Shikushimikila 3:3 - Baibo Busansulushi Bwa Libuku Ili

³ Kuli ciindi cakucaya aciindi cakushilika. Kuli ciindi cakumwaya aciindi cakuyaka.

Shikushimikila 3:3 Iomraidhean Croise

Matalikilo 9:6

Muntu wakalengwa mucikoshanyo cangu, aboobo muntu uli woonse ucaya umwi, alakwe muntunyina ulaakumucaya.

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Isaya 6:10

Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”

Jelemiya 1:10

Sunu ndakupa nkusu pamishobo yoonse apamalelo oonse, nkusu shakushula akumwayoola, kunyonyoola akukoma, kuyaka akushanga.”

Jelemiya 31:28

Bweenka mbuli mbondakabikako maano kubatumuna, kubapwayoola, kubakoma, kubanyonyoola akubapumununa, mbweeke ubo mbweshi nkabikeko maano kubashanga akubayaka alimwi.

Jelemiya 33:6

“ ‘Nakubi boobo, ndaakushilika ndabala inene ino abantu bekalaamo akubalengesha kuba abuumi bubotu alimwi. Ndaakubatondesha luumuno luunji akubalengesha kwikala cakubula kulisukama.

Jelemiya 45:4

“Nebo neMwaami Lesa ndaamba ayi, ‘Ndaakumwaya nshendakayaka akutumuna sheesho nshendakashanga mucishi coonse ca panshi.

Esekelo 13:14

Ndaakumwaya lubumbu ulo ndomwakashingula abulongo butuba. Ndaakulupalanganya cakwaamba ayi alwiimbi lulaakucaalabo patuba. Na lukawe, amwebo mulaakunyonyoolwa andulo. Lyalo ndyeshi mukeshibe ayi nebo ndi Mwaami Lesa.’

Agayi 1:2

Mwaami Lesa Shinkusu shoonse wakaamba ayi, “Bantu aba batokwaamba ayi, ‘Ciindi cino tacishi ciindi cakuyakulula Ŋanda yakwe Lesa.’ ”

Agayi 1:4

“Mwebo nobantu bangu, inga kamwikala buyani mumaandaanu ngomwakayaka kabotu, sombi Ŋanda yangu keelibo matongo?

Sekaliya 1:12

Mpeeke munjelo wa Mwaami Lesa wakaamba ayi, “NoBaami baLesa Beshinkusu shoonse, mwakakalalila bene Jelusalemu aba mumandabala a muJuda mumyaaka ili 70. Ino mulaakubafwita lili nkumbu?”

Dutolonomi 32:39

“ ‘Nebo neenka, ndime Lesa. Taaku Lesa aumwi kwiinda ndime. Ndacaya akupa buumi, ndacisa akushilika. Taaku weenga wakasha nceensuni kucita.

1 Samwelo 2:25

Muntu na wabishisha muntunyina, Lesa inga wamucafwa. Ono na muntu wabishisha Mwaami Lesa, ngani weenga wamwiimikanina?” Nakubi boobo tabakwe kunyumfwila baishiwabo ceebo Mwaami Lesa wakalinga wacibamba kale ayi bafwe.

1 Samwelo 2:6

Mwaami Lesa ngooleta lufu akupa buumi. Ulatuma bantu kumusena wa bafu akubapilusha kubuumi.