Biblia Todo Logo
Bìoball air-loidhne

- Sanasan -




Shikushimikila 2:10 - Baibo Busansulushi Bwa Libuku Ili

10 Shoonse nshendakalinga kusuni ndakashicana, Nshikwe kukaka kupa moyo wangu shakulisangalasha shili shoonse. Moyo wangu wakakondwa mumilimo yangu yoonse. Aboobo ici cakaba ncecilambu cakaswa mumilimo yangu.

Faic an caibideil Dèan lethbhreac




Shikushimikila 2:10
21 Iomraidhean Croise  

Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya.


Ono bana bakwe Lesa basankwa bakabona ayi banakashi abo mbabotu. Aboobo bakeeba baabo mbobakasala.


“Ndakapangana cipangano ameenso angu ayi teshi nkalangilishewo mwanakashi calunkumbwa.


Amunkaashe kubika maano kushintu shitacite ncito. Amumpe buumi kweelana amaswi anu.


Ulaakulya shisepo isho nshaasebensela. Ulaakupekwa coolwe amilimo yakwe ilaakuswitilila.


Bubile nabi wabucana mbwa ciindi ciniibo. Ndushinisho bulaakuba amapapaminwa akuuluka anga ngumumbankwashi.


Ocikula bwangu, kosangalala koocili mwanike. Moyo wako kaukupa kusangalala koocili cikula bwangu. Kokonkela ciyanda moyo wako alimwi acili coonse meenso ako ncaabona. Sombi koshiba ayi shintu shoonse ishi Lesa ulaakukoombolosha.


Mpeeke ndakayeeya ayi, “Taanguna njelesheewo shakulisangalasha kwaamba ayi nshibe cibotu.” Sombi acalo ico cakacanika ayi taaku mbocibete.


Ono pacishi ca panshi nimpindunshi iswa mukusebensa cankusu akulisukama?


Anu cintubo ciindaawo kubota muntu nceenga wacita nkulya, kunwa akusangalala musheesho nshaakayuwila. Ono ndaboona ayi ici acalo cilaswa kuli Lesa


Munshila iyo ndakabona ayi taaku cimwi ceenga ceendaawo kusangalasha muntu kwiinda milimo yakwe mukwiinga yalo ncecipo ncaakapekwa. Taaku muntu eshi akakonshe kwishiba sheshi shikacitike pesule lya lufu lwakwe.


Uyo woonse usuni maali teshi akacanewo ngweenga waamba ayi afula. Uyo woonse usunishi buboni teshi akacanewo mbweshi akaambe ayi bwafula. Ici acalo taaku mbocibete.


Nshiiku sha buumi bwakwe shoonse nsha mumunshinshe amubuumba, ee, mukulisukama, mumapensho alimwi amubukali.


Kuswawaawo ndakayeeya ayi cintubo ciindaawo kubota muntu nceenga wacita nkulya, kunwa akusangalala musheesho nshaakayuwila pacishi ca panshi panshiku shiniini sha buumi isho Lesa nshaamupa. Mukwiinga ico ncecipo ncaakapekwa.


Lesa ulapa muntu bubile, buboni alimwi abulemu, kwaamba ayi abe ashintu shoonse nshaasuni. Sombi Lesa taamuleeki kwaamba ayi asangalale muli nshisho. Muntu umwi ngweshi akasangalalileemo mumusena wakwe. Ici acalo taaku mbocibete. Mbubi bucisisha moyo.


Ncibotu kusangalala mucintu ciliiwo kwiinda kunookumbwa ncootacite. Acalo ici taaku mbocibete, cilibo anga nkutandaanya muuwo.


Anu bulya nebo ndashinisha kwaamba ayi muntu ulyeeletebo kusangalala mukwiinga taaku cibotu cicanika pano pacishi ca panshi kwiinda kulya, kunwa alimwi akusangalala. Na wacita boobo, ulaakunoosangalete mumilimo ya nshiku shoonse sha buumi bwakwe ubo Lesa mbwaakamupa pacishi ca panshi.


Lusuno lwabo, lupato alimwi amunyono, shoonse shakamana. Ncakwiila taaku nceshi bakabeeko lubasu alimwi mucishi cino ca panshi.


Sangalala mubuumi amukaako uyo ngoosuni munshiku shoonse sha buumi bwako ubo butaaku mbobubete alimwi ubo bwakakupa Lesa pacishi cino. Usangalale mubushiku bomwi abomwi ubo butaaku mbobubete ceebo ico ncecilambu cako ciswa mukuyuwaana kwako pano pacishi ca panshi.


Mukwiinga shoonse sha mucishi ca panshi, nkokwaamba ayi isho mubili nshookumbwa, shoonse bantu nshebakumbwa na bashibona alimwi asheesho shoonse shilengesha bantu kulisumpula, tashiswi kuli Ishiwesu, sombi shilaswa mucishi ca panshi.


Ono ndyaakaboolela kumishaabo wakaambila baishi abanyina ayi, “Ndakabona mwanakashi kuTimuna mwine Filisiti, mukaye mukanjebele.”


Lean sinn:

Sanasan


Sanasan