Shikushimikila 6:3 - Baibo Busansulushi Bwa Libuku Ili

³ Muntu ulakonsha kuba abaana bali mwaanda akwikala myaaka iinji. Sombi na wabula kusangalala mukuswitilila kwakwe nabi na wabula kulilwa kabotu, nebo ndaamba ayi kafunga nkabotu kwiinda nguwe.

Shikushimikila 6:3 Iomraidhean Croise

Matalikilo 33:5

Esau ndyaakacebooka akubona balutundu alimwi abaana wakeepusha ayi, “Mbaani bantu aba mbooli abo?” Jakobo wakakumbula ayi, “Nkambo, aba mbaana abo Lesa mbwaakampa ceebo ca luse lwakwe.”

Matalikilo 47:9

Jakobo wakakumbula ayi, “Buumi bwangu bwakutekala pantu pomwi bwatola myaaka ili 130. Myaaka iyo yanceyela alimwi yalinga iyumu, buteshi bwakalinga kulaampa myaaka ya bashali bangu bakulukulu mukutekala pantu pomwi kwabo.”

2 Baami 10:1

Ciindi ico kwakalinga bamulunyungu lwakwe Aabu bali makumi osanwe aobilo bakalinga kwikala mundabala ya Samaliya. Jewu wakalemba makalata akwaatuma kubamatanjilili ba mundabala, bamaloba alimwi akubeshikulama bamulunyungu lwakwe Aabu. Makalata ayo akalembwa ayi,

2 Baami 9:35

Sombi basankwa abo bakaya mukumubika bakacanakobo shifuwa sha kumutwi, alimwi ashifuwa sha kumaansa asha kushimpanta shakwe.

1 Makani 28:5

Mwaami Lesa wakampa baana basankwa baanji. Kuswa pali mbabo wakasala Solomoni kwaamba ayi akalele cishi ca Isilaeli, bwaami bwa Mwaami Lesa.

2 Makani 11:21

Pantu pomwi wakalinga kweebete banakashi bali 18 kubikaawo abakasuwa bali 60. Wakashala baana basankwa bali 28 kubikaawo abaana banakashi bali 60. Pakati ka bamakaakwe boonse aba alimwi abakasuwa bakwe, Maaka ngwaakalinga kusunishi.

Esita 5:11

Mpeeke wakatalika kulyuuma mucaamba pabubile mbwaakalinga kucite, pabana bakwe basankwa baanji, panshila shoonse mwaami nshaakamulemekelaamo alimwi amwaami mbwaakamusumpula kwiinda bacinenenene bakwe bamwi boonse.

Esita 7:10

Aboobo Amani wakaangililwa pashisamu isho nshaakashimpikila Modekayi. Lyalo abukali bwa mwaami mpobwakamanina.

Jobo 3:11

“Anu nshina kufwitanshibo ndindakalinga kushalwa? Nshina kufwitanshi ndindakalinga kuswa mumala muli bama?

Jobo 3:16

Ceebonshi nshikwe kubikwa mbuli kafunga, ee, mbuli kateta utana kubonawo kale lisuba?

Kulumbaisha 58:8

Ababebo anga ninkumbakumba iya cisunguluka pakweenda, nabi anga nkafunga kashalwa, sombi cakutabonawo lisuba.

Tushimpi 17:6

Bashikulu ngomushini wa bacembele abwalo bulemu bwa baana, mbamashali babo.

Shikushimikila 4:3

Sombi mubotu kwiinda boonse bobilo ngooyo utana kushalwa ee, ngumuntu utana kubonawo bubi bucitwa pacishi ca panshi.

Shikushimikila 6:4

Kafunga kaleendililabo mumunshinshe. Uko kalaya mukulubwa.

Jelemiya 22:19

Ulaakufukilwabo anga nimbongolo, nkokwaamba ayi ulaakukwelwa akusowelwa pansengwe lya minjililo ya Jelusalemu.”

Jelemiya 36:30

Paceebo ceeco, Mwaami Lesa utokwaamba kuli ndiwe Jeoiyakimu mwaami wa bene Juda ayi webo teshi ukabewo amuntu weshi akekale pacuuna ca bwaami bwakwe Defedi. Mutuntu wako ulaakusowekwa akunoobalilwa lumwi, acaandwa ciindi ca mashiku.

Jelemiya 8:2

Alaakubikwabo patuba akanoobalilwabo lumwi, mweenshi anyenyeenshi shoonse sha mwiculu isho nshebakalinga kusuni, kusebensela, kwiipushako akulambila. Teshi bakaabunjikeewo nabi kwaafukila. Sombi alaakubabo anga ngamatombe apantantaala peculu lya nshi.

Mateyo 26:24

MwanaaMuntu utooya kulufu kweelana ambokulembetwe, sombi mapensho kuli wooyo muntu utoomwaaba! Naakwiinga cakabotabo akutashalwa muntu uyu.”