Ejikele 1:8 - Bibilia Buk na Ŋun nagon koti luŋu a

⁸ A se gwe ko könisi gwoso ti ŋutu i mukök na köpu-kön kase, i swötön kase liŋ iŋwan iŋwan kulo; kweja adi se liŋ iŋwan gwon ko komorsikan ko köpukön,

Ejikele 1:8 Iomraidhean Croise

Yisaya 6:6

A lele lo seraipim ’dauŋdye koyo ni ko kimaŋ nanyotok kanyit i konin nagon nye a ŋwakun i pirit ’yuret na rubaŋgajin loki.

Ejikele 1:17

Ko lepeŋat wöwöröji, lepeŋat wöröji i swö-tön kase iŋwan kulo, a tine löpukö.

Ejikele 10:11

Ko kerubajin wöwöröji, lepeŋat wöröji i swötön kase iŋwan kulo a tine löpukö i wöröji nase, a ko pirit nagon kusik kase diŋa kata nu a se iti gwo a tine löpukö i tu nase.

Ejikele 10:18

A kirut minyo lo MATAT kö ’yi kutuk na kötumit na kadi nanyit a gwi ’diki i kerubajin loki.

Ejikele 10:2

A lepeŋ takiŋdye ŋuto lo jupu boŋgo na waratat naparere lo adi, Lupöni i kiden na mokosi logon a liteki lo wiwiddyö i lukata na kerubajin kulu, ko sunuŋdye kuk na tutule na gwon i kiden na kerubajin kunu ko könin jore, ko rataki se i köji ’bukuluŋ. Nyena a lepeŋ lupöni lukata a nan memeddya.

Ejikele 10:21

Lepeŋat liŋ geleŋ geleŋ gwon ko komorsikan iŋwan iŋwan, ko köpukön iŋwan iŋwan, a ŋo gwoso könisi ti ŋuto gwe i lukak na köpukön kase.

Ejikele 8:3

A lepeŋ riuŋdye lele ŋo gwoso könin a morgi nan i kupir ti kwe, a mulokötyo lo po ko Ŋun ’dokoddi nan i wöli na ki ko kak, a nan meddi kulya ti ŊUN köyö i töili meta gwoso nye a joŋ nan Yerusalema. A lepeŋ togwi ’dikiŋdye nan kak i lupet na kötumit na lupörikin i ’baŋ lo lukata lo kadi na ŊUN, lo diraddu i swot lo lobot, i pirit na gwo ’di ’e nyömue yinet logon totowoŋa lo.