Ejikele 1:26 - Bibilia Buk na Ŋun nagon koti luŋu a

²⁶ A i loki na ŋina ’diko yu kase i kusik gwe a nene ŋo na meta gwoso ŋurupit naŋem na luŋu a sapira. ŋina ŋurupit a tetena gwoso si ’daet na tumatyan, a lele ŋo logon meta gwoso ŋuto si ’dani i ŋina si ’daet loki.

Ejikele 1:26 Iomraidhean Croise

1 Moran 22:19

A Mikaya kulyani adi, Nyenagon yiŋge kulyaet lo MATAT; nan a met MATAT sisi ’da i si ’daet nanyit na tumatyan, a kurumi liŋ na ki gwo ’de gwo ’dan kanyit nyona i könin lonyit lutaten ko lo kadoŋe;

Saumajin 45:6

Si ’daet inot na tumatyan yeyeŋon ŋupi gwoso si ’daet na Ŋun. Ture ilot lo tumatyan a ture lo löti lo rigwo.

Yuörö 24:10

a se meddi ŋun lo Yisaraele; a i mukök na mokosi kanyit a gwe gwoso kak nagon a liliŋö ko ŋurupö nakwe-kwelen na luŋu a sapira, a gwe a nake gwoso ’diko.

Yisaya 54:11

Do köji na yöyögö, nagon a puök ko kudu, a tine si ’da ’bura, mete, nan mo pepetakin ŋurupö kunök i meme nago narwö, a mo pipi ’yi togwi ’diesi kulök ko ŋurupö sapira.

Yisaya 6:1

A i kiŋa lo twaji mor Ujiya lu, anan meddi MATAT sisi ’da i si ’daet na tomoran nagon a todumala ko a ’biliki ki; ko kumesikön ti boŋgwat kanyit a tojoreju kadi na MATAT.

Ejikele 1:22

A i loki na ŋo lo gwon jörun kulo nene ŋo kata gwoso ’diko a riki kase i kusik, ŋina ŋo kokobbu gwoso ma-ŋöara nagon totokujöŋdu i meta.

Ejikele 1:5

A nan meddi ŋo iŋwan lo gwon Jörun i kiden nanyit logon meta gwoso ŋutu,

Ejikele 10:1

A kirut nan meddi nene ŋo gwoso ŋurupit naŋem nakwekwelen na luŋu a sapira i ’diko na gwon i kusik ti kerubajin na, gweya nanyit ŋuru gwoso si ’daet na tumatyan.

Ejikele 43:6

A kirut nan yiŋge gworo jambu ko nan i lukata na kadi na ŊUN a ŋilo ŋuto gwo ’dan köyö nyona.

Ejikele 43:7

a ŋilo gworo takiŋdye nan adi, Ŋuro lo ŋuto, na a pirit na si ’daet nio na tumatyan, ko a pirit nio nagon nan gwogwo ’di ’e, nagon nan mo gwo-gwolorgi i kiden na ŋutu ti Yisaraele ŋupi na. A ma ’di lepeŋat kode moran kase mo köti tine köŋu karin kwe ko towutön nase se ko öpuö ti moran kase.

Ejikele 8:2

A nan iŋge meddya ŋo gwoso ŋuto; suluja kanyit i mukök tojo ko ’dapan meta gwoso kimaŋ, a suluje kanyit i mukok tojo ko kwe a kobbi gwoso mölwö na nama a nyore kana.

Daniele 10:18

A lele gwoso ŋuto köti ’bo ’yi nan a togo ’yi nan.

Daniele 7:14

A lepeŋ iŋge tiki tomoran ko minyo se ko tumatyan, anyen gweyajin lio ti ŋutu, ko juron, ko ŋuto lo jambu kutusen ka ’de ka ’de ködyö kitakiŋdya lepeŋ; tomoran nanyit a tomoran na yeyeŋon ŋupi nagon molu ti bulo ’duddyo, a tumatyan nanyit mo tine bulo toliki asut.

