Ejikele 10:4 - Bibilia Buk na Ŋun nagon koti luŋu a

⁴ A minyo lo MATAT ŋiörö ki i kerubajin loki a mijörö i kutuk na kötumit na kadi nanyit. A kadi na MATAT iŋge jore ko luru, a ’baŋ iŋge muluwa ko parara na minyo lo MATAT.

Ejikele 10:4 Iomraidhean Croise

Yuörö 40:34

A kirut a luru muŋge kemia torumet, a minyo lo MATAT töjoreji kemia.

Yuörö 40:35

A Mose tine bulö lupö i lukata na kemia torumet kogwon luru lo gwon i kemia loki lo, a minyo lo MATAT töjoreji nu kemia.

Yisaya 6:1

A i kiŋa lo twaji mor Ujiya lu, anan meddi MATAT sisi ’da i si ’daet na tomoran nagon a todumala ko a ’biliki ki; ko kumesikön ti boŋgwat kanyit a tojoreju kadi na MATAT.

Ejikele 1:28

A parara na lolorga lepeŋ na metani gwoso görigöri i ’diko i lor lo kudu; kweja adi meta gwoso minyo lo MATAT.

Ejikele 10:18

A kirut minyo lo MATAT kö ’yi kutuk na kötumit na kadi nanyit a gwi ’diki i kerubajin loki.

Ejikele 43:2

A nan meddi minyo lo ŊUN lo Yisaraele popo i swöt lo ’yure, a woŋon na po nanyit gwe gwoso woŋon na karya jore adi wunu, a kak iŋge pararaju ko minyo lonyit.

Ejikele 43:5

A mulökötyo lo po ko ŊUN ’biluŋdye nan ki, a joŋgi nan i ’baŋ lo lukata, a minyo lo MATAT iŋge jore i lukata na kadi nanyit.

Ejikele 44:4

A kirut lepeŋ joŋgi nan lukata tiri kötumit na gwon i swöt lo lobot tojo i komor na kadi na MATAT; a nan boŋgi boŋga, a nan meddi minyo lo MATAT a jore i kadi na MATAT, a nan ’dorone kak rupu.

Ejikele 9:3

A minyo lo ŊUN lo Yisaraele ŋiörö ki i kerubajin nagon lepeŋ gwon kata kune, a iti i kutuk na kötumit na kadi. A lepeŋ luŋgi ŋutu logon a jupu boŋgo na waratat naparere logon a torakiŋdya tito wuresi kanyit i mukök lo.

Kagai 2:9

A kwelen na na kadi ludukotyo mo gwe a duma Iwolwoŋ kwelen na kadi na koju nu, nan MATAT lo kurumi lo kulya, a nan mo tiŋdi taliŋ i na pirit, nan MATAT lo kurumi lo kulya.

Kenet 16:19

A Korak pepenuŋdye momoret na ŋutu liŋ i rerenya ko se i kötumit na kemia torumet. A minyo lo MATAT iŋge pukökin i nu momoret liŋ.

Kweyatti 15:8

A kadi na Ŋun iŋge jore ko köpuröt lo ŋo i minyo lo Ŋun se ko i riŋit nanyit, a lele ŋuto gwe ’bayin logon bubulö luŋo i kadi lukata tojo ko twana iŋgo buryo ti malaikajin buryo kulo a ’baka.