Ejikele 10:13 - Bibilia Buk na Ŋun nagon koti luŋu a

¹³ A nan yiŋge mokosi logon a liteki kulu i widdyö adi wirrr.

Ejikele 10:13 Iomraidhean Croise

Ejikele 1:15

Nyena a na meddi nan ŋo lo gwon jörun kulo nu, a nan meddi adi se liŋ iŋwan gwon ko ŋo nagon meta gwoso mokosi ti arabia geleŋ geleŋ kak kase nyona.

Ejikele 10:12

A mugunya kase liŋ, ko ki ’dirinö kase, ko könisi kase, ko köpukön kase, se ko mokosi kase iŋwan liŋ logon a liteki kulo iŋge jore ko konyen.

Ejikele 10:14

A kerubajin iŋwan kulo gwe ko komorsikan iŋwan iŋwan; komor togeleŋ na a komor na keruba, a komor tomurek na gwe a komor na ŋuto, a komor tomusala na gwe a komor na kömiru, a komor toiŋwan na gwe a komor na yuku.

Ejikele 10:2

A lepeŋ takiŋdye ŋuto lo jupu boŋgo na waratat naparere lo adi, Lupöni i kiden na mokosi logon a liteki lo wiwiddyö i lukata na kerubajin kulu, ko sunuŋdye kuk na tutule na gwon i kiden na kerubajin kunu ko könin jore, ko rataki se i köji ’bukuluŋ. Nyena a lepeŋ lupöni lukata a nan memeddya.