Shikushimikila 8:1 - Baibo Busansulushi Bwa Libuku Ili

¹ Ngani uli anga ngumusongo? Ngani weenga weshiba kusansulula shintu shoonse? Busongo bulalengesha muntu kusangalala alimwi bulamana mikonya pameenso akwe.

Shikushimikila 8:1 Iomraidhean Croise

Matalikilo 40:8

Bakakumbula ayi, “Soonse sobilo twaloota, ono taaku kuno weenga wapandulula nsheshaamba shiloto isho.” Josefu wakaamba ayi, “NguLesa upa busongo bwakupandulula shiloto. Amundwiite shiloto shanu.”

Jobo 33:23

“Cimwi ciindi kulamupolela munjelo kwisa mukumucafwaako, ee, munjelo kuswa pamakoto amakoto a baanjelo bakwe Lesa, kwisa mukumwiibalushako shintu shiluleme nshaaelete kucita.

Kulonga 34:35

Abalo bantu ndibakalinga kubona ayi ciwa cakwe citoobala, wakalinga kucibooshaawo cisani kushikila ciindi ico ncaakalinga kuya mukwaamba aMwaami Lesa.

Tushimpi 1:6

kwaamba ayi banyumfwishe tushimpi ashikoshanyo alimwi akunyumfwisha myaambo atulabi twa basongo.

Tushimpi 12:8

Na muntu ulicite busongo, bantu balamulumbaisha, sombi na muntu taacite maano, bantu balamusebaanya.

Tushimpi 17:24

Muntu ucite maano akunyumfwisha shintu ulashinkamanabo kucita shabusongo, sombi muluya ulaya bupulumpuntabo cishi coonse.

Tushimpi 21:29

Bamucita shibi baleelesha kubonesha ayi balicite nkusu shakucita shoonse, sombi baluleme balataanguna kuyeeya pamicito yabo,

Tushimpi 24:5

Musongo ulicite nkusu shiinji, muntu ucite lushibo uleendaawo nkusu.

Danyelo 2:22

Ulayubulwita shintu shishisitwe. Ulishi shintu shoonse shili mumunshinshe, alimwi lakwe ulekala mumumuni.

Danyelo 2:47

Kuswawaawo mwaami Nebukadinesa wakaambila Danyelo ayi, “Ndushinisho Lesa wako nguLesa wa balesa, nguMwaami wa bamaami alimwi nguLesa uyubulula shishisitwe. Ndaamba boobo ceebo wacikonsha kunjubulwita shishisitwe ishi.”

Mateyo 17:2

Mpomunyaawo mubili wakwe Jesu wakasanduka pameenso abo. Ciwa cakwe cakabala anga ndisuba ashalo shakufwala shakwe shakaboolabo tuu.

Milimo ya Batumwi 4:13

Ono boomboloshi ndibakabona ayi Pita aJoni bakalinga kwaamba cakubula boowa, bakakankamana abuumbi ceebo bakeshiba ayi tebakalinga kwiiteewo, bakalinga bantubo. Mpeeke bakeshiba ayi bakekala bunene aJesu.

Milimo ya Batumwi 4:29

Ono bulya Nkambo, amubone mbobatukonga. Anu amutupe nkusu swebo sobasebenshi banu ayi tushimikile maswi anu cakubula boowa.

Milimo ya Batumwi 6:15

Mpomunyaawo boonse boomboloshi bakalangilishisha Sitifini, lyalo bakabona ciwa cakwe kaciboneka anga nca munjelo.

Bene Loma 13:5

Paceebo ceeco ulyeelete kunyumfwila beendeleshi, kuteshibo ceebo ca bukali bwakwe Lesa, sombi ayi mukwiinga mumoyo wako ulishi ayi mboweelete kucita ubo.

Bene Efeso 6:19

Anebo kamumpaililaako kwaamba ayi andwiite maswi ngoonjelete kwaamba pakushimikila, ayi nshibishe bantu isho shakalinga kushisitwe paMakani Abotu cakutaloonda.

Dutolonomi 28:50

Balaakunooli bakali alimwi batacite nkumbu kubacembele nabi banike boonse.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

2 Pita 1:20

Sombi cinene ncemweelete kwishiba ncakwaamba ayi taaku muntu weenga wasansulula maswi a balaluki bakulukulu ali muMalembo akwe Lesa palwaakwe mwiine.