Shikushimikila 4:8 - Baibo Busansulushi Bwa Libuku Ili

⁸ Kwakalinga musankwa uyo wakalingabo eenka. Taakalinga kucitewo mwaana musankwa nabi mukwabo. Wakalinga kusebensa cakutookeshaawo, nakubi boobo taakwe kukondwa abubile ubo mbwaakalinga kucite. Wakeepusha ayi, “Ino ngani ngoontoosebensela? Ino ceebonshi ntoolikasha kusangalala?” Ici acalo taaku mbocibete, ee, uku nkupengelabo kapongo kafwite!

Shikushimikila 4:8 Iomraidhean Croise

Matalikilo 2:18

Ono Mwaami Lesa wakaamba ayi, “Tacibete kabotu musankwa kwikala eenka. Ntoomupangila shikumucafwa umweelete.”

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Kulumbaisha 39:7

Ono noBaami baLesa, inga ndalangilanshi acimwi? Nebo kulangila kwangu kuli muli ndimwe.

Tushimpi 27:20

Lufu akunyonyoola tashikutiiwo, mbweeke ubo aalo meenso taakuti.

Shikushimikila 1:13

Ndakalyaaba kwaamba ayi njiye akwishiba kwiinda mubusongo shintu shoonse shicitika pacishi ca panshi. Maawe walema mukuli uyo ngwaakatupa Lesa!

Shikushimikila 1:8

Shintu shoonse shilalemya, ee, kulemya uko kutakoonshi kwaambwa akwaambwa. Liinso talileemi kubona, akwalo kutwi takuleemi kunyumfwa.

Shikushimikila 2:21

Muntu ulakonsha kucita shintu cabusongo, lushibo alimwi cabuuya, sombi shoonse isho ulashishiilabo muntu umwi utakwe kushisebensela. Ici acalo taaku mbocibete alimwi ncilubo.

Shikushimikila 2:23

Nshiku shakwe shoonse milimo ilaleta kulisukama amapensho. Ncakwiila nabi mashiku miyeeyo yakwe tayookeshiiwo, sobwe. Ici acalo taaku mbocibete.

Shikushimikila 4:7

Ndakabona alimwi cintu cimwi citaaku mbocibete pacishi ca panshi.

Shikushimikila 5:10

Uyo woonse usuni maali teshi akacanewo ngweenga waamba ayi afula. Uyo woonse usunishi buboni teshi akacanewo mbweshi akaambe ayi bwafula. Ici acalo taaku mbocibete.

Shikushimikila 5:9

Balimi boonse balabwesaako shiswa mumyuunda yabo sombi ngumwaamibo ubona mpindu ya myuunda iyo.

Isaya 5:8

Mapensho kuli baabo batoonungilako maanda kumaandaabo akunungilako myuunda kumyuunda yabo. Ee, cakwaamba ayi musena woonse wamana, mpeeke mukekale nweenka mucishi umo.

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Mateyo 11:28

“Amwise kuli ndime mwebo noonse nomushiite, nomwalemenwa, nebo ntoomupa kookesha.

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

1 Joni 2:16

Mukwiinga shoonse sha mucishi ca panshi, nkokwaamba ayi isho mubili nshookumbwa, shoonse bantu nshebakumbwa na bashibona alimwi asheesho shoonse shilengesha bantu kulisumpula, tashiswi kuli Ishiwesu, sombi shilaswa mucishi ca panshi.