Ejikele 1:13 - Bibilia Buk na Ŋun nagon koti luŋu a

¹³ A kiden na ŋo lo gwon jörun kulo metani gwoso kuk ti kimaŋ na tutule, ko gwoso kalya na wöwöriŋö abur kase kiden, a kimaŋ iŋge kobbu, a meme ’dekta na kipya lo ki puruŋdye kaŋo i ŋina kimaŋ lukata.

Ejikele 1:13 Iomraidhean Croise

Suluet 15:17

A gwe sona, a kolor ’dorone ’doro, a kak gwe a korikori, mete, a köpuröt puriörö ki i salesi, a kaliati na tutule wöröni i kiden na kine lokorio.

Saumajin 104:4

Do a yökijö köbuŋötön, do a tindu ŋedep a ti kimaŋ gwon a köliŋönök kulök.

Ejikele 1:7

Mokosi kase gwon gwogwo, a gwe ko sulukwakan gwoso ti tagwok, kokobbu gwoso molwö na jeya.

Ejikele 10:2

A lepeŋ takiŋdye ŋuto lo jupu boŋgo na waratat naparere lo adi, Lupöni i kiden na mokosi logon a liteki lo wiwiddyö i lukata na kerubajin kulu, ko sunuŋdye kuk na tutule na gwon i kiden na kerubajin kunu ko könin jore, ko rataki se i köji ’bukuluŋ. Nyena a lepeŋ lupöni lukata a nan memeddya.

Daniele 7:9

A na meddi nan nu, a si ’daesi ti tumatyan iŋge tiki, a lele temejiktyo lo ’beron si ’dakine kanyit i si ’daet; boŋgo nanyit a nakwe gwoso luru lo lilik, a kupir kanyit ti kwe gwe gwoso waratat nake; a si ’daet nanyit na tumatyan gwe gwoso ŋedepa ti kimaŋ na rorö ’yu, a mokosi woriesi ti ŋinu si ’daet gwe gwoso kimaŋ na nyonyoran.

Matayo 28:3

A meta nanyit kobbi gwoso meme ’dekta na ki, a boŋgwat kanyit kune gwe a nakwe parik adi gwu.

2 Tesalonike 1:7

a mo tiŋdi ta lo sasanya kilo yukan se koyi koti. Nye mo koŋdya sona na kweyene Matat Yesu ki yu se ko malaikajin kanyit ti riŋit nu.

Kweyatti 10:1

A kirut nan meddi lele malaika. A tat lo riŋit ŋoŋdya kak ki yu, a jupu ’diko; a görigöri gwe kanyit i kwe, a komor nanyit gwe gwoso kolor, a mokosi kanyit gwe gwoso bililyat ti kimaŋ.

Kweyatti 18:1

A i mukök na ŋina, a nan meddi lele malaikatat ŋo kak ki yu. Lepeŋ gwon ko kido saret a duma, a kak metani a nake kogwon parara na minyo lonyit.

Kweyatti 4:5

A meme ’dekta na ki ko woŋon se ko rumön na kipya lo ki ŋoŋdi kaŋo i ŋina si ’daet. A kalya buryo na tutule gwe i komor na ŋina si ’daet; kweja adi kilo a mulökö buryo ti Ŋun.