Shikushimikila 2:4 - Baibo Busansulushi Bwa Libuku Ili

⁴ Kuswawaawo ndakamanisha kucita milimo iinji. Ndakaliyakila maanda akulima myuunda ya minyansa.

Shikushimikila 2:4 Iomraidhean Croise

Matalikilo 11:4

Lyalo bakaamba ayi, “Ono atuyake ndabala inene acaanda cilaamfu cishika kwiculu, kwaamba ayi tupange liina, akwaamba ayi tutapalanganini mucishi ca panshi.”

2 Samwelo 18:18

Ono Abusalomu kaacili muumi wakayaka cintu cakwiibalukilwaawo muCinyika ca baMaami mukwiinga wakayeeya ayi, “Bulya mboontacitewo mwaana musankwa weenga wacaasha liina lyangu, lilaakuloba.” Cintu ico wakacitumba liina lyakwe alimwi abobulya ciciitwa ayi Cakwiibalukilwaawo cakwe Abusalomu.

1 Baami 15:19

“Atupangane bushicibusa bweenka bamashali besu mbobakacita. Silifa alimwi agolodi iyo ncipo kuli ndimwe. Ono amucileeke kunyumfwana amwaami Baasha mwine Isilaeli kwaamba ayi akushe bashilumamba bakwe mucishi cangu.”

1 Baami 9:1

Lyalo mwaami Solomoni ndyaakamanisha kuyaka Ŋanda yakwe Lesa aŋanda ya bwaami alimwi ashimwi shaakalinga kusuni kuyaka,

1 Makani 27:27

Shimeyi wa kuLama wakalinga kweendelesha myuunda ya minyansa. Sabudi wa kuShifamu wakalinga kweendelesha shakulama waini akuusunga.

2 Makani 26:10

Wakayaka maanda alaamfu muluyanga acite malinga akukaba mikalo iinji. Wakacita boobo mukwiinga wakalinga kucite shifubwa shiinji mucishi ca tulundu ca kulubasu lwakumbo amumawesa. Ono ceebo cakwaamba ayi wakalinga kusuni kulima, wakayumyayumya bantu ayi banoolima myuunda ya minyansa mucishi ico ca tulundu akulima bulongo bwa mboleshi.

2 Makani 8:11

Lyalo Solomoni wakaleta mwanaakwe Falawo mwanakashi kumukusha kuNdabala ya mwaami Defedi kumutola kuŋanda iyo njaakamuyakila mukwiinga wakaamba ayi, “Mukaangu taaelete kwikala muŋanda yakwe Defedi mwaami wa bene Isilaeli mukwiinga musena uli woonse Libokoshi lya Cipangano molyakeenda mulisalalite.”

Kulumbaisha 49:11

Shuumbwe shabo ngomaandaabo a lyoonse alyoonse, shilaakuba njemisena yabo yakwikalaamo kwamuyayaya nabi kakuli misena njebakatumba meenaabo.

Lwiimbo lwakwe Solomoni 1:14

Usunikwi wangu kuli ndime ngamaluba a ena aswa kumyuunda ya minyansa ya kuEni Gedi.

Lwiimbo lwakwe Solomoni 7:12

Katiya bwangu kumyuunda ya minyansa. Tiya tukabone na minyansa yasapula maluba, ee, tukabone na maluba atalika kufunguluka. Katiya tukabone na mapomegilaneti alicite maluba. Lyalo uko ndaakukutondesha lusuno lwangu.

Isaya 5:1

Ntokwiimbila wooyo ngoonsuni lwiimbo lwaamba pamuunda wakwe wa minyansa. Usunikwi wangu wakalinga kucite muunda wa minyansa, palubasu lwa kalundu pakalinga mboleshi.

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”