Ejikele 10:22 - Bibilia Buk na Ŋun nagon koti luŋu a

²² Komorsikan kase gwon gwoso nagon nan köju a met nyona ko kare Kebar kunu; lepeŋat liŋ wöröji ŋerot gwogwo.

Ejikele 10:22 Iomraidhean Croise

Ejikele 1:1

I kiŋa tomerya musala, i perok mukanat ti yapa toiŋwan, na gwoŋdi nan koane Ejikele, ŋuro lo Busi i pirit na geleŋ ko ŋutu lo Joŋa i to ’dupien nyona ko kare Kebar nu, a ’dikolo iŋge ŋai, a nan iŋge meddya kulya ti Ŋun koyo i toili.

Ejikele 1:10

A komorsikan kase gwe sona, kweja adi i swot lo lutaten se liŋ iŋwan gwon ko komorsikan ti ŋutu ko komorsikan gwoso ti kömiruot, a i swöt lo kadoŋe gwe ko komorsikan gwoso ti dwönin se ko komorsikan gwoso ti yukuö.

Ejikele 1:12

Se liŋ wöröji ŋerot gwogwo; swöt logon mulökötyo ’dek tu kata lu a se iti nyu, a gwe ti löpukö i wöröji nase.

Ejikele 1:9

a kö-pukön kase to ’bole to ’bo. Lepeŋat liŋ tu ŋerot gwogwo a tine lopuko.

Ejikele 10:11

Ko kerubajin wöwöröji, lepeŋat wöröji i swötön kase iŋwan kulo a tine löpukö i wöröji nase, a ko pirit nagon kusik kase diŋa kata nu a se iti gwo a tine löpukö i tu nase.

Ejikele 10:21

Lepeŋat liŋ geleŋ geleŋ gwon ko komorsikan iŋwan iŋwan, ko köpukön iŋwan iŋwan, a ŋo gwoso könisi ti ŋuto gwe i lukak na köpukön kase.

Ejikele 11:1

A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 43:3

A ŋo na met nan köyö i töili kune gwe gwoso na met nan na pöri nye i tukaŋu na köji nu, ko gwoso ŋo na met nan köyö i töili nyona ko kare Kebar kunu; a nan ’dorone kak rupu.

Osea 14:9

Ko ŋuto logon a lokoŋ ti nye kuruŋdye kine go; a ko ŋuto logon a lotolok a ti nye deŋdi koi; kogwon kikolin ti MATAT gwon gwogwo, a ŋutu lo rigwo wöröni kata, ama a katoronyak kököpuköni kata.