Ejikele 1:27 - Bibilia Buk na Ŋun nagon koti luŋu a

²⁷ a nan meddi ŋo gwoso mölwö na nama a nyore kana suluja i ŋo gwoso mukök nanyit tojo ko kwe, a gwe gwoso kimaŋ i pirit namet suluja kanyit i mukök tojo ko ’dapan, a parara na ŋo gwoso kimaŋ lolorgi lepeŋ.

Ejikele 1:27 Iomraidhean Croise

1 Dekat 16:27

Bulet ko tomoran gwon kanyit i komor, riŋit ko lyöpön gwon kanyit i pirit.

Saumajin 50:3

Ŋun likaŋ ŋoŋo, nye ti yiŋa taliŋ, kimaŋ tutulörö kanyit i komor, köbuŋöt wome wuwuggö kanyit i mara.

Saumajin 97:2

’Dikolo ko mudwe gömökindyö lepeŋ kiden; si ’daet na tumatyan nanyit gwo ’dan i kulya na rigwo ko i ’duŋgö na ŋutet gwogwo.

Yuörö 24:17

A Ŋutu ti Yisaraele meddi minyo lo MATAT i kwe na mere gwoso kimaŋ na ’yu ’yuŋa parik.

Ejikele 1:4

A nan meddi meddya, mete, a köbuŋöt wome wukuŋdye i swöt lo lobot ko luru duma parik i pirit na geleŋ. Ŋilo luru kokobbu parik, a ŋedepa ti kimaŋ poŋi kaŋo a ’döri, a lukata na ŋina kimaŋ metani gwoso mölwö na nama a nyore kana.

Ejikele 8:2

A nan iŋge meddya ŋo gwoso ŋuto; suluja kanyit i mukök tojo ko ’dapan meta gwoso kimaŋ, a suluje kanyit i mukok tojo ko kwe a kobbi gwoso mölwö na nama a nyore kana.

Abakuk 3:4

A tomilyaŋ nanyit kobbi gwoso parara, a parara puruŋdye kanyit i konisi, a riŋit nanyit iŋge muko i lukata nanyit.

Nyökit 4:24

Kogwon MATAT ŋun losu a kimaŋ na tototumbo, ko a ŋun kayinönit.

2 Tesalonike 1:8

Lepeŋ po ko kimaŋ na tutule i riŋga na ŋutu logon ti den Ŋun se ko ŋutu logon ti twoju Loŋe Lo ’but lo Matat likaŋ Yesu kilo.

Ebere 12:29

kogwon Ŋun likaŋ ’diri a kimaŋ na tototumbö.