Shikushimikila 2:7 - Baibo Busansulushi Bwa Libuku Ili

⁷ Ndakoola basha basankwa abanakashi kubikaawo abasha bamwi bakashalilwa muŋanda yangu. Ndakalinga kucite ŋombe ambelele kwiinda bamaami bakataanguna kulela muJelusalemu.

Shikushimikila 2:7 Iomraidhean Croise

Matalikilo 13:2

Abulamu wakalinga mubile abuumbi mubanyama bafubwa alimwi asilifa agolodi.

Matalikilo 14:14

Abulamu ndyaakanyumfwa kwaamba ayi mwiicwa wakwe watolwa busha, wakabunganya basankwa beshikulwana pamisumba yakwe abo bakalinga kushika 318 boonse pantu pomwi. Mpeeke bakakonkela bamaami abo kuya mukushika akuDani.

Matalikilo 15:3

Tamukwe nkupaawo baana, aboobo womwi pabasha bangu ulaakubwesa buboni bwangu ndaakufwa.”

1 Baami 4:23

ŋombe likumi shilya shakulya sha mumankubala, ŋombe makumi obilo shilya mweemfu, mbelele mwaanda, kubikaako abakonse, shaambololo, bananja alimwi abayuni beenite.

2 Baami 3:4

Mesha mwaami wa bene Moabu wakalinga kusunga mbelele. Mwaaka womwi awomwi wakalinga kubenga twana twa mbelele tuli 100,000 abooya bwa mbelele shisankwa shili 100,000 ayi ngumusonko.

2 Makani 26:10

Wakayaka maanda alaamfu muluyanga acite malinga akukaba mikalo iinji. Wakacita boobo mukwiinga wakalinga kucite shifubwa shiinji mucishi ca tulundu ca kulubasu lwakumbo amumawesa. Ono ceebo cakwaamba ayi wakalinga kusuni kulima, wakayumyayumya bantu ayi banoolima myuunda ya minyansa mucishi ico ca tulundu akulima bulongo bwa mboleshi.

Esila 2:55

Ishi nsheshipani sha mumikowa ya basebenshi bakwe Solomoni bakapiluka kuswa mucishi ca busha. Sotayi, Asofeleti, Peluda,

Esila 2:58

Bamulunyungu lwa basebenshi ba muŊanda yakwe Lesa abamulunyungu lwa basebenshi bakwe Solomoni abo bakapiluka bakakumana 392.

Neyemiya 7:57

Meena a shipani sha mumikowa ya basebensh bakwe Solomoni bakapiluka kuswa mucishi ca busha ngaaya: Sotayi, Asofeleti, Peluda,

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

Jobo 42:12

Mwaami Lesa wakapa Jobo coolwe cinene abuumbi munshiku shakwe shakweelaako kwiinda munshiku shitaanshi sha buumi bwakwe. Wakaba ambelele shili 14,000, ngamela shili 6,000, basune bali 2,000 alimwi ambongolo shili 1,000.

Luka 12:45

Ono na musebenshi uyo waamba mumoyo wakwe ayi, ‘Mwaami wangu wacelwa kwisa,’ lyalo watalika kuuma basebenshinyina basankwa abanakashi alimwi akutalika kulya, kunwa akukolwa.