Jakaria 6:13

ŋilo a nye logon mo ’duggo kadi na MATAT, a mo ’depaddi minyo lo tumatyan, a mo si ’dani kanyit i si ’daet a matat. A koane mo gwe kanyit i si ’daet nyona, a taliŋ mo gwe kase kiden se liŋ murek.

Matayo 25:13

Nyena ti konyen kasu gwe ŋa, kogwon ta ti den ŋilu lor kode ŋinu diŋit.

Matayo 28:18

A Yesu miju nyona, a kulyani ko se adi, Kido liŋ ki yu ko kak ni aje tiki nan.

Ebere 1:8

Ama na jambi Ŋun i kulya ti Ŋuro lonyit nu, a nye kulyani adi, Pon Ŋun, si ’daet inot na tumatyan yeyeŋon ŋupi. Ture ilot lo tumatyan a ture lo loti lo rigwo.

Ebere 12:2

Ti yi metaddi ta ŋerot ko Yesu yu, kogwon lepeŋ a kasuluwanit lo yupet nikaŋ, a lepeŋ mo lo tojukiŋdye ŋina yupet ’bura. Lepeŋ a ko yeye toyuŋ nanyit na kwe i ŋoŋga na twan nanyit i kodini na görö, kogwon lyöŋön na gwon kanyit ŋerot nu. Soŋinana lepeŋ aje si ’daki i könin lutaten lo si ’daet na Ŋun.

Ebere 8:1

Nyena moköt lo kulya nagon yijambu kulya kanyit kune makune: ’diri yi gwon ko koane duma gwoso lo. Lepeŋ aje si ’daki kak i könin lutaten lo si ’daet na Mor lo gwon ki lu.

Yosua 5:13

A gwe sona nagon Yosua gwe nyona ko Yeriko nu, a nye boŋgi boŋga, a meddi lele ŋuto gwo ’dan kanyit i komor, logon ko wale kanyit i könin a ’dutwe kalor i soko ’bo. A Yosua iti ko lepeŋ yu, a pipije lepeŋ adi, Do a likaŋ kode a lo merok kaŋ?

1 Petero 3:22

Yesu aje tu ki, a gwe ko Ŋun i könin lutaten, a malaikajin, ko tokimakan se ko riŋitön a tiki kanyit i mukök.

Kweyatti 1:13

a lele Ŋo gwoso ŋuro lo ŋuto gwe i kiden na lombojin, a jupu jolobiya tojo kanyit i ’dapan ti mokosi, ko gom nagon a dakaŋ a dukuki kanyit i kido.

Kweyatti 14:14

A kirut nan meddi ’diko nakwe gwe nyu, ko lele ŋo gwoso ŋuto si ’da kata. Lepeŋ gwon ko Iŋguya logon a dakap kanyit i kwe se ko wale ŋeret logon a lori kanyit i könin.

Kweyatti 20:11

A kirut nan meddi si ’daet na tumatyan a duma ko a nakwe, se ko nye lo si ’daki nyin lo. A kak ko ’diko wöki wökön kanyit i komor a liki likin asut.

Kweyatti 3:21

Ŋuto logon a te ’ya lo, nan mo ’bu ’burukin lepeŋ i si ’daki kak ko nan i si ’daet nio na tumatyan i pirit na geleŋ, gwoso nagon nan köti a te ’ya na, a si ’dakine kak ko Baba i si ’daet nanyit na tumatyan i pirit na geleŋ.

Kweyatti 5:13

A nan yiŋge ŋo liŋ lo gweya ki yu ko kak ni ko i lukata na kak se ko i tor duma na ’balaŋ, kweja adi ŋo liŋ na gweya kune i yolo adi, Ti pupuresi, ko bulet, ko gotet, se ko tumatyan gwe ko nye lo si ’daki i si ’daet lo. ko ti gwe ko ŋilo Kilolor ŋupi ŋupi.