Ejikele 1:1 - Bibilia Buk na Ŋun nagon koti luŋu a

¹ I kiŋa tomerya musala, i perok mukanat ti yapa toiŋwan, na gwoŋdi nan koane Ejikele, ŋuro lo Busi i pirit na geleŋ ko ŋutu lo Joŋa i to ’dupien nyona ko kare Kebar nu, a ’dikolo iŋge ŋai, a nan iŋge meddya kulya ti Ŋun koyo i toili.

Ejikele 1:1 Iomraidhean Croise

Suluet 15:1

A i mukök na kine kulya, a A kulyaet lo MATAT poki ko Abarama gwoso rudweesi adi, Ko kujönö Abarama, nan lo gwon a ’buku gayet inot, a do mo wuji ’bulit duma na lwölwoŋgu parik.

Suluet 46:2

A Ŋun kulyani ko Yisaraele i ŋo na met nye i rudweesi ti tukwaje kune, a luŋgi lepeŋ adi, Yakobo, Yakobo! A nye ruŋge adi, Nan malo.

Saumajin 137:1

I Jur lo Babela yu yi a si ’da kak nyona ko karya, a yi gwine gwien na yiyiundye yi Siona nu.

Yuörö 24:10

a se meddi ŋun lo Yisaraele; a i mukök na mokosi kanyit a gwe gwoso kak nagon a liliŋö ko ŋurupö nakwe-kwelen na luŋu a sapira, a gwe a nake gwoso ’diko.

Yisaya 1:1

Kine a ŋo na met Yisaya ŋuro lo Amosa, i kulya ti Yuda ko ti Yerusalema, i perok ti Ujiya, ko Yotama, ko Akaja se ko Kijikia, moran ti Yuda.

Yisaya 6:1

A i kiŋa lo twaji mor Ujiya lu, anan meddi MATAT sisi ’da i si ’daet na tomoran nagon a todumala ko a ’biliki ki; ko kumesikön ti boŋgwat kanyit a tojoreju kadi na MATAT.

Yeremia 29:15

Ta aje kulya adi, MATAT aje topukökiŋdyö yi nebijin Babela gini.

Ejikele 1:3

a kulyaet lo MATAT poki köyö i Jur lo Kaledea nyona ko kare Kebar; nyu a riŋit na MATAT poki köyö i mugun.

Ejikele 10:1

A kirut nan meddi nene ŋo gwoso ŋurupit naŋem nakwekwelen na luŋu a sapira i ’diko na gwon i kusik ti kerubajin na, gweya nanyit ŋuru gwoso si ’daet na tumatyan.

Ejikele 10:10

Lepeŋat liŋ iŋwan meta jojo, meta gwoso moköt lo arabia logon lele a sutaji lukata.

Ejikele 10:15

A kirut kerubajin kulo ŋiörö ki. Kilu a ŋo lo gwon jörun lo met nan nyona ko kare Kebar kulu.

Ejikele 10:20

Kilo a ŋo lo gwon jörun logon nan köju a met i lukak na ŊUN lo Yisaraele nyona ko kare Kebar kulu; a nan iŋge den adi se a kerubajin.

Ejikele 10:22

Komorsikan kase gwon gwoso nagon nan köju a met nyona ko kare Kebar kunu; lepeŋat liŋ wöröji ŋerot gwogwo.

Ejikele 11:24

A mulökötyo lo po ko ŊUN ’dukuŋdye nan ki a joŋgi nan Kaledea yu i ŋutu lo gwon i to ’dupien kulu. Kine ŋo liŋ a ŋo nagon mulökötyo lo po ko ŊUN a kwekin nan köyö i töili, a kirut kine ŋo na met nan kune wusaddi kaŋo köyö.

Ejikele 3:15

A kirut nan ’duröki ko ŋutu lo joŋa i to ’dupien kulo Tel-abiba yu, logon si ’da nyona ko kare Kebar. A nan iŋge si ’da ko lepeŋat i pirit na geleŋ ko perok buryo wawanya ’bak jambu.

Ejikele 3:23

Nyena a nan ŋine ŋien a iti i pirit nagon a ’dar, mete, a minyo lo MATAT gwo ’de nyu, gwoso minyo logon nan köju a met nyona ko kare Kebar lu; a nan ’dorone kak rupu.

Ejikele 40:2

A nan meddi kulya ti ŊUN koyö i töili adi nye lo joŋdya nan i jur lo Yisaraele, a tosi ’dakiŋdye nan kak i loki na mere lojo parik, a nan iŋge met kadijik nagon meta gwoso köji diruŋdya köyö ni.

Ejikele 43:3

A ŋo na met nan köyö i töili kune gwe gwoso na met nan na pöri nye i tukaŋu na köji nu, ko gwoso ŋo na met nan köyö i töili nyona ko kare Kebar kunu; a nan ’dorone kak rupu.

