Shikushimikila 12:1 - Baibo Busansulushi Bwa Libuku Ili

¹ Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”

Shikushimikila 12:1 Iomraidhean Croise

Matalikilo 39:2

Mwaami Lesa wakalinga aJosefu alimwi wakamulengesha kuswitilila. Wakalinga kwikala muŋanda ya mwaami wakwe mwine Ijipiti,

Matalikilo 39:23

Ncakwiila shintolongo uyo taakalinga kubikaako amaano kushintu isho shakalinga kweendeleshekwa aJosefu mukwiinga Lesa wakalingaakwe. Ncakwiila wakalinga kumulengesha ayi abe ashoolwe mushintu shoonse nshaakalinga kucita.

2 Samwelo 19:35

Amubone nebo ndicite kale myaaka ili 80 alimwi taaku acicimbotela. Nsheendya nabi nsheenwa shoonse nshishinyumfwiiwo akubota mukanwa lyangu, alimwi nabi beshikwiimba batokwiimba mbuli waawa, nshinyumfwiiwo maswi abo. Ncakwiila inga ndaya mukumupenshabo nobaami bangu.

2 Samwelo 19:36

Nsheeleteewo kupekwa cilambu cinene mbuli ceeco. Aboobo ntoomushindikilabo mushinso uniini kuswa paMulonga wa Joodani.

1 Baami 14:13

Bene Isilaeli boonse balaakumulila akumufukila. Uyu ngomwanaakwe Jeloboamu eenkabo weshi akaliilwe kabotu mukwiinga ngomwaana wakakonda Mwaami Lesa, Lesa wa bene Isilaeli.

1 Baami 18:12

Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

Neyemiya 4:14

Ono ndindakabona kwaamba ayi bantu bapenga mumyoyo, ndakabambila pantu pomwi abamatanjilili babo alimwi abacinenenene ayi, “Mutaloondi balwani besu. Amwiibaluke Mwaami Lesa munene uyoosha. Amulwanine bene mishaanu, bana banu, bamakaanu alimwi amaandaanu.”

Jobo 30:2

Nshindakalinga kucite abo ncito ceebo bakalinga bamana nkusu.

Kulumbaisha 119:55

Mashiku ndamwiibaluka noBaami baLesa, alimwi ndakonkela milawo yanu.

Kulumbaisha 34:11

Amwise nobeensuma nomucikula mukutike, ntoomwiisha kuloonda Mwaami Lesa.

Kulumbaisha 63:6

Ndingona mubulo bwangu mulesa mumiyeeyo yangu, ndamuyeeya muciindi ca mashiku.

Kulumbaisha 90:10

Tulipetwe myaaka makumi osanwe aobilo pano nsengwe, nabi myaaka makumi osanwe aotatwe na katucicite nkusu. Sombi ciindi ici nca mapenshobo akulila. Buumi buleela cakufwambaana, lyalo tulafwa.

Tushimpi 22:6

Iisha mwaana nshila njaaelete kweendelamo, kwaamba ayi aakukomena atakaswiimo.

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Shikushimikila 11:10

Aboobo utanoolisukama mumoyo wako. Komanisha mapensho ako oonse ngoocite Ncakwiila bucikula bwangu ankusu taaku mboshibete.

Shikushimikila 11:2

Bika maali ako mumisena iinji ipusenepusene mukwiinga tooshi mapensho eshi akese kuli ndiwe mucishi cino.

Shikushimikila 11:8

Nakubi kwaamba ayi muntu waba amyaaka iinji buyani, ulyeelete kusangalala pamwaaka womwi awomwi ngweekala. Sombi ulyeelete kulabilila ayi nshiku shakunoofwite shilaakufula abuumbi. Shoonse ishi shitoosa taaku mboshibete.

Isaya 26:8

Swebo tulacita kweelana akuyanda kwanu alimwi tulalangila muli ndimwe. Tulisuni kubona liina lyanu kalisumpulwa akuya mpuwo.

Malilo 3:27

Ncibotu kwiiya kulindilila boobo koocili mwanike.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Osiya 7:9

Tabeshibi ayi kucinka manungo mumishobo iyo kwabamana nkusu. Nshiku sha buumi bwabo shitooya kumeelelesho, sombi balo taaku ancebabwene.

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Luka 18:16

Sombi Jesu wakeeta baana akwaamba ayi, “Amuleke baana baniini bese kuli ndime. Mutanoobakasha ceebo Bweene bwakwe Lesa mbwabaabo bali mbuli baaba.

Bene Efeso 6:4

Amwebo nobashali, mutanoolela bana banu munshila yakubakalasha. Sombi mulyeelete kubalela cakunoobeeisha akubalwiita nshebeelete kucita mubwikaalo bwa bwine Klistu.

Dutolonomi 8:18

Amwiibaluke kwaamba ayi nguMwaami Lesa, Lesa wanu uyo umupa nkusu shakuba abuboni ubo. Ulacita boobo ceebo kushikila asunu ucishomeka kweelana acipangano ncaakashomesha cakulumbila kubamashali banu bakulukulu.

2 Timoti 3:15

alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

1 Samwelo 1:28

Aboobo ntoomubenga kuMwaami Lesa. Unanooli musebenshi wakwe Lesa lyoonsebo.” Mpomunyaawo bakalambila Mwaami Lesa apo.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

1 Samwelo 2:18

Sombi Samwelo abwanike bwakwe, wakatolelela kusebensela Mwaami Lesa. Wakalinga kufwala cakufwala ca bupailishi ciitwa ayi efodi.

1 Samwelo 2:26

Mwanike Samwelo wakalinga kuya bukula akuya ciba muntu ukondelesha Mwaami Lesa abantu boonse.