Shikushimikila 2:8 - Baibo Busansulushi Bwa Libuku Ili

⁸ Ndakalifushisha silifa agolodi kuswa mushishi shimwi nshendakalinga kulela. Ndakalinga kucite beshikwiimba basankwa abanakashi alimwi ndakalinga kucite abanakashi baanji abo bakalinga kunsangalasha.

Shikushimikila 2:8 Iomraidhean Croise

2 Samwelo 19:35

Amubone nebo ndicite kale myaaka ili 80 alimwi taaku acicimbotela. Nsheendya nabi nsheenwa shoonse nshishinyumfwiiwo akubota mukanwa lyangu, alimwi nabi beshikwiimba batokwiimba mbuli waawa, nshinyumfwiiwo maswi abo. Ncakwiila inga ndaya mukumupenshabo nobaami bangu.

1 Baami 10:10

Mpeeke wakapa mwaami Solomoni shipo isho nshaakaleta. Wakamupa makilogilamu a golodi ali 4,000 akuya peculu pantu pomwi atununkila kabotu mubuyani ashakulibotesha shamakwebo. Mweelo wa tununkila kabotu uto twakamupa mwaami mwanakashi wa kuShiba, wakeendaawo kukomena pawooyo wa tooto ntwaakatambulaawo kale.

1 Baami 10:14

Golodi Solomoni ngwaakalinga kutambula pamwaaka amwaaka wakalinga kushika kumakilogilamu ali 23,000,

1 Baami 10:21

Nkomeshi shoonse shakwe Solomoni shakapangwa a golodi. Mbale shoonse shakalinga kubikwa muCipinda ca Musaansa wa Lebanoni shakapangwa agolodi wiine wiine. Taaku shakapangwawo asilifa mukwiinga ciindi ico cakwe Solomoni silifa teyakalinga kucite makwebo.

1 Baami 11:3

Solomoni wakeeba banaabaami bali 700 alimwi wakalinga kucite bakasuwa bali 300. Banakashi abo bakamulengesha kwaamba ayi ashiye nshila yakwe Lesa.

1 Baami 14:27

Mukuboosheshaawo, mwaami Leoboamu wakapanga mayawo amwi a bulonse akwaabika mumaansa a bamatanjilili ba beshikulindilila kuminjililo ya kuŋanda ya bwaami.

1 Baami 9:14

Golodi Ilamu ngwaatuma kuli Solomoni woonse wakakwanisha makilogilamu ali 4,000 akuya peculu.

1 Baami 9:28

Bakeenda kuya kucishi ca Ofi, akuleta makilogilamu ali 14,000 a golodi kumwaami Solomoni.

1 Makani 25:1

Mwaami Defedi abacinenenene ba Ŋanda yakwe Lesa bakasala cipani cakwe Asafu, Emani acakwe Jedutuni pakati ka bene Lefi kutanjilila mulimo wakulambila Mwaami Lesa. Bakasalwa ayi banokwiimba shabulaluki mukusebensesha tulumbu tunene atuniini alimwi atusenke twakulisha. Meena a bantu aba ngaaya:

1 Makani 25:6

Bana bakwe boonse bakalinga kutanjililwa abamashali babo basankwa mukulisha tusenke atulumbu tunene atuniini pakulambila muŊanda yakwe Lesa. Asafu, Jedutuni alimwi aEmani balo bakalinga kutanjililwa amwaami Defedi.

2 Makani 9:11

Solomoni wakasebensesha shisamu isho kupanga matantilo a muŊanda yakwe Lesa alimwi aŋanda yakwe. Wakashisebensesha akupanga tulumbu tunene atuniini twakulisha beshikwiimba. Taaku wakabonaawo kale shintu shakalinga shibotu mbuli sheesho mucishi ca Juda.

Esila 2:65

Basebenshi babo basankwa abanakashi bakalinga 7,337, alimwi abeshikwiimba bakalinga 200 basankwa abanakashi.

Shikushimikila 1:2

Wakaamba ayi, “Taaku mboshibete! Taaku mboshibete! Ncakwiila taaku mboshibete! Shintu shoonsebo taaku mboshibete.”

Danyelo 3:15

Ono bulya na mukanyumfwe mapeenga, pesule mukanyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mukafukame akulambila cibumbwabumbwa. Ono na mukabule kucita boobo, ciindi ceenka ico mulaakuwaalwa mumunyumbi mutoonyaka mulilo uyoosha. Sa mutooyeeya ayi kuli lesa weshi akamupulushe kuswa mumaansaangu?”

Danyelo 3:5

Na munyumfwe kulila kwa mapeenga, pesule munyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mulyeelete kufukama akulambila cibumbwabumbwa ca golodi cakeemika mwaami Nebukadinesa.

Danyelo 3:7

Lyalo ndibakanyumfwa kulila kwa mapeenga ashakulisha shimwi isho, bantu boonse bamumishobo yoonse, bashikanda shipusenepusene amumilaka yoonse bakafukama akulambila cibumbwabumbwa cakeemika mwaami Nebukadinesa.

Amosi 6:5

Mulisunibo kulisha nyimbo patulumbu bweenka bwakalinga kucita Defedi. Ncakwiila mulisunishi shakulishalisha akupanga nyimbo.