Ejikele 10:19 - Bibilia Buk na Ŋun nagon koti luŋu a

¹⁹ A kerubajin ’bi ’yi köpukön kase a ’daaddi ki a nan memeddya i tu nase kaŋo, ko mokosi logon a liteki kulo kase i mara; a lepeŋat gwi ’diki i kötumit na mariŋ na kadi na MATAT nagon diraddu i swöt lo ’yure na; a minyo lo ŊUN lo Yisaraele gwe kase loki.

Ejikele 10:19 Iomraidhean Croise

Ejikele 10:1

A kirut nan meddi nene ŋo gwoso ŋurupit naŋem nakwekwelen na luŋu a sapira i ’diko na gwon i kusik ti kerubajin na, gweya nanyit ŋuru gwoso si ’daet na tumatyan.

Ejikele 11:1

A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 43:1

A i mukök a lepeŋ joŋgi nan i kötumit, kweja adi ŋina a kötumit nagon diraddu i swöt lo ’yure na.

Ejikele 43:2

A nan meddi minyo lo ŊUN lo Yisaraele popo i swöt lo ’yure, a woŋon na po nanyit gwe gwoso woŋon na karya jore adi wunu, a kak iŋge pararaju ko minyo lonyit.

Ejikele 43:4

A minyo lo MATAT lupöni i kadi nanyit tiri kötumit na diraddu i swöt lo ’yure na.

Ejikele 8:16

A kirut lepeŋ joŋgi nan i ’baŋ lo lukata lo kadi na MATAT; a nan meddi ŋutu merya murek wot mukanat i kötumit na kadi na MATAT i kwake na baraŋöa se ko pirit ’yuret na rubaŋgajin. Kilö ŋutu gwon i twöju na kolor i nyerun nanyit, ki ’dirinö kase boŋaddu i kadi na MATAT a komorsikan meddi swöt lo ’yure.