Ejikele 10:5 - Bibilia Buk na Ŋun nagon koti luŋu a

⁵ A woŋon na köpukön ti kerubajin yiŋani tojo i ’baŋ lo kaŋo woŋon gwoso gworo lo ŊUN Kabulönit lo ŋo liŋ lo jambu.

Ejikele 10:5 Iomraidhean Croise

1 Moran 7:9

A kinu kadijik liŋ iŋge ’dukö ko ŋurupö lo gwörö go, logon a ’duŋö gwoso temet nase, ko a tuturu ko ’duŋesi ti witiöt i ki ’diŋ ko i komor, suluja i pipilesi ti kadijik tojo ko kwe na gorom, ko köti suluja kaŋo tojo ko mariŋ duma.

2 Dekat 4:9

A nye teteŋdi mariŋ na koanejin, ko mariŋ duma, ko kotumiton ti nu mariŋ, a nye muluje kotumiton kase ko mölwö;

Eyobo 40:9

Do kata ko könin gwoso liŋ lo Ŋun? Do ŋona rurumön ko gworo gwoso liŋ le?

Saumajin 68:33

nye lo ’du ’duŋaddu i ’dikolo, i ’dikolo nagon köju suluja ’beron kunu! Lepeŋ rurumön ko gworo lonyit lo riŋit, a kuörö kaŋo!

Saumajin 77:17

A ’dikolo ’bukundye pioŋ; a ’diko woŋe woŋon; a loya kulök pöröni i swötön liŋ.

Yuörö 19:16

A ko gwe sona i lor tomusala lonyit, i ko ’bure nanyit, a kipya lo ki peji peja, a ki meme ’dekti meme ’dekta, a luru lo piddya gwe i mere, a tore kutani kuta parik, a Ŋutu liŋ lo gwon i mera kulo böböŋdi böböŋdu.

Yuörö 19:19

A ko tore a kuta bia parik, a Mose jambi jambu, a Ŋun ruŋge nye i kipya lo ki lukata.

Yisaya 6:8

A nan yiŋge MATAT i kulya adi, Nan ködyö soŋdu ŋa? Ŋa lo tu kogwon kulya kwe? A nan ruŋge adi, Nan malo! Soŋdi nan.

Ejikele 1:24

A na tiri kilo ŋo nu, a nan yiŋge woŋon na köpukön kase gwoso woŋon na karya jore adi wunu, ko gwoso rumön na kipya lo ki logon a gworo lo Kabulönit lo ŋo liŋ, ko gwoso woŋon na yodom na ŋutu jore parik adi gumm; a nagon kilo ŋo gwogwo ’dan nu, a se köluŋdye köpukön kase kak.

Ejikele 10:6

A lepeŋ takiŋdye ŋuto lo jupu boŋgo na waratat naparere lo adi, ’Dumuŋdye kimaŋ i kiden na mokosi logon a liteki lo wiwiddyö kulu, i kwake na kerubajin, a ŋilo ŋuto lupöni lukata, a gwi ’diki nyona ko moköt logon a lite.

Ejikele 40:17

A kirut ŋilo ŋuto joŋgi nan lukata i ’baŋ lo gwon kaŋo na kadi na ŊUN, a nan meddi kadijik na ’di ’dik ko pirit na ’du nagon a linyö ko ŋurupö lolorga ’baŋ; a kadijik na ’di ’dik merya musala gwe i loki nanyit.

Ejikele 46:21

A kirut lepeŋ joŋgi nan kaŋo i ’baŋ lo gwon kaŋo, a tuwöröddi nan i tusesi iŋwan ti ’baŋ; a tusesi liŋ ti ’baŋ gwe ko kulye ’baŋin geleŋ geleŋ.