Shakubelenga 6:2 - Baibo Busansulushi Bwa Libuku Ili

² “Lwiita bene Isilaeli ayi na musankwa nabi mwanakashi uyo washomesha cakulumbila kuba muNasili mukulibenga kuli ndime neMwaami Lesa,

Shakubelenga 6:2 Iomraidhean Croise

Kulonga 33:16

Ino bantu bamwi inga beshiba buyani ayi mulikondetwe mubantu banu alimwi anebo na mukabule kuya aswebo? Mukwiinga na mukaye aswebo, bantu boonse mucishi ca panshi balaakwishiba ayi tulipusene ambabo.”

Tushimpi 18:1

Muntu utasuni bamwi ulacitabo nshaasuni mwiine. Ulalengulula shoonse isho babye nsheebaamba ayi nshamaano.

Jelemiya 35:6

Sombi balo bakankumbula ayi, “Swebo tatunwiiwo waini ceebo mushali wesu mukulukulu Jonadabu mwanaakwe Lekabu wakatulwiita ayi swebo nabi bamulunyungu lwesu tatweelete kunwa waini.

Bene Lefi 20:26

Mwebo mulyeelete kuba bantu basalalite akubabo baangu neenka, ceebo ndime Mwaami Lesa alimwi ndisalalite. Ndakamupatula kuswa pakati ka mishobo imwi yoonse kwaamba ayi mubebo baangu neenka.

Bene Lefi 27:2

“Lwiita bene Isilaeli ayi na muntu wabengwa kuli ndime neMwaami Lesa ceebo mbwaakashomesha cakulumbila, muntu uyo inga waangululwabo na walipila maali kweelana aayo akasuminishikwa.

Shakubelenga 30:3

“Na mwanakashi ucikala muŋanda ya baishi washomesha cakulumbila kuMwaami Lesa ayi ulaakucita nabi kutacita cimwi cintu,

Shakubelenga 6:1

Mpeeke Mwaami Lesa wakaambila Mose ayi,

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Milimo ya Batumwi 18:18

Paulo wakekala abashomi kuKolinto nshiku shiinji. Kuswawaawo, wakabalasha akutanta bwaato bunene kuya kuSilya pantu pomwi aPulisila alimwi aAkwila. Kaatana kuswa kuSenkiliya, Paulo wakacesa misusu kutondesha ayi wakashomesha cakulumbila kuli Lesa.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Bene Galatiya 1:15

Sombi Lesa muluse lwakwe, wakansalilabo limwi kaantana kushalwa ayi nkamusebensele.

Bene Ebulu 7:27

Peculu lya waawo taabete mbuli bapailishi banene bamwi tau. Lakwe taceelete kunoocaya banyama nshiku shoonse pacipaililo ceebo ca shibiibi shakwe, kuboolaawo asha bantu. Wakacita boobo linkanda lyomwibo ndondoli, ndyaakalibenga mwiine ayi abe mulambu kuli Lesa.

Boomboloshi 13:14

Atakalyi cili coonse ciswa kuminyansa. Taaelete kunwa waini nabi cakunwa cimwi cikola alimwi taaelete kulya cakulya citasalalite kweelana aMilawo. Aakonkele shoonse nshendakamwaambila.”

Boomboloshi 13:4

Anu tooelete kunwa waini nabi cakunwa cimwi cikola. Tooelete kulya cakulya cili coonse citasalalite kweelana aMilawo.

Boomboloshi 13:5

Ulaakumita akushala mwaana musankwa. Mwaana uyo na akashalwe taaelete kuceswa misusu mukwiinga ulaakuba muNasili kuswabo bushiku mbweshi akashalwe. Nkokwaamba ayi ulaakubengwa kuMwaami Lesa. Musankwa uyo ngweshi akatalike mulimo wakufuna bene Isilaeli mumaansa a bene Filisiti.”

Boomboloshi 16:17

Aboobo Samusoni wakamuyubulwita makani oonse ayi, “Nshina kuceswawo kale misusu ceebo ndakabengwa kuli Lesa ayi mbe muNasili kuswa kukushalwa kwangu. Ono bushiku ndaakuceswa, nkusu shangu shilaakunshiya, lyalo ndaakuba mbuli bantu bamwi boonse.”

1 Samwelo 1:28

Aboobo ntoomubenga kuMwaami Lesa. Unanooli musebenshi wakwe Lesa lyoonsebo.” Mpomunyaawo bakalambila Mwaami Lesa apo.