Shikushimikila 7:1 - Baibo Busansulushi Bwa Libuku Ili

¹ Mpuwo ibotu ileenda pamafuta anunkila kabotu, abushiku bwakufwa mbubotu kwiinda bushiku bwakushalwa.

Shikushimikila 7:1 Iomraidhean Croise

Jobo 3:17

Kushuumbwe bantu babiibi tabapenshi babyaabo alimwi uko bantu balemenetwe nkobookeshesha.

Kulumbaisha 133:2

Buli anga ngamafuta amakwebo ayo atilwa pamutwi wakwe Aloni, mafuta ayo anunkila ndyaakukunkila kundesu shakwe, kuya mukushika akunteneshi ya mungaanjo wakwe.

Tushimpi 15:30

Ciinso cisekaseka cilasangalasha kumoyo, aalo makani abotu alakalika moyo.

Tushimpi 22:1

Ncibotu kuba ampuuwo ibotu kwiinda kuba abubile buunji. Kulemekwa nkubotu kwiinda silifa nabi golodi.

Tushimpi 25:10

Ceebo bantu boonse inga beshiba ayi tookaliki makani mucaamba cako, lyalo mpuwo yako ibiibi teshi ikamaneewo, sobwe.

Tushimpi 27:9

Mafuta anunkila kabotu abweema bukondelesha shilasangalasha moyo wa muntu, mbweeke ubo mbocinyumfwika kupandwa maano kumuntu ngoosunenaankwe.

Shikushimikila 10:1

Baloonshi bafwite balalengesha mafuta anunkila, kununka cibiibi. Mbweeke ubo abuluya nabuceyi bulakoma busongo abulemu.

Shikushimikila 4:2

Lyalo ndakaamba ayi abo bakafwa kale bali kabotu kwiinda batana kufwa.

Shikushimikila 7:8

Kumana kwa cintu cili coonse nkubotu kwiinda matalikilo a ncico. Kukomenya moyo nkubotu kwiinda kulisumpula.

Lwiimbo lwakwe Solomoni 1:3

Bweema bwa mafuta ako anunkila kabotu bulasangalasha abuumbi. Liina lyako lilanjibalusha mafuta ako anunkila kabotu. Anu nceceeco bamyooye ncebakusunini!

Lwiimbo lwakwe Solomoni 4:10

Omweensuma, onabwiinga wangu, lusuno lwako lulankonda abuumbi lusuno lwako luleenda waini kubota. Kununkila kwa mafuta ako kuleenda tununkila kabotu mubuyani!

Isaya 56:5

balaakunookwiibalukwa kwaciindi cilaamfu muŊanda yangu apakati ka bantu bangu kwiinda mbobalinga kweelete kwiibalukwa na kabacite baana. Ndaakubapa liina litakoonshi kulobeshekwa.”

Jona 4:3

Ono noBaami baLesa, amuncayebo. Ceebo ncibotu kwaamba ayi mfwe kwiinda kunooli muumi.”

Luka 10:20

Sombi mutasangalali kwaamba ayi bashikaswa batoomunyumfwila, anu amusangalale mukwiinga meena anu alilembetwe kwiculu.”

Joni 13:2

Jesu abashikwiiya bakwe ndibakalinga kulya mulalilo, Mubiibi wakalinga wabika kale muyeeyo muli Judasi, mwanaakwe Simoni Isikalyoti, wakaaba Jesu kubalwani.

2 Bene Kolinto 5:1

Mubili ngotucite bulya uli anga ninkunka. Ono tulishi kwaamba ayi nkunka iyi yaakunyonyoolwa, tulaakwikala muŋanda yakatubambila Lesa kwiculu, ŋanda iyo teekwe kuyakwa amuntu alimwi njamuyayaya.

2 Bene Kolinto 5:8

Ncakwiila tatucite boowa, ono ncetusuni bunene ncakwaamba ayi tuswe mumubili uno akuya mukwikala aMwaami.

Bene Ebulu 11:2

Ceebo ca lushomo lwa bamashali besu bakulukulu, Lesa wakakondwa muli mbabo.

Bene Ebulu 11:39

Bantu boonse aba, Lesa wakababanda bululami ceebo ca lushomo lwabo! Nakubi boobo tabakwe kutambula sheesho Lesa nshaakashomesha

Ciyubululo 14:13

Lyalo ndakanyumfwa liswi kuswa kwiculu lyakwaamba ayi, “Ulembe ayi, Balicite coolwe abo beshi bakafwite mumulimo wa Mwaami kuswa sunu!” Mushimu Usalashi wakakumbula ayi, “Ncakwiila balicite coolwe! Balaakookesha kuswa kumilimo yabo iyumu mukwiinga micito yabo ilabakonkela.”

Lute 3:14

Lyalo Lute wakoona palya kumyeendo yakwe. Sombi wakabuka kapatana kutuba bunene kwaamba ayi bantu batamuboni ceebo Bowasi taakalinga kusuni muntu uli woonse kwishiba ayi walinga kulete waawo.