Ejikele 1:15 - Bibilia Buk na Ŋun nagon koti luŋu a

¹⁵ Nyena a na meddi nan ŋo lo gwon jörun kulo nu, a nan meddi adi se liŋ iŋwan gwon ko ŋo nagon meta gwoso mokosi ti arabia geleŋ geleŋ kak kase nyona.

Ejikele 1:15 Iomraidhean Croise

1 Moran 7:30

a gwo ’diesi liŋ geleŋ geleŋ gwe ko mokosi jikesi iŋwan iŋwan logon a mölwö, ko mölwö tomoresi kase; a tökesi na gwon i mukök na mu ’da lalaet gwe i gopesi kase ti kakö wan. A kinu tökesi a tolusökö, a se gwe ko dudulesi na gweya i swötön kase geleŋ geleŋ.

Ejikele 1:6

ama se liŋ geleŋ geleŋ gwon ko komorsikan iŋwan iŋwan, ko kopukon iŋwan iŋwan.

Ejikele 10:2

A lepeŋ takiŋdye ŋuto lo jupu boŋgo na waratat naparere lo adi, Lupöni i kiden na mokosi logon a liteki lo wiwiddyö i lukata na kerubajin kulu, ko sunuŋdye kuk na tutule na gwon i kiden na kerubajin kunu ko könin jore, ko rataki se i köji ’bukuluŋ. Nyena a lepeŋ lupöni lukata a nan memeddya.

Ejikele 10:9

A nan meddi mokosi iŋwan logon a liteki i mara ti kilo kerubajin, moköt geleŋ gwon i merete lo keruba; a gweya na mokosi logon a liteki kulo kobbi gwoso ŋurupit naporoŋ nakwekwelen na luŋu a topaja.

Ejikele 3:13

A nan iŋge yiŋ woŋon na köpukön ti ŋo lo gwon jörun kulo adi kapak kapak i to ’bo nase, se ko woŋon na mokosi logon a liteki lo gwon kase i mara kulo burunyuŋdya ko riŋit duma adi wunu.

Daniele 7:9

A na meddi nan nu, a si ’daesi ti tumatyan iŋge tiki, a lele temejiktyo lo ’beron si ’dakine kanyit i si ’daet; boŋgo nanyit a nakwe gwoso luru lo lilik, a kupir kanyit ti kwe gwe gwoso waratat nake; a si ’daet nanyit na tumatyan gwe gwoso ŋedepa ti kimaŋ na rorö ’yu, a mokosi woriesi ti ŋinu si ’daet gwe gwoso kimaŋ na nyonyoran.

Kweyatti 4:7

A ŋo togeleŋ lo gwon Jörun lo gwe gwoso kömiru, a tomurek lo gwe gwoso dwöt, a tomusala lo gwe ko komor gwoso na ŋuto, a toiŋwan lo gwe gwoso yuku lo ’da ’daju.