Shikushimikila 4:1 - Baibo Busansulushi Bwa Libuku Ili

¹ Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Shikushimikila 4:1 Iomraidhean Croise

Jobo 16:4

Nemwalinga ndime, nebo kaandi ndimwe, naakwiinga anebo ndalinga kwaamba shoonse nshemutokwaamba. Ncakwiila naakwiinga ntoopukumunabo mutwi pali ndimwe akwaamba maswi aanji akumushinina.

Jobo 35:9

“Bantu na balyatililwa balatama. Balatamina umwi ayi abapulusheeko kubeshinkusu.

Jobo 6:29

Amunyumfwile nkumbu akucileka koombolosha cakutalulama. Mutampi mulandu ceebo taaku ncendakabisha.

Jobo 9:24

Cishi na capekwa mumaansa abantu babiibi, Lesa ulacala meenso a boomboloshi ayi bataboni. Ono na teshi nguwe wakacicita, ingayi ngani weenga wacita boobo?

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 142:4

Amulange kulyaansa lyangu lyalulyo, mutoobona ayi taakuuwo nabi womwi umbikaako maano. Ndushinisho taaku nkweenga ndaya mukuyuba. Taaku utoolama buumi bwangu.

Kulumbaisha 142:5

NoBaami baLesa, ndamulilila ayi muncaafwe. Ndaamba ayi, “Ndimwe ciyubilo cangu, ndimwe buboni bwangu boonse mubuumi bwangu buno.”

Kulumbaisha 42:3

Minsonshi yacita kuba anga ncecakulya cangu malumwi amashiku. Abalo bantu baliciteko kuntonta ayi, “Anu Lesa wako uli kuli?”

Kulumbaisha 42:9

Ndeepusha Lesa, mwaandami wangu ayi, “Ceebonshi mwandubaako? Ino nceebonshi nceshi nokweendabo alyaansa munshingo ceebo ca kulyatililwa kubalwani bangu?”

Kulumbaisha 69:20

Matushi apensha moyo wangu abuumbi alimwi ndi mubuumba. Ndakalinga kulangila kunyumfwilwa nkumbu, sombi napaceyuubo. Ndakalinga kulangila kuyuminishikwa, sombi nakuceyuubo.

Kulumbaisha 69:21

Ndindakafwa nsala, bakampa shilula, Ndindakafwa nyotwa bakampa waini usasite.

Kulumbaisha 80:5

Buumba caba ncecakulya ncemubapa, minsonshi yaba ngomaanshi akunwa ngomubapeta munkomeshi inene.

Kulonga 1:16

“Pakunootumbusha banakashi bene Ebulu, na kwashalwa mwaana musankwa mulyeelete kumucaya, sombi na ngumwanakashi, nkumulekabo ayi akule.”

Kulonga 1:22

Kuswawaawo mwaami Falawo wakapa bantu ba mucishi cakwe boonse mulawo wakwaamba ayi, “Mwaana musankwa washalwa woonse wa bene Ebulu mulyeelete kuya mukumuwaala muMulonga wa Nailo. Sombi baana banakashi nkubalekabo ayi bakule.”

Tushimpi 19:7

Muntu mukandu ulanaamwa akubeshikamukowa bakwe. Ono balo babye baleendaawobo kumunaama. Nabi weelesha buyani kubakonkela cakulikombelesha, ndushinisho ulalemabo cakutabacanaawo.

Tushimpi 28:3

Muleli ulyatilila bakandu ulibo anga nimfula yamuuwo iwisha shishango.

Tushimpi 29:2

Na baluleme balela bantu boonse balasangalala, sombi na bamucita shibi balela bantu balatongooka.

Shikushimikila 3:16

Lyalo ndakabona cintu cimwi pacishi ca panshi. Pamusena wakoombolosheshaawo, bubi bwakalingaawo. Pamusena wakoombolosha cakutanyengelela, bubi bwakalingaawo.

Shikushimikila 5:8

Na waboona muntu mupenshi kaalyatililwa mucishi akumulita masuku pamutwi mushintu shoonse, utakankamani. Ceebo wacinenenene womwi uleendeleshekwa kuumwi umwiindaawo alimwi boonse bobilo aba kuli bacinenenene babeendelesha.

