Shakubelenga 8:13 - Baibo Busansulushi Bwa Libuku Ili

¹³ “Lyalo ukabenge bene Lefi ayi ncipo cakutambeeka kuli ndime, akubabika ayi bakanokweendeleshekwa aAloni abana bakwe basankwa.

Shakubelenga 8:13 Iomraidhean Croise

Shakubelenga 18:6

Nebo nemwiine ndime ndasala bene Lefinyoko kuswa pabene Isilaeli ayi cibe ncecipo cako. Babengwa kuli ndime kwaamba ayi banoosebensa milimo ya muTente ya Cipangano.

Shakubelenga 8:11

Ono Aloni ulyeelete kubabenga kuli ndime ayi ncipo cipuseneeko kuswa kubene Isilaeli kwaamba ayi basebense ncito yangu.

Shakubelenga 8:12

“Bene Lefi balo balyeelete kubika maansaabo pamitwi ya bacende bobilo. Mucende umwi akabengwe kuli ndime neMwaami Lesa ayi ngumulambu wakulekelelwa shibiibi, alakwe umwi ayi ngumulambu wakutenta mukusalasha bene Lefi kweelana amulawo.

Shakubelenga 8:14

Munshila iyi ukapatule bene Lefi kubene Isilaeli bamwi boonse kwaamba ayi bakabe baangu.

Shakubelenga 8:21

Bene Lefi bakalisalasha akucapa shakufwala shabo, alakwe Aloni wakababenga kuMwaami Lesa ayi ncipo cakutambeeka. Alimwi wakabacitila ashoonse shiyandika kweelana amulawo wakusalasha.

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.