Shikushimikila 10:12 - Baibo Busansulushi Bwa Libuku Ili

¹² Maswi aswa mumulomo wa musongo alamuletela bulemu, sombi muluya ulanyonyoolwa kwiinda mumaswi akwe.

Shikushimikila 10:12 Iomraidhean Croise

2 Samwelo 1:16

Defedi wakalinga wamwaambila kale ayi, “Ulu lufu waliletela omwiine. Walipa mulandu omwiine ndiwalyaambilila ayi wakacaya mwaami uyo Mwaami Lesa ngwaakasala kwiinda mukunanikwa mafuta.”

Jobo 16:5

Sombi naakwiinga ndamwaambila maswi akumuyumyayumya. Nendamwaambila maswi akonsha kumuumbulusha.

Kulumbaisha 140:9

Balwani bangu abo banshingulukite balalisumpula. Amulengeshe kwaamba ayi mashingo abo ababoolele.

Kulumbaisha 37:30

Mubandi wa muntu ululeme ngwa busongo alimwi lyoonse taaku ngwaanyengelela.

Kulumbaisha 64:8

Ulaakubanyonyoola ceebo ca maswi abo abiibi. Abo beshi bakababoone balaakunoopukumunabo mitwi.

Tushimpi 10:10

Muntu ukamwita kumeenso, ngushikuleta shimfulunganya, sombi uyo ululikilabo limwi bantu, ulaleta lunyumfwano.

Tushimpi 10:8

Moyo wa musongo ulanyumfwila milawo, sombi uyo waamba shabuluya, ulaakunyonyoolwa.

Tushimpi 12:18

Maswi abiibi alayasa kumoyo anga ngumupeeni, sombi maswi aamba musongo alashilika.

Tushimpi 15:2

Musongo ulaamba shipa lushibo, sombi muluya ulaambabo shintu shitacite ncito.

Tushimpi 15:23

Kukumbula bweelete kulasangalasha. Ncintu cibotu kwaamba liswi lyeelete paciindi ceelete.

Tushimpi 19:5

Kamboni mubeshi teshi akalangwebo cakutapekwa mulandu, ee, uyo waamba shabubeshi teshi akalekelelweewo.

Tushimpi 22:11

Uyo usuni moyo usalalite akwaamba shankumbu, mwaami ulaakuba shicibusa wakwe.

Tushimpi 26:9

Bweenka cakolwa mbwaatakataka kulibangula myuumfwa mulyaansa lyakwe, mbweeke ubo myaambo ya busongo mbweebete mumulomo wa muluya.

Tushimpi 31:26

Lakwe ngumuntu waamba cabusongo alimwi ulapa milasho cakushomeka.

Shikushimikila 12:11

Maswi aamba bantu basongo ali anga ntusamu tukolete uto beembeshi ntoobasebensesha pakubinga mbelele. Atwalo tushimpi twabo tuli anga njimisomaali yakapopwa cankusu. Tushimpi uto twakapekwa aLesa, Mweembeshi womwibo ngotucite soonse.

Shikushimikila 4:5

Muluya ulalikumbata akunyonyoola buumi bwakwe kunsala.

Shikushimikila 5:2

Mutanoofwambaana kwaamba nabi kushomesha cakufwambaana kuli Lesa. Lesa uli kwiculu mwebo muli pacishi ca panshi. Aboobo maswi akwaamba kaaceya.

Shikushimikila 5:6

Utasuminishi mulomo wako kukunjisha mucibiibi. Utaambili mupailishi ayi, “Ndakalubisha kushomesha cakulumbila.” Ceebonshi ulisuni ayi Lesa akakalale pashintu nshewaamba akunyonyoola milimo ya maansaako?

Shikushimikila 9:17

Maswi akutepeta a musongo alanyumfwika kwiinda koolobesha kwa muleli wa baluya.

Mateyo 12:35

Muntu uli kabotu ulaamba shintu shibotu isho shili mumoyo wakwe, alakwe muntu mubiibi ulaamba shibiibi shili mumoyo wakwe.

Luka 19:22

Mwaami wakwe wakamwaambila ayi, ‘Webo omusebenshi mubiibi! Ono maswi eenka ngowasebensesha atookushinina. Ulishi kwaamba ayi ndimukali, ndabwesa shiteshi shaangu akutebula mpontakwe kushanga.

Luka 4:22

Boonse bantu bakamusuminisha cakukondwa alimwi bakakankamana ambwaakaamba makani cabusongo. Balo bakatalika kwaamba ayi, “Sa te ngomwanaakwe Josefu uyu?”

Bene Efeso 4:29

Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.

Bene Kolose 4:6

Ciindi coonse myaambo yanu ibe ya luse iyaka bamwi alimwi mulyeelete kwishiba bwakukumbula kabotu muntu uli woonse.