ŋun nagon koti luŋu a

¹ A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 11:1 Iomraidhean Croise

1 Moran 18:12

A gwe sona ko nan aje kö ’yu do, a Mulökötyo lo MATAT de ’doggi do a nan tine denara do. Nyena ko nan a tu i takiŋdya na Aba, a nye tine ryö do, a nye de tatuje nan, ma ’di ködyö nan köliŋönit ilot kukuk MATAT suluja i tolupudien nio.

2 Moran 2:16

A se kulyani ko lepeŋ adi, Mete, yi köliŋönök kulök gwon ko ŋutu iŋgo merya mukanat ni; ti lepeŋat böŋö iti ga ’yu na duma ilot; kode Mulökötyo lo MATAT ŋona a ’depaddu lepeŋ ki a gubakiŋdye lepeŋ i lele mere kode i lele loro. A nye kulyani adi, Ta ti soŋdu.

2 Moran 25:23

a na yiŋge dumalak liŋ ti teŋon ti kamörök se ko ŋutu kase lo gwon mu ’diŋ kulu adi mor lo Babela aje tiŋdu Gedalia i gwon a mödir nu, a se ŋoŋdi ko ŋutu kase tojo ko Gedalia Misepa yu. A karin ti kilo dumalak ti kamörök gwe a ko Yisamaele ŋuro lo Netania, ko Yokanan ŋuro lo Kareak, ko Seraya ŋuro lo Tanakumet lo ŋo Netopa, ko Yajania ŋuto lo ŋo Maka.

Yisaya 1:10

Ta kasarak ti Sodoma, yiŋge ta kulyaet lo MATAT! Ta ŋutu ti Gomora, gakiŋdye ta swo kasu i todinesi ti ŋun likaŋ!

Yisaya 1:23

Kasarak kulök a karenyak ko a julin ti kolak. Se liŋ geleŋ geleŋ nyanyar gwöröki a kepoddi ’dokesi. A se tine ’duggö kulya ti kikijikö ’bura, a putesi ti karu ’bejin tine ’dur kase yu.

Ejikele 10:19

A kerubajin ’bi ’yi köpukön kase a ’daaddi ki a nan memeddya i tu nase kaŋo, ko mokosi logon a liteki kulo kase i mara; a lepeŋat gwi ’diki i kötumit na mariŋ na kadi na MATAT nagon diraddu i swöt lo ’yure na; a minyo lo ŊUN lo Yisaraele gwe kase loki.

Ejikele 10:22

Komorsikan kase gwon gwoso nagon nan köju a met nyona ko kare Kebar kunu; lepeŋat liŋ wöröji ŋerot gwogwo.

Ejikele 11:13

A ko gwe sona nagon nan gwon i keju nu, a Peletia ŋuro lo Benaya twane twan adi dut. A kirut nan ’dorone kak rupu, a gwine gwien ko gworo lobot adi, Pon MATAT ŊUN, do ’diri tutuŋe tutuŋ pitönö ti ŋutu ti Yisaraele asut le?

Ejikele 11:24

A mulökötyo lo po ko ŊUN ’dukuŋdye nan ki a joŋgi nan Kaledea yu i ŋutu lo gwon i to ’dupien kulu. Kine ŋo liŋ a ŋo nagon mulökötyo lo po ko ŊUN a kwekin nan köyö i töili, a kirut kine ŋo na met nan kune wusaddi kaŋo köyö.

Ejikele 22:27

Ŋutu lokukwön i lukata nanyit gwon gwoso lujin lo koja kijakwa; lepeŋat ’buköddu rima a tukaŋi ŋutu, anyen wuju ’bulit na rye i kikolin lorok.

Ejikele 3:12

A kirut mulökötyo lo po ko Ŋun ’dukuŋdye nan ki, a nan yiŋge woŋon duma nagon wuŋun ko riŋit köyö i ki ’diŋ, i diŋit nagon minyo lo MATAT a pukun kaŋo kanyit i pirit gwiliŋit nu.

Ejikele 3:14

A mulökotyo lo po ko Ŋun ’dukuŋdye nan ki a joŋgi nan i nene pirit, a nan iti ko woran na pape köyö i töili, ama a riŋit na MATAT gwe a duma köyö i mugun.

Ejikele 37:1

A riŋit na MATAT gwe köyö i mugun, a nye ’dokoddi nan kaŋo i riŋit na mulökötyo lonyit, a tiŋdi nan kak i kiden na pirit na ’dir nagon a jore ko kuyu.

Ejikele 40:6

a lepeŋ iti i kadi najo nagon suluja lupörikin i kötumit na kaŋo tojo i tulöddu i lukata na mariŋ ŋina kötumit diraddu i swöt lo ’yure. A nye kiyaddi i kiyesi kanyit a tembi tu ’bökik na lupet na kötumit, a gwe a pa ’duŋi geleŋ.

Ejikele 41:1

A a kirut lepeŋ joŋgi nan i kadi najo na kadi na ŊUN, a tembi togwi ’diesi lo tomoraki i ’dutesi ti goroma, a gwe a lokiliŋan buker i tugalaŋ nase i lele swöt ko lele sona köti.

Ejikele 8:16

A kirut lepeŋ joŋgi nan i ’baŋ lo lukata lo kadi na MATAT; a nan meddi ŋutu merya murek wot mukanat i kötumit na kadi na MATAT i kwake na baraŋöa se ko pirit ’yuret na rubaŋgajin. Kilö ŋutu gwon i twöju na kolor i nyerun nanyit, ki ’dirinö kase boŋaddu i kadi na MATAT a komorsikan meddi swöt lo ’yure.

Ejikele 8:3

A lepeŋ riuŋdye lele ŋo gwoso könin a morgi nan i kupir ti kwe, a mulokötyo lo po ko Ŋun ’dokoddi nan i wöli na ki ko kak, a nan meddi kulya ti ŊUN köyö i töili meta gwoso nye a joŋ nan Yerusalema. A lepeŋ togwi ’dikiŋdye nan kak i lupet na kötumit na lupörikin i ’baŋ lo lukata lo kadi na ŊUN, lo diraddu i swot lo lobot, i pirit na gwo ’di ’e nyömue yinet logon totowoŋa lo.

Osea 5:10

ŋutu temejik ti Yuda aje wora gwoso ŋutu lo tomijöddu loko-kori, a nan mo ’bukökiŋdye woran nio kase loki gwoso pioŋ.

Konesi 8:39

a na poŋdi se kaŋo i pioŋ kata nu, a Mulokotyo lo Matat joŋgi Pilipo kaŋo ’de ’de, a ŋilo ŋuto tine met lepeŋ köti; a nye kölumbö iti i kiko lonyit ko lyöpön a duma.

Kweyatti 1:10

A Mulökötyo Loke iŋge mok nan i Lor lo Matat, a nan yiŋge gworo lobot woŋon gwoso buruŋ i köyo i ki ’diŋ.