Shikushimikila 1:13 - Baibo Busansulushi Bwa Libuku Ili

¹³ Ndakalyaaba kwaamba ayi njiye akwishiba kwiinda mubusongo shintu shoonse shicitika pacishi ca panshi. Maawe walema mukuli uyo ngwaakatupa Lesa!

Shikushimikila 1:13 Iomraidhean Croise

Matalikilo 3:19

Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”

Jobo 28:3

Bantu balanyamuna mimuni kuya mumunshinshe. Balayandoola mabwe kuunshi lya bulongo kwiine akuya mukwaakaba kwiine kushiya mbi.

Kulumbaisha 111:2

Milimo ya Mwaami Lesa njinene abuumbi, ilayeeyekwa abantu boonse abo basangalala muli njiyo.

Tushimpi 18:1

Muntu utasuni bamwi ulacitabo nshaasuni mwiine. Ulalengulula shoonse isho babye nsheebaamba ayi nshamaano.

Tushimpi 18:15

Moyo wa musongo ulisuni kwishiba shintu, amatwi asongo alakutika ayi anyumfwishe.

Tushimpi 23:26

Kutikisha nsheeŋamba omwanaangu alimwi ukonkele citondesho ca buumi bwangu.

Tushimpi 25:2

Mbulemu bwakwe Lesa kushisa makani, sombi mbulemu bwa bamaami kuyandoola makani ayo.

Tushimpi 4:7

Busongo ncecintu ciindaawo pashintu shoonse, aboobo ulyeelete kuba abusongo. Pashintu shoonse isho nsheenga wabaasho, ulyeelete kwiilikaawo amaano akunyumfwisha shintu.

Shikushimikila 1:17

Ndakalyaaba kwaamba ayi nshibe bupusano pabusongo abuluya, sombi cakababo anga nkutandaanya muuwo.

Shikushimikila 11:5

Bweenka mbomuteshi nshila ya muuwo alimwi bweenka mbomuteshi mubili mboopangwa mumala, mbweeke ubo tamukoonshi kwishiba mulimo wakwe Lesa, Mulengi wa shintu shoonse.

Shikushimikila 12:12

Omwanaangu, cenjela kushintu shimwi peculu lya tushimpi. Kulemba mabuku takumaani. Kubelenga bunene kulalemya mubili.

Shikushimikila 2:23

Nshiku shakwe shoonse milimo ilaleta kulisukama amapensho. Ncakwiila nabi mashiku miyeeyo yakwe tayookeshiiwo, sobwe. Ici acalo taaku mbocibete.

Shikushimikila 2:26

Ncakwiila kuli wooyo usangalasha Lesa, lakwe ulapa busongo, lushibo alimwi akukondwa. Sombi kumucita shibi ulapa mulimo wakubunganya akusunga buboni kwaamba ayi akabupe wooyo usangalasha Lesa. Ici acalo taaku mbocibete, cilibo anga nkutandaanya muuwo.

Shikushimikila 3:10

Ee, mukuli uyo Lesa ngwaakabika pabantu, ndoobona.

Shikushimikila 3:11

Wakalengesha shintu shoonse kubota mushiindi sha nshisho. Ono wakatupa miyeeyo yakusuna kwishiba shakunembo, sombi taatupi lushibo lukwene pashintu nshaakacita asheesho nsheshi akacite.

Shikushimikila 4:4

Ndakabona alimwi ayi milimo yoonse akuswitilila koonse kwa muntu shilaswa kulunkumbwa lwa munyono pamubye. Ono ici coonse taaku mbocibete, cilibo anga nkutandaanya muuwo.

Shikushimikila 4:8

Kwakalinga musankwa uyo wakalingabo eenka. Taakalinga kucitewo mwaana musankwa nabi mukwabo. Wakalinga kusebensa cakutookeshaawo, nakubi boobo taakwe kukondwa abubile ubo mbwaakalinga kucite. Wakeepusha ayi, “Ino ngani ngoontoosebensela? Ino ceebonshi ntoolikasha kusangalala?” Ici acalo taaku mbocibete, ee, uku nkupengelabo kapongo kafwite!

Shikushimikila 7:25

Aboobo nebo ndakalyaaba ayi nyumfwishe shintu. Ndakalinga kusuminite kulangoola busongo abukumbulo kumiipusho yangu. Ndakalinga kusuni kunyumfwisha buluya bwa bubi alimwi akucinkuka kuli mubuluya.

Shikushimikila 8:9

Ndakabona shintu isho shoonse ndindakayeeya shicitwa pacishi ca panshi. Kuli ciindi muntu ndyaatondesha nkusu nshaacite pabamwi akulicisa mwiine.

1 Timoti 4:15

Cita shintu ishi cakulibenga kwaamba ayi boonse babone ayi buumi bwako muli Klistu butooya cikula.