Ejikele 8:3

A lepeŋ riuŋdye lele ŋo gwoso könin a morgi nan i kupir ti kwe, a mulokötyo lo po ko Ŋun ’dokoddi nan i wöli na ki ko kak, a nan meddi kulya ti ŊUN köyö i töili meta gwoso nye a joŋ nan Yerusalema. A lepeŋ togwi ’dikiŋdye nan kak i lupet na kötumit na lupörikin i ’baŋ lo lukata lo kadi na ŊUN, lo diraddu i swot lo lobot, i pirit na gwo ’di ’e nyömue yinet logon totowoŋa lo.

Osea 12:10

Nan a jambu ko nebijin; nan köju lo kweja kulya jore na popo, a nan iŋge jambu lilimön ko nebijin i kutusen.

Yoele 2:28

A mo gwe sona i mukok na kine kulya, adi nan mo ’bukökiŋdyo mulökötyo lio i ŋutu liŋ; a ŋwajik kasu lulyan se ko nawate mo keŋ keju, a ŋutu kasu muduŋin mo rudweni rudwe, a ŋutu kasu teton mo meddi kulya kase i töilyet.

Kenet 12:6

A nye kulyani adi, Yiŋge ta kulyaesi kwe. Ko ködyö nebi kata kasu kiden, a nan logon a MATAT tiŋdi mugun i dena ko lepeŋ i ŋo na memeta, a nan jambi ko nye i rudwe.

Kenet 4:3

suluja i se logon ko kiŋajin merya musala tojo ko kiŋajin merya mukanat, kweja adi ŋutu liŋ lo po i kita i kemia torumet kulo.

Matayo 17:9

A na luluruŋdye se kak i mere nu, a Yesu saŋi lepeŋat adi, An ta ko tukökin ta lele ŋuto kine kulya na met ta kine tojo nan Ŋuro lo ŋuto a toŋiyu i twan.

Matayo 3:16

a nagon Yesu aje batisa nu, ’de ’de a nye poŋdi kaŋo i piŋo kata, mete, a ki iŋge ŋaju, a nye meddi Mulökötyo lo Ŋun poŋdi gwoso gure a ’duki ko lepeŋ loki;

Marako 1:10

A nagon Yesu nyuŋ po kaŋo i pioŋ kata nu, a ’de ’de lepeŋ meddi ki a ŋaju a Mulökötyo Loke poŋdi kak kanyit loki gwoso gure.

Luka 3:21

A nagon ŋutu liŋ aje batisa nu, a Yesu köti lo batisani, a gwe i kwakwaddu, a ki ŋaji ŋaju,

Luka 3:23

A Yesu gwe ko kiŋajin gwoso merya musala na suluje nye kita nanyit nu. A ŋutu yeyeji adi lepeŋ a ŋuro lo Yosepa, ŋuro lo Eli,

Yoane 1:51

A nye kulyani ko lepeŋ adi, ’Diri ’diri nan takiŋdya ta adi ta mo memet ki i ŋaju ko malaikajin ti Ŋun i tu ki ko i po kak köyö i mugun, nan Ŋuro lo ŋuto.Budu yemet kata Kana yu

Konesi 10:11

a nye meddi ki a ŋaju, a nene ŋo a nagalaŋ gwoso boŋgo muket ’duruu kak. Ŋina boŋgo a leleyo goŋesi kanyit iŋwan a kölwene tojo ko kak.

Konesi 10:3

A i lele lor ko saa musala na koriri, a lepeŋ meddi kulya kanyit i töili, lepeŋ a met malaikatat lo Ŋun ’bura i lupuŋdyö ko lepeŋ ni, i luŋgu na lepeŋ adi, Kornelio!

Konesi 7:56

A lepeŋ kulyani adi, Mete ta, nan a meddya ki a ŋai, a Ŋuro lo ŋuto gwo ’de i konin lutaten lo Ŋun.

2 Korinto 12:1

Nan agu ködyö bu ’ya mugun, ma ’di ködyö ’bulit ’bayin. Nyena nan puputuru ŋerot i jambu na kulya nagon Matat a kwekin nan köyö i toili anyen nan memet se kune.

Kweyatti 19:11

A kirut nan meddi ki gwon ŋa; mete, a kusan nakwe gwe nyu, a nye lo si ’daki kanyit loki lo luŋuni a lo To ’diri ko a logon Ti löpuggö kwöŋ; lepeŋ ’duŋgö putet gwogwo, a möröni gor ko torigwo.

Kweyatti 4:1

A i mukok na ŋina, a nan meddi adi kötumit a ŋai ki yu; a gworo lo yiŋ nan a kokwe logon woŋon gwoso buruŋ i lo luŋgi nan adi, Poŋdi ki ni, a nan de kwekiŋdye do po nagon agu ködyö pupukun i mukok na kine po.