Shikushimikila 7:7

Kulyatilila kulakonsha kulengesha musongo kuba muluya. Akwalo kutambula makulo kulanyonyoola moyo wa muntu.

Shikushimikila 8:9

Ndakabona shintu isho shoonse ndindakayeeya shicitwa pacishi ca panshi. Kuli ciindi muntu ndyaatondesha nkusu nshaacite pabamwi akulicisa mwiine.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Isaya 51:23

Nkomeshi iyo ndaakwiipa baabo balinga kumupensha. Ee, abo bakalinga kumwaambila ayi, ‘Amoone akutandabala apa kwaamba ayi tunooya cilyata peculu.’ Ncakwiila misana yanu njeyakaba nje nshi, ee, yakaba anga ngomukwakwa wakwiindaawo.”

Isaya 59:7

Myeendo yabo njuubu abuumbi kweendela kucita bubi. Balicabeene abuumbi kuya mukucaya bantu batacite milandu. Miyeeyo yabo njibiibi cilensha boowa. Kunyonyoola abucayi nkokeshibilo ka nshila shabo.

Jelemiya 16:7

Teshi kukabeewo muntu shikupa shakulya bantu abo batoolila. Teshi kukabeewo shikuumusha nabi muntu wafwitwa baishi nabi banyina. Ncakwiila taaku weshi akabapewo shakunwa mukuboombulushaako.

Malilo 1:16

“Makani aya ngaanengesha kulila. Meenso angu atookunkabo minsonshi. Taaku ooli pafwaafwi kwaamba ayi aŋumbulusheeko nabi kwisa mukunjuminishako. Bantu bangu bacaala maansabo ceebo balwani bangu bankoma.

Malilo 1:17

“Nebo neSiyoni ndatambika maansaangu, sombi taaku nabi womwi usuni kuncafwa. Mwaami Lesa waanga mulasho wakwaamba ayi beshimukoboma babe balwani bangu. Nebo neJelusalemu ndaba musena utasalalite pakati kabo.

Malilo 1:2

Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Malilo 1:9

Matombe a njiyo alibo patuba, sombi yalo teekwe kuyeeyawo shakunembo. Kuwa kwa njiyo kwakakankamanisha, alimwi tekwakalinga nabi womwi wakuyumbulusha. Lyalo yakalila ayi, “NoBaami baLesa, amubone mapensho angu ceebo balwani bangu bankoma.”

Amosi 3:10

Mwaami Lesa waamba ayi, “Bantu abo balasusha malinga ashintu shakusaala. Tabacishi kucita shintu shiluleme, napaceyi.”

Amosi 3:9

Amwaambilishe kumalinga a ndabala ya Ashidodi akumalinga akucishi ca Ijipiti ayi, “Amubungane patulundu twa Samaliya. Amubone mapensho ali muli ncico akulyatililana kuli pakati ka bantu ba ncico.”

Malaki 2:13

Cintu cimwi ncemucita nkutontosha cipaililo ca Mwaami Lesa aminsonshi. Mulalila buumpute amibila mukwiinga ono Lesa ulasuula milambu yanu alimwi taitambuli cakukondwa.

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Mateyo 26:56

Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.

Dutolonomi 28:33

Bantu mbomuteshi mbweshi bakalye shakulya shanu shili anga ngamaila isho nsheshi mukapengele, sombi mulaakunoonyengelelwabo akupenshekwa abuumbi lyoonsebo.

Dutolonomi 28:48

mulaakusebensela balwani abo Mwaami Lesa mbweshi akatume ayi bamulwaane. Mulaakubula cakulya, maanshi alimwi ashakufwala, taaku cintu nabi comwi nceshi mukabaaco. Mwaami Lesa ulaakumupensha abuumbi kushikila akamunyonyoole.

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.

Boomboloshi 4:3

Mwaami Jabini uyo wakalinga kucite shikoci sha nshimbi shili 900 alimwi wakalinga kweendelesha bene Isilaeli calunkutwe kwamyaaka makumi obilo. Paceebo ceeci bene Isilaeli bakalilila Mwaami Lesa ayi abacaafwe.