Sekaliya 8:3 - Baibo Busansulushi Bwa Libuku Ili

³ “Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Sekaliya 8:3 Iomraidhean Croise

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 48:1

Mwaami Lesa ulicite nkusu shikankamika! Ulyeelete kulumbaishikwa abuumbi mundabala inene yakwe Lesa, Lesa wesu, ncakwiila pakalundu kakwe kasalalite.

Kulonga 29:45

Lyalo ndaakwikala pakati ka bene Isilaeli akuba Lesa wabo.

Isaya 1:21

Amubone bamundabala inene abo bakalinga kushomeka ono batalika bufuule bwakulambila balesa bamwi. Muciindi cimwi ndabala iyi yakalinga kuswitebo bantu bakalinga kucita shiluleme, ee, bantu batacite tumpenda. Ono mwacaalabo bacayi.

Isaya 1:26

Ndaakukupa boomboloshi alimwi bweenka mbuli kukataanshi, alimwi ndaakukupa beshikupanda maano bweenka mbuli kukale kale. Kuswawaawo ulaakwiitwa ayi Ndabala ya Bululami, ee, Ndabala Ishomeka.”

Isaya 11:9

Ncakwiila paSiyoni kalundu kasalalite ka Mwaami Lesa, teshi pakabeewo cintu cikali alimwi teshi pakabeewo bubi. Mucishi ca panshi coonse bantu balaakunooswitebo lushibo lwa Mwaami Lesa, bweenka lweenge mboluswite maanshi.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 32:16

Koombolosha cakutanyengelela kulaakukumanabo cishi coonse. Ncakwiila bululami teshi bukashiye musena mucishi camboleshi ico.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Isaya 65:25

Muciindi ico baumpe balaakunoolyabo pantu pomwi ambelele. Inkalamu shilaakunoolya bwiisu anga niŋombe sombi yalo nsoka ilaakunoolya bulongo ono teshi shikanoolumaawo. Ncakwiila pakalundu kangu kasalalite teshi pakabewo ciluma nabi cinyonyoola.” Mwaami Lesa waamba.

Isaya 66:20

“Balaakuleta bene mishaanu boonse bali mushishi shoonse kukalundu kangu kasalalite muJelusalemu ayi ncipo kuli ndime neMwaami Lesa. Balaakwisa kabatantite pamaaki, shifubwa shili anga nimbongolo, ngamela, mushikoci alimwi amumaŋoola. Bweenka bene Isilaeli mbobaleta shipo sha shili anga ngamaila kuŊanda yangu mushakunyamwitaamo shisalalite kweelana aMilawo, mbweeke ubo abalo mbweshi bakaletwe.

Isaya 8:18

Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

Jelemiya 14:9

Mwabetanshi anga ngumuntu wapolomokelwabo cintu, nabi anga ngushilumamba wabula nkusu shakufuna? NoBaami baLesa muli pakati kesu alimwi tuli bantu banu. Mutatufutatili twamusenga.’ ”

Jelemiya 26:18

“Mika wa kuMolesheshi wakalinga kulaluka munshiku shakwe Esekiya mwaami wa bene Juda. Wakaambila bene Juda boonse ayi Mwaami Lesa Shinkusu shoonse waamba ayi, ‘Siyoni ulaakushabwa anga ngumuunda, Jelusalemu ulaakuba matongo. Kalundu ka Ŋanda yakwe Lesa kalaakuba musaansa.’

Jelemiya 31:23

Mwaami Lesa Shinkusu shoonse, Lesa wa bene Isilaeli waamba ayi, “Ndaakumana kubaboosha kuswa mubusha, bantu ba mucishi ca Juda amumandabala a njiyo balaakutalika alimwi kusebensesha maswi akwaamba ayi, ‘Mwaami Lesa aakupe coolwe, webo Omusena ululeme wa Jelusalemu. Aape coolwe kuli ndiwe Okalundu kasalalite.’

Jelemiya 33:16

Munshiku sha bweendeleshi bwakwe bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Danyelo 9:16

NoBaami baLesa kweelana amicito yanu iluleme amukushe bukali bwanu buyoosha pandabala ya Jelusalemu, ndabala yanu inene, ee, pakalundu kanu kasalalite. Shibiibi shesu ashilubo sha bamashali besu bakulukulu shakalengesha ndabala ya Jelusalemu abantu banu kuba cintu ceelete kushibulukwa kubantu boonse batushingulukite.

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Jowelo 3:21

Nebo neMwaami Lesa neenkala paKalundu ka Siyoni ndaakuboosha cishole ceebo ca baabo bakacaikwa. Teshi nkalekeleewo baabo bacite mulandu wakutila bulowa bwabo.”

Mika 4:1

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Sefaniya 3:13

Bene Isilaeli beshi bakacaaleewo teshi bakabisheewo. Teshi bakaambewo shabubeshi alimwi teshi bakeeleshewo kucenjeeka bamwi. Balo balaakunooswitilila akwikala cakuliiba, ncakwiila taaku muntu weshi akabaloondeshe.”

Sekaliya 1:16

Paceebo ceeci nebo ndaboola kuJelusalemu mukubonesha nkumbu kundabala yangu. Ŋanda yangu ilaakuyakululwa pantu pomwi andabala yangu. Nebo neMwaami Lesa Shinkusu shoonse ndaamba.’ ”

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Sekaliya 14:10

Cishi coonse kuswa kuGeba kuya mukushika kuLimoni kumalenge lya ndabala ya Jelusalemu, cilaakuba ceelene anga ncishi ca Alaba. Sombi ndabala ya Jelusalemu ilaakutolwa peculu akwikalilila peenka apo. Ndabala ilaakutalikila kuMwinjililo wakwe Benjameni kuya mukushika kumusena wa Mwinjililo Utaanshi, nkokwaamba ayi kuMwinjililo wa paLikonko alimwi kuswa kuŋanda ilaamfu ya Ananelo kuya mukushika kushilindi shakutyaninamo minyansa sha kubwalo.

Sekaliya 8:16

Ono shintu nshemweelete kucita nsheeshi. Kamwaamba calushinisho kumuntu womwi awomwi. Kamoombolosha cakutanyengelela munkuta kwaamba ayi kube luumuno.

Sekaliya 8:19

“Kulikasha kulya uko kuba mumweenshi wane, wasanu, wasanu ayobilo amweenshi walikumi kulaakuba kusekelela kwakusangalala akukondwa kwa bene Juda. Paceebo ceeci amusune lushinisho aluumuno.”

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Joni 14:23

Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Bene Kolose 2:9

Mukwiinga muli Klistu bulesa boonse bulekala mumubili wa buntu

Ciyubululo 21:10

Mpomunyaawo Mushimu Usalashi wakantanjilila, alakwe munjelo uyo wakantola peculu pakalundu kanene kalaamfu. Lyalo wakambonesha ndabala inene isalalite ya Jelusalemu keeswa kwiculu kuli Lesa.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.