Ejikele 1:28 - Bibilia Buk na Ŋun nagon koti luŋu a

²⁸ A parara na lolorga lepeŋ na metani gwoso görigöri i ’diko i lor lo kudu; kweja adi meta gwoso minyo lo MATAT.

Ejikele 1:28 Iomraidhean Croise

Suluet 17:3

A kirut Abarama ’dorone kak rupu; a ŋun kulyani ko lepeŋ adi,

Yuörö 16:10

A ko gwe sona na jambi Arona ko momoret liŋ na Ŋutu ti Yisaraele nu, a se boŋgi yöbu a meddi minyo lo MATAT puku kaŋo i luru lukata.

Yuörö 16:7

a i ko ’bure a ta mo meddi minyo lo MATAT, kogwon nye a yiŋ woŋon nasu na woŋgi ta ko nye MATAT nu. A yi gwe a ko ŋa logon ta wowoŋgi yi?

Yuörö 24:16

A minyo lo MATAT gwe i mere Sinai, a luru muŋge lepeŋ ko perok buker, a i lor toburyo lonyit a nye luŋgi Mose i luru lukata.

Yuörö 24:17

A Ŋutu ti Yisaraele meddi minyo lo MATAT i kwe na mere gwoso kimaŋ na ’yu ’yuŋa parik.

Ejikele 10:4

A minyo lo MATAT ŋiörö ki i kerubajin loki a mijörö i kutuk na kötumit na kadi nanyit. A kadi na MATAT iŋge jore ko luru, a ’baŋ iŋge muluwa ko parara na minyo lo MATAT.

Ejikele 3:23

Nyena a nan ŋine ŋien a iti i pirit nagon a ’dar, mete, a minyo lo MATAT gwo ’de nyu, gwoso minyo logon nan köju a met nyona ko kare Kebar lu; a nan ’dorone kak rupu.

Ejikele 43:2

A nan meddi minyo lo ŊUN lo Yisaraele popo i swöt lo ’yure, a woŋon na po nanyit gwe gwoso woŋon na karya jore adi wunu, a kak iŋge pararaju ko minyo lonyit.

Ejikele 44:4

A kirut lepeŋ joŋgi nan lukata tiri kötumit na gwon i swöt lo lobot tojo i komor na kadi na MATAT; a nan boŋgi boŋga, a nan meddi minyo lo MATAT a jore i kadi na MATAT, a nan ’dorone kak rupu.

Ejikele 8:4

Mete, a minyo lo Ŋun lo Yisaraele gwe nyu, gwoso kulya na met nan i pirit nagon a ’dar kunu.

Daniele 8:17

Nyena a lepeŋ poŋdi i ŋinu pirit na gwo ’di ’e nan nu; a nagon nye aje ’durökin nu, a nan iŋge kujono a ’dorone kak rupu. Ama a lepeŋ kulyani ko nan adi, Dene den pon ŋuro lo ŋuto. adi kine kulya kweja diŋit na ’dutet.

Lewi 9:24

A kimaŋ puku kaŋo ko MATAT i komor a totumbe rubaŋga lo ’yu ’yura ’buluŋ se ko welet na gwon i pirit ’yuret na rubaŋgajin loki na; a na meddi ŋutu liŋ kine kulya nu, a se woŋoro ki, a ’dorone kak rupu.

Konesi 9:4

A lepeŋ ’dorone kak, a yiŋge gworo lo pija nye adi, Saula, Saula, ko nyo nagon do sasaŋdu nan sona?

Roma 9:4

Lepeŋat a kötumit na Yisaraele; Ŋun a koŋdya lepeŋat a ŋwajik kanyit, a tiŋdi se minyo lonyit, ko tomoresi nagon nye a teten ko se i pirit na geleŋ kune, a tiŋdi se Saresi todinesi, se ko saresi kwakwasesi, ko a milyekin tiŋdu se ŋo na popo.

1 Korinto 13:12

i na diŋit yi meddya ŋo liŋ adi töyi töyi gwoso maŋöara nagon ti meddya ’bura, ama molu nu yi memet a lokomor. I na diŋit na nan tuŋ deŋdya a swöt kana, ama molu nu a nan mo deŋdi Ŋun ’buluŋ, gwoso nagon Ŋun deŋdi nan ’buluŋ na.

Kweyatti 10:1

A kirut nan meddi lele malaika. A tat lo riŋit ŋoŋdya kak ki yu, a jupu ’diko; a görigöri gwe kanyit i kwe, a komor nanyit gwe gwoso kolor, a mokosi kanyit gwe gwoso bililyat ti kimaŋ.

Kweyatti 4:3

A nye lo si ’daki nyin lo metani gwoso ŋurupö nakwekwelen nagon a yasipidi se ko sardiö; a görigori logon meta gwoso ŋurupit nakwekwelen nagon a emeralido lo lorakiŋdye ŋina si ’daet kiden.

Ka’duŋök 13:20

A nagon ŋedeŋ lo kimaŋ aje labakin ki i ’diko i pirit ’yuret na rubaŋgajin nu, a malaikatat lo MATAT iti ki i lukata na ŋedeŋ lo kimaŋ lo nu pirit ’yuret na rubaŋgajin; a Mano kase narakwan gwe i diraddu na lepeŋ, a se ’dorone kak rupu.