Shikushimikila 3:7 - Baibo Busansulushi Bwa Libuku Ili

⁷ Kuli ciindi cakukwamuna aciindi cakutunga. Kuli ciindi cakukutumana aciindi cakwaamba.

Shikushimikila 3:7 Iomraidhean Croise

Matalikilo 37:29

Lubeni ndyaakaboola pamukalo uyo akucana Josefu taamo, wakakwamoona shakufwala shakwe mubuumba.

Matalikilo 37:34

Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu.

Matalikilo 44:18

Mpomunyaawo Juda wakaya kuli Josefu akwaamba ayi, “Nkambo ndaseenga ayi munsuminishe kwaamba ayi mbandikaanu cakwaanguluka mutakalali. Mwebo cilyeelenebo amwaami mwiine.

Matalikilo 44:34

Anu inga ndaya buyani kuli bata na ndabula kuya amwanike uyu? Taakuuwo. Nshisuni kubona bata mbweshi bakoongumane abuumba bweshi bukashike pali mbabo.”

2 Samwelo 1:11

Mpomunyaawo Defedi abashilumamba bakwe boonse bakakwamoona shakufwala shabo kubuumba.

2 Samwelo 3:31

Lyalo Defedi wakaambila Joabu abantu boonse mbwaakalingaabo ayi, “Amukwamoone shakufwala shanu, mufwale masaka munooya cilila kunembo lyakwe Abina.” Mwiine mwaami Defedi wakalinga kuya cilila pesule lya libokoshi.

1 Baami 21:27

Ono Elija ndyaakamana kwaamba, Aabu wakakwamoona shakufwala shakwe akufwala masaka. Wakalikasha kulya akutalika koonabo mumasaka alimwi kaaenda kaaungumene alimwi cabuumba.

2 Baami 18:36

Sombi bantu bakoomunabo tontolo bweenka mwaami Esekiya mbwaakabaambila. Tabakwe kwaambaawo nabibo liswi.

2 Baami 5:7

Ono mwaami wa bene Isilaeli ndyaakabelenga nkalata iyo, wakakwamoona shakufwala shakwe akoolobesha ayi, “Sa nebo ndime Lesa? Sa inga ndacaya akubusha kuswa kubafu? Ceebonshi mwaami wa bene Silya ncaatumina muntu uyu ayi nshilike bulwashi bwakwe bwa manata? Ono mwalibonena ayi ulisunibo pakunsumwita!”

2 Baami 6:30

Mwaami ndyaakanyumfwa makani ayo, wakakwamoona mungaanjo wakwe. Bantu bakalinga pafwaafwi alubumbu bakabona ayi mwaami wakalinga kufwete masaka mukati ka mungaanjo wakwe.

Esita 7:4

Nebo abene misheesu twakoolishikwa kwaamba ayi tunyonyoolwe, tucaikwe akulobeshekwa. Necalinga cakwaamba ayi nkuulishikwa ayi tube basha, naakwiinga ndoomunabo, kutamupenshaawo pacikani ici.”

Jobo 2:13

Mpeeke bakekala panshi anguwe kwanshiku shosanwe ashobilo. Taaku nabi womwi wakalinga kubandika ceebo bakabona kukomena kwa mapensho ngaakalingaamo.

Kulumbaisha 39:2

Nebo ndakalinga kunokuumwite cakutaambaawo nabi comwi. Nakubi boobo mapensho angu akeendaawo kufula.

Shikushimikila 3:6

Kuli ciindi cakuyandoola aciindi cakucileka. Kuli ciindi cakusunga aciindi cakusowa.

Isaya 36:21

Sombi bantu bakoomunabo tontolo bweenka mwaami Esekiya mbwaakabaambila. Tabakwe kwaambaawo nabibo liswi.

Jelemiya 36:24

Nabi mwaami abacinenenene bakwe boonse abo bakanyumfwa maswi oonse aya tabakwe kuloondaawo nabi kukwamoona shakufwala shabo kutondesha ayi bali mubuumba, sobwe.

Jelemiya 8:14

Bantu bakwe Lesa bakeepusha ayi, “Ino nciinshi ncetushiitile waano? Atubungane pomwi, twamana tucicile kumandabala acite malinga, tuye tufwite nkuko. Atucite boobo ceebo Mwaami Lesa, Lesa wesu watupa mulandu ayi tufwe akutupa maanshi akola ayi tunwe mukwiinga twakamubishisha.

Malilo 3:28

Muntu anoopenga, ekale eenka kaaumwite ceebo Mwaami Lesa ngowamunyamwisha lijoko ilyo.

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Amosi 5:13

Paceebo ceeco muntu ucite maano uloomunabo muciindi ca mushobo uyo mukwiinga nciindi nca bubi.

Amosi 8:3

Pabushiku ubo kwiimba kulaakuba kulila muŊanda yakwe Lesa. Mituntu ilaakubabo pali poonse. Ilaakusowekwa cakutayobeka. Nebo neMwaami Lesa Shinkusu shoonse ndaamba.”

Mika 7:5

Utashomi shikamukobonyoko. Utaciinki manungo mumubyo nabi kushoma bunene mukaako. Kocenjela amakani ngootokwaamba

Milimo ya Batumwi 4:20

Mukwiinga swebo inga tatucilekiiwo kwaamba shintu nshetwakalinga kubona akunyumfwa sobeene.”

Milimo ya Batumwi 9:39

Mpomunyaawo Pita wakalibambila akuyaabo. Ndyaakashika, bakamutola mucipinda ca peculu umo bamukalubinje banakashi mobakamushinguluka kabalila. Lyalo bakatalika kumubonesha minjila ashakufwala sha peculu shakatunga Dokasi kaacili muumi.

1 Samwelo 10:16

Saulo wakakumbula ayi, “Wakatulwiita ayi shacanika kale.” Saulo wakeelabo waawo nkokwaamba ayi taakwe kulwiita bashimishaabo cikani cakuba mwaami kwakwe.