Shikushimikila 1:9 - Baibo Busansulushi Bwa Libuku Ili

⁹ Cakabawo kale cilaakubawo alimwi. Cakacitikawo kale cilaakucitika alimwi. Taaku cimwi ceensu cili pacishi ca panshi.

Shikushimikila 1:9 Iomraidhean Croise

Shikushimikila 1:10

Muntu inga waamba ayi, “Bona cintu ici ncipya!” Sombi cintu ico cakalingaako kalekale, ncakwiila kalekale katutana kushalwa.

Shikushimikila 2:12

Lyalo ndakapilulula miyeeyo yangu akuyeeya busongo pantu pomwi ancinko alimwi abuluya. Sa kuliwo upyana bwaami ukonsha kucita shimwi kuleka sheesho shakacitwawo kale?

Shikushimikila 3:15

Shoonse shitoocitwa, shakacitikawo kale, ashalo isho sheshi shikacitike, shakacitikawo kale. Lesa ulalengesha cintu comwi kucitika lyobilo lyobilo.

Shikushimikila 6:10

Ico coonse ciliiwo cakaambwabo kalekale ayi cibeewo. Swebo sobantu tulishi mbotubete, sombi taaku muntu ukonsha kupikisha wooyo umwiinda nkusu.

Shikushimikila 7:10

Uteepushi ayi, “Ceebonshi ciindi cakalekale cakalinga cibotu kwiinda cecino?” Uyo teshi mwiipusho weelete kwiipusha musongo.

Isaya 43:19

Amubone, ntoocita cintu cipya! Cintu ico citoocitika kale alimwi mulicibwene. Ntoopanga nshila muluyanga alimwi ntoobikaamo atulonga.

Jelemiya 31:22

Citooba ciindi cilaamfu buyani kamutonsha mwebo nobaana batashomeki? Nebo neMwaami Lesa ndaakulenga cintu cipya pacishi ca panshi, ee, cintu cipusenebo anga ngumwanakashi kutabilila musankwa.”

2 Pita 2:1

Kwakalinga balaluki babeshi pakati ka bene Isilaeli, alimwi mbweekoobo apakati kanu palaakuba bafundishi babeshi. Cabushishi, balaakuleta njiisho shifulungene alimwi shinyonyoola, akukaka Mwaami wabo wakabalubula. Mukucita boobo, balaakuliletela kunyonyoolwa kwalubilo.

Ciyubululo 21:1

Kuswawaawo ndakabona liculu lipya alimwi acishi ca panshi cipya mukwiinga liculu litaanshi alimwi acishi citaanshi shakamana, alwalo lweenge lwakashimingana.

Ciyubululo 21:5

Mpomunyaawo ukala pacuuna ca bwaami wakaamba ayi, “Ono bulya shintu shoonse ntooshipanga cipya!” Wakandwiita alimwi ayi, “Ulembe shintu ishi mukwiinga maswi aya alyeelete kushomwa alimwi ngalushinisho.”