Ejikele 1:22 - Bibilia Buk na Ŋun nagon koti luŋu a

²² A i loki na ŋo lo gwon jörun kulo nene ŋo kata gwoso ’diko a riki kase i kusik, ŋina ŋo kokobbu gwoso ma-ŋöara nagon totokujöŋdu i meta.

Ejikele 1:22 Iomraidhean Croise

Eyobo 37:22

A parara na kokobbu gwoso dakap poŋdi i swöt lo lobot; Ŋun a jupu minyo lo tokujöŋdu ŋutu.

Yuörö 24:10

a se meddi ŋun lo Yisaraele; a i mukök na mokosi kanyit a gwe gwoso kak nagon a liliŋö ko ŋurupö nakwe-kwelen na luŋu a sapira, a gwe a nake gwoso ’diko.

Ejikele 1:25

A gworo lo kuu ki yu i loki na ŋina ’diko kase i kusik; a nagon kilo ŋo gwogwo ’dan nu, a se köluŋdye köpukön kase kak.

Ejikele 1:26

A i loki na ŋina ’diko yu kase i kusik gwe a nene ŋo na meta gwoso ŋurupit naŋem na luŋu a sapira. ŋina ŋurupit a tetena gwoso si ’daet na tumatyan, a lele ŋo logon meta gwoso ŋuto si ’dani i ŋina si ’daet loki.

Ejikele 10:1

A kirut nan meddi nene ŋo gwoso ŋurupit naŋem nakwekwelen na luŋu a sapira i ’diko na gwon i kusik ti kerubajin na, gweya nanyit ŋuru gwoso si ’daet na tumatyan.

Ejikele 10:20

Kilo a ŋo lo gwon jörun logon nan köju a met i lukak na ŊUN lo Yisaraele nyona ko kare Kebar kulu; a nan iŋge den adi se a kerubajin.

Kweyatti 21:11

gwon ko minyo lo Ŋun. A kobbu nanyit gwe gwoso kobbu na puruŋit nakwekwelen gwoso yasipidi na gwörö ko gurut jore parik, ko a nake gwoso ŋurupit nasulyöŋ.

Kweyatti 4:3

A nye lo si ’daki nyin lo metani gwoso ŋurupö nakwekwelen nagon a yasipidi se ko sardiö; a görigori logon meta gwoso ŋurupit nakwekwelen nagon a emeralido lo lorakiŋdye ŋina si ’daet kiden.

Kweyatti 4:6

A nene ŋo gwe kata i komor na ŋina si ’daet gwoso tör nasulyoŋ pagön meta gwoso maŋöara. A ŋo lo gwon Jorun iŋwan lopakiŋdye ŋina si ’daet kiden. Kilo ŋo gwon ko konyen Jore i komor ko i ki ’diŋ.