Ejikele 1:24 - Bibilia Buk na Ŋun nagon koti luŋu a

²⁴ A na tiri kilo ŋo nu, a nan yiŋge woŋon na köpukön kase gwoso woŋon na karya jore adi wunu, ko gwoso rumön na kipya lo ki logon a gworo lo Kabulönit lo ŋo liŋ, ko gwoso woŋon na yodom na ŋutu jore parik adi gumm; a nagon kilo ŋo gwogwo ’dan nu, a se köluŋdye köpukön kase kak.

Ejikele 1:24 Iomraidhean Croise

2 Moran 7:6

Kogwon MATAT a tiŋdu kamorok ti Suria i yiŋga na woŋon na arabiajin lo jijiko ko na kusanjin, ko woŋon na kamorok jore, a se tokulyaki ko ’borik adi, Mete ta, mor lo Yisaraele aje gworokin moran ti Kiti, ko moran ti Ejipeto anyen ŋo i moro koyi.

Eyobo 37:2

Yiŋge rumön na gworo lo Ŋun adi kiŋgwiŋ, se ko gigiŋga na po kanyit i kutuk.

Saumajin 18:13

Köti a MATAT peji peja ki yu ko kipya lo ki, iŋkoi Katoŋanit lo ki liŋ jajambu, ko torok ti kudu ko pisek ti kimaŋ.

Saumajin 68:33

nye lo ’du ’duŋaddu i ’dikolo, i ’dikolo nagon köju suluja ’beron kunu! Lepeŋ rurumön ko gworo lonyit lo riŋit, a kuörö kaŋo!

Ejikele 10:5

A woŋon na köpukön ti kerubajin yiŋani tojo i ’baŋ lo kaŋo woŋon gwoso gworo lo ŊUN Kabulönit lo ŋo liŋ lo jambu.

Ejikele 3:13

A nan iŋge yiŋ woŋon na köpukön ti ŋo lo gwon jörun kulo adi kapak kapak i to ’bo nase, se ko woŋon na mokosi logon a liteki lo gwon kase i mara kulo burunyuŋdya ko riŋit duma adi wunu.

Ejikele 43:2

A nan meddi minyo lo ŊUN lo Yisaraele popo i swöt lo ’yure, a woŋon na po nanyit gwe gwoso woŋon na karya jore adi wunu, a kak iŋge pararaju ko minyo lonyit.

Daniele 10:6

Mugun nanyit gwoso ŋurupit naporoŋ nakwe-kwelen, a komor nanyit kobbi kobbu gwoso meme ’dekta na ki, a konyen kanyit kobbi gwoso tukuyu na kimaŋ, a kidyö ko mokosi kanyit gwe a lomilyapak gwoso mölwö na nama, a gworo lonyit gwe gwoso wopon na lodir.

Kweyatti 1:15

a mokosi kanyit kobbi gwoso mölwö nagon aje nama ko aje ŋoto a nake; a gworo lonyit gwe gwoso woŋon na karya jore adi wunu.

Kweyatti 19:6

A kirut nan yiŋge woŋon gwoso na ŋutu jore, ko gwoso woŋon na karya jore, ko gwoso rumön duma na kipyala ti ki, woŋoro adi, Aleluya, kogwon Matat Ŋun likaŋ Kabulönit lo ŋo liŋ tutumatyan!