Shakubelenga 11:10 - Baibo Busansulushi Bwa Libuku Ili

¹⁰ Mose wakanyumfwa bantu boonse kabatongooka ndibakalinga kwiimfwi mumikowa mikowa pamilyango ya misumba yabo. Wakapenshekwa mumoyo mukwiinga Mwaami Lesa wakabakalalila.

Shakubelenga 11:10 Iomraidhean Croise

Kulumbaisha 106:25

Bakalinga kutongooka mumatente abo, alimwi tabakwe kunyumfwila Mwaami Lesa.

Kulumbaisha 139:21

NoBaami baLesa, ndibapatite abo bamupatite alimwi bantu bamubukila balamfundoosha kumoyo.

Kulumbaisha 78:21

Lesa ndyaakabanyumfwa, wakakalala abuumbi. Mulilo wakanyakila bamulunyungu lwakwe Jakobo, ncakwiila bukali bwakwe bwakafula pabene Isilaeli.

Kulumbaisha 78:59

Ono Lesa ndyaakabona shintu ishi shoonse wakakalala abuumbi. Lyalo wakakaka mushobo wa bene Isilaeli cakumaninina.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 17:4

Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”

Shakubelenga 11:1

Mpeeke bantu bakatalika kutongooka kuMwaami Lesa pamakatasho abo. Ono Mwaami Lesa ndyaakabanyumfwa, wakakalala akutuma mulilo pabantu. Wakanyaka pakati kabo alimwi akunyonyoola lubasu lomwi lwa misumba.

Shakubelenga 11:11

Lyalo wakeepusha Mwaami Lesa ayi, “Ceebonshi mwancitila shintu ishi? Ceebonshi tamutoosangalala muli ndime? Ceebonshi mwakampa mulimo wa kweendelesha bantu boonse aba?

Shakubelenga 11:9

Ono na kwaba mume pamisumba mashiku, mana aalo ndyaakalinga kuloka.

Shakubelenga 12:3

Mose wakalinga muntu shikuliceesha kwiinda muntu uli woonse mucishi ca panshi.

Shakubelenga 12:9

Mpeeke Mwaami Lesa wakabakalalila akubashiya.

Shakubelenga 16:27

Paceebo ceeci bakasoonoka musumba wakwe Kola, Datani alimwi awakwe Abilamu. Paciindi ico Datani aAbilamu bakalinga kwiimfwi pamilyango ya misumba yabo pantu pomwi abamakaabo alimwi abana babo.

Shakubelenga 21:5

akutalika kutongookela Lesa alimwi aMose. Bakaamba ayi, “Nciinshi ncemwakatukushisha mucishi ca Ijipiti ayi twise tufwite momuno muluyanga mutaamu shakulya nabi maanshi? Twalema kulya cakulya ici cibiibi!”

Maako 10:14

Jesu ndyaakabona boobo, wakakalalila bashikwiiya bakwe akubaambila ayi, “Amuleke baana baniini bese kuli ndime. Mutanoobakasha ceebo Bweene bwakwe Lesa mbwa baabo bali mbuli baaba.

Maako 3:5

